Соопштенија

Тешка сообраќајна незгода на патот Прилеп-Градско

Попладнево околу 15 часот, на магистралниот пат Прилеп-Градско се случи тешка сообраќајна незгода, во која животот го загуби петгодишно девојче.

Несреќата се случила кога автомобил Форд Фиеста со велешки регистарски таблички излетал од коловозот и се превртел. Во автомобилот, освен девојчето, патувале и нејзиниот татко, баба и дедо. Останатите патници не се повредени.

Се работи на утврдување на причините за сообраќајната несреќа. Надлежен јавен обвинител изврши увид на лице место, издаде Наредба за обдукција на телото на починатото девојче, како и Наредба за прибирање на траги од лице место врз кои ќе се врши дополнително вештачење.