Основното јавно обвинителство Тетово го гони лицето кое нападна и со нож повреди дете

Скопје, 27 Јули 2018

Јавен обвинител од Основното јавно обвинителство Тетово донесе Наредба за спроведување на истражна постапка против едно лице за сторено кривично дело Полов напад врз дете кое не наполнило 14 години од член 188 став 1 од Кривичниот законик.

Осомничениот се гони за дело кое го сторил на 25 овој месец, кога околу 17.00 часот откако го забележал детето, се скрил под балкон на станбен објект и го повлекол детето кон него. При тоа со нож неколку пати ја расекол по екстремитетите и нанел 20 до 30 гребнатини по стомакот, по што извршил полови дејствија. Детето успеало да се одбрани удирајќи го осомничениот и барајќи помош од другарите.

Надлежниот јавен обвинител ценеше дека се исполнети законските основи за определување на мерката притвор за осомничениот и достави  Предлог до Основниот суд Тетово. Судот го прифати предлогот на обвинителството, па со Решение му изрече мерка притвор на осомниченото лице во времетраење од 30 дена.

33 total views, 1 views today