Денес околу 11.40 часот надлежниот јавен обвинител од Основното јавно обвинителство – Струга излезе на увид на лице место во Казнено поправната установа – Струга каде што е пронајдено безживотно тело на осуденик. Станува збор за осуденик, роден 1978 година, кој издржувал казна затвор за кривично дело – Загрозување на сигурноста.

Телото на починатиот со Наредба на јавниот обвинител е предадено на обдукција. Се собираат доказите и се утврдуваат фактите во предметот, за да се откријат причините за смртта.

ЈАВНО ОБВИНИТЕЛСТВО НА РЕПУБЛИКА МАКЕДОНИЈА