СООПШТЕНИЈА

Основното јавно обвинителство – Прилеп ја истражува несреќата на параглајдеристите на „Мечкин Камен“

Скопје, 18 Август 2018

Во текот на вчерашниот ден, надлежен јавен обвинител од Основното јавно обвинителство – Прилеп во соработка со екипата на крим-техника од Министерството за внатрешни работи изврши увид на местото каде двајца параглајдеристи ги загубија животите. Во насока на расветлување на настанот издадена е наредба за обезбедување на траги и докази, наредба за симнување на видео запис и наредби за исчитување на податоците од лајф-трекер системите на параглајдерите.

Несреќата се случи на ден 17.08.2018 година околу 12,30 часот во близина на Крушево, кај месноста „Мечкин Камен“ во момент на одржување на турнир за параглајдери British Open Championship 2018. Во несреќата животот го загубија едно лице од Украина и едно лице од Велика Британија. Државјанинот на Украина (56) кој летал како турист при пад на параглајдерот починал на самото место, додека параглајдеристот од Велика Британија (54) – учесник на турнирот при падот со параглајдерот се здобил со тешки телесни повреди и со знаци на живот е пренесен во болницата во Прилеп каде починал за време на обидот за реанимација.

Заради утврдување на причините за смртта, надлежниот јавен обвинител издаде и наредба за обдукција врз телата на починатите.

23 total views, no views today

Истражна постапка и мерка притвор за напаѓачот на „Кеј 13 Ноември“

Скопје, 18 Август 2018

Надлежен обвинител од Основното јавно обвинителство – Скопје постапувајќи по кривичната пријава поднесена од страна на Министерството за внатрешни работи, донесе Наредба за спроведување на истражна постапка против едно лице за кривично дело Убиство од член 123 ст.1 од Кривичниот законик.

Осомничениот на 3.08.2018 година, околу три часот по полноќ, во алкохолизирана состојба дошол на Кеј 13 Ноември, пред монтажен објект – тезга за продажба на книги и списанија каде во тој момент престојувало сега починатото лице и започнал да тропа по прозорците. Откако лицето му отворило, осомничениот започнал вербална расправија и без никаков повод и причина физички го нападнал оштетениот удирајќи го во повеќе наврати со тупаници и клоци по телото и главата. Од ударите лицето се здобило со нагмечување на мозочната маса и истото со брза помош било пренесено во Ургентниот- хируршки центар – Скопје. Поради влошување на состојбата повредениот е пренесен на Клиниката за неврохирургија каде му била извршена интервенција и е задржан на Клиниката за анестезија, реанимација и интензивно лекување. На 11 август оштетениот им подлегнал на повредите, а дежурен обвинител издаде Наредба за обдукција.

Вчера во попладневните часови напаѓачот е лишен од слобода.

Надлежниот јавен обвинител ценеше дека се исполнети законските основи за определување на мерката притвор за осомничениот и достави Предлог до Основниот суд Скопје 1 – Скопје. Судијата на претходна постапка го прифати предлогот на обвинителството и на осомниченото лице со Решение му изрече мерка притвор во времетраење од 30 дена.

11 total views, no views today

Оформен предмет по допрен глас во врска со постапките за јавни набавки во Министерството за здравство

Скопје, 10 Август 2018

Основното јавно обвинителство за гонење на организиран криминал и корупција поведе предистражна постапка по допрен глас, заради постоење на индиции за повреда на законот при постапки на доделување на договори за јавни набавки во Министерството за здравство.

Предистражната постапка е како резултат на објавените написи од страна на повеќе медиуми во Република Македонија во врска со неправилностите при спроведување на постапките за јавни набавки во Министерството за здравство. Предметот се однесува на постапката за јавна набавка за биореагенси и тестови на крв во износ од 35 милиони евра и за набавка на лекови од веледрогерија за потребите на јавните здравствени установи без тендерска постапка во износ од 24,6 милиони денари.

Основното јавно обвинителство за гонење на организиран криминал и корупција ги презема сите потребни дејствија и координација со институциите надлежни за откривање на овој вид на кривични дела.

 

80 total views, no views today

Page 1 of 19912345...102030...Last »

ИНТЕРВЈУА

ИНТЕРВЈУ НА ЈАВНИОТ ОБВИНИТЕЛ НА РЕПУБЛИКА МАКЕДОНИЈА ДАДЕНО ЗА „УТРИНСКИ ВЕСНИК“

Скопје, 07 Мај 2014

ИНТЕРВЈУ – ОБВИНИТЕЛСТВОТО ГИ ПРОВЕРУВА СИТЕ ФАКТИ ЗА МАКЕДОНСКА БАНКА

Државниот јавен обвинител Марко Зврлевски одговара за последните афери отворени пред изборите, за партиското финансирање на изборните кампањи, за ревизијата на проектот „Скопје 2014“ Прочитај повеќе…

856 total views, no views today

КОНКУРСИ