Соопштенија

Основното јавно обвинителство Охрид поведе постапка против едно лице за полов напад врз дете

Основното јавно обвинителство Охрид донесе Наредба за спроведување на истражна постапка против едно лице, на возраст од 73 години, жител на Скопје, со престојувалиште во Охрид, за сторено кривично дело од член 188 став 1 од Кривичниот законик – Полов напад врз дете кое не наполнило 14 години.

Осомничениот го сторил делото на 6 јуни во центарот на градот, каде извршил други полови дејствија врз оштетеното дете.

Ценејќи дека се исполнети законските основи, надлежен обвинител до Основниот суд – Охрид поднесе Предлог за определување на мерка притвор за осомниченото лице.