СООПШТЕНИЈА

Одмрзната сметка за исплата на плати

Скопје, 19 Октомври 2018

Постапувајќи по Барањето на полномошникот на правните лица – Друштво за обезбедување и услуги „Секјуриком Мултисервис Интернационал“ ДООЕЛ Скопје, Трговско друштво „Секјуриком Сервис“ и Трговско друштво „АПС“ ДООЕЛ Скопје чии сметки се предмет на привремена мерка, надлежниот  јавен обвинител од Основното јавно обвинителство за гонење на организиран криминал и корупција до Судијата на претходна постапка при Основниот суд Скопје 1 – Скопје, достави мислење за делумно ослободување на парични средства од замрзнати трансакциски сметки.

Со оглед на тоа што два члена на Групацијата „Секјуриком“ немаат доволно парични средства за целосна исплата на бруто платите, а со цел да не се загрози егзистенцијата на вработените и на нивните семејства, неопходно е од замрзнатата денарска сметка на Друштвото за обезбедување и услуги „Секјуриком Мултисервис Интернационал“ ДООЕЛ Скопје да се трансферираат парични средства на замрзнатите сметки на другите две правни лица за исплата на бруто плати за месеците јули, август и септември 2018 година.

8 total views, no views today

Поднесен обвинителен предлог за ширење расистички и ксенофобичен материјал по пат на компјутерски систем

Скопје, 19 Октомври 2018

Основното јавно обвинителство Скопје до Основниот суд Скопје 1 Скопје достави Обвинителен предлог против едно лице за сторено кривично дело – Ширење расистички и ксенофобичен материјал по пат на компјутерски систем од чл.394-г ст.1 од Кривичниот законик.

Лицето се товари дека на 24.07.2018 година, преку компјутерски систем, во јавноста ширел ксенофобичен пишан материјал со кој промовирал омраза против група врз основа на етничка припадност. Имено, осомничениот како јавна личност – новинар, на својот јавен профил на една социјална мрежа, објавил коментар по повод пожарот на грчкиот полуостров Атика во кој имаше и човечки жртви. Притоа со коментарот промовирал омраза кон одредена етничка група – Грци кои биле засегнати од катастрофалниот пожар. За ова кривично дело, согласно Кривичниот законик, предвидена е казна затвор од една до пет години.

Во текот на постапката, надлежниот јавен обвинител преку Министерството за внатрешни работи – Сектор за компјутерски криминал и дигитална форензика обезбеди детален документиран материјал за активноста од корисничкиот профил на осомничениот на социјалната мрежа како и други докази. Осомниченото лице не дало свој исказ пред надлежен јавен обвинител, бидејќи не било достапно на неговата адреса за да му биде врачена поканата.

Дополнително, во конкретниот случај, обвинителството имаше увид и во дадените коментари од други лица кон објавениот текст на осомничениот, но притоа оцени дека од кривично-правен аспект постојат основи за постапување само против осомниченото лице, бидејќи тој врз основа на својот општествен статус и професијата која ја извршува, со објавата ги поттикнал останатите коментари во јавноста.

Обвинителството, како орган кој ги гони сторителите на кривични дела, по својата поставеност, ги цени законските можности за постапување, фактите и доказите во секој конкретен предмет, како и општествената оправданост за јавнообвинителско постапување, особено водејќи сметка да не ја наруши слободата на изразување.

22 total views, 1 views today

Три лица под истрага за разбојништво во Струга

Скопје, 18 Октомври 2018

Основното јавно обвинителство Струга донесе Наредба за спроведување истражна постапка против две лица за сторено кривично дело Разбојништво од чл.237 ст.2 и ст.4 во врска со чл.22 (соизвршителство) од Кривичниот законик, како и против едно лице за сторено кривично дело Разбојништво од чл.237 ст.2 и ст.4 во врска со чл.23 и чл.24 (поттикнување и помагање) од Кривичниот законик.

Осомничените, на 27.08.2018 година во на улицата „Битолски конгрес“ во Струга, нападнале едно лице додека се движело кон својот паркиран автомобил и најпрвин со тупаници и клоци, а потоа и со употреба на спреј, успеале да му одземат поголема сума пари. На оштетениот му биле одземени 3.500 австралиски долари, 7.320 швајцарски франци, 100 британски фунти, 4.165 американски долари, 500 канадски долари, 13.565 евра, 1.000 шведски круни, 100 дански круни, како и 7.186.152 денари, кои ги носел со себе.

По извршеното разбојништво, осомничените влегле во автомобил и избегале во правец кон Кичево. Според сознанијата на истрагата, осомничените подолго време го следеле оштетениот, кој бил вработен во менувачница во Прилеп, а патувал со поголема сума пари кои ги разменувал во Струга.

Ценејќи дека се исполнети законските основи, надлежен јавен обвинител од Основното јавно обвинителство Струга до судија на претходна постапка достави предлог за определување мерка притвор за тројцата осомничени.

17 total views, 1 views today

Page 1 of 21412345...102030...Last »

ИНТЕРВЈУА

ИНТЕРВЈУ НА ЈАВНИОТ ОБВИНИТЕЛ НА РЕПУБЛИКА МАКЕДОНИЈА ДАДЕНО ЗА „УТРИНСКИ ВЕСНИК“

Скопје, 07 Мај 2014

ИНТЕРВЈУ – ОБВИНИТЕЛСТВОТО ГИ ПРОВЕРУВА СИТЕ ФАКТИ ЗА МАКЕДОНСКА БАНКА

Државниот јавен обвинител Марко Зврлевски одговара за последните афери отворени пред изборите, за партиското финансирање на изборните кампањи, за ревизијата на проектот „Скопје 2014“ Прочитај повеќе…

928 total views, no views today

КОНКУРСИ