Петмина обвинети за неовластено производство на дрога соочени со доказите ја признаа вината

Скопје, 25 Мај 2016

Соочувајќи се со предочените докази од Основното јавно обвинителство за гонење на организиран криминал и корупција, петмина обвинети за сторено кривично дело Неовластено производство и пуштање во промет на наркотични дроги, психотропни супстанции и прекурсори, на првото рочиште ја признаа вината, по што судот донесе  Пресуда по признание на вина.

Обвинителството ги товареше обвинетите дека во периодот од ноември 2014 до јули 2015 година со умисла се здружиле за вршење на кривични дела. Тие преземале меѓусебно поврзани дејствија, со искористување исти прилики и други слични околности што претставуваат повеќекратно остварување на кривичното дело – Неовластено производство и пуштање во промет на наркотични дроги, психотропни супстанции и прекурсори.

Основното јавно обвинителство за гонење на организиран криминал и корупција со координирано преземање на истражни дејствија, како и употреба на Посебни истражни мерки и други истражни дејствија  прибра релевантни докази кои ја докажуваат вината на обвинетите. Обвинителниот акт беше поднесен во јануари годинава и тоа против лицата Р.М. за Неовластено производство и пуштање во промет на наркотични дроги, психотропни супстанции и прекурсори од член 215 став 3 во врска со став 1 во врска со член 45 и кривично дело Недозволено изработување, држење и тргување со оружје или распрскувачки материи од член 396 став 1 од Кривичниот законик, а останатите четворица А.А., З.Б., М.Т. и М.А. за сторено кривично дело Неовластено производство и пуштање во промет на наркотични дроги, психотропни супстанции и прекурсори.

Судот на осудените им изрече казни затвор во времетраење од 3 до 5 години.

 

417 total views, 1 views today