Основното јавно обвинителство – Куманово спроведува истражна постапка против државјанин на Република Албанија

Скопје, 14 Октомври 2016

По поднесената кривична пријава од страна на Министерството за финансии – Царинска управа, надлежниот јавен обвинител од Основното јавно обвинителство – Куманово оформи предмет и донесе Наредба за спроведување на истражна постапка против албански државјанин. На лицето му се става на товар дека сторило кривично дело – Неовластено производство и пуштање во промет на наркотични дроги, психотропни супстанции и прекурсори од чл.215 ст.1 од Кривичниот законик.

Имено, на 12-ти овој месец, на ГП Табановце при излез од Република Македонија, при извршена контрола на патничко моторно возило од страна на царинските службени лица биле пронајдени 24,5 кг наркотична дрога – марихуана. Дрогата спакувана во пакувања со различни големини била сместена во касета и специјално направен бункер на подот од возилото.

Во текот на вчерашниот ден, надлежниот обвинител изврши распит на осомничениот кој делумно го призна кривичното дело за кое се обвинува. Јавниот обвинител до судијата на претходна постапка при Основниот суд – Куманово поднесе Предлог за определување на мерка – Притвор. Судијата, постапувајќи по предлогот на јавниот обвинител со Решение на осомничениот му определи мерка – Притвор во траење од 30 дена.

205 total views, no views today

Основното јавно обвинителство – Скопје започна истражна постапка против вешто лице

Скопје, 12 Октомври 2016

Надлежен јавен обвинител од Основното јавно обвинителство – Скопје донесе Наредба за спроведување на истражна постапка против едно вешто лице со Лиценца за вршење на вештачења од областа на финансиското работење. На лицето му се става на товар дека сторило кривично дело – Примање поткуп од чл. 357 од Кривичниот законик.

Вештото лице побарало и примило поткуп во износ од 3000 евра со цел при вештачење да прикаже десеткратно помал износ на прикриен данок.

До судијата на претходна постапка при Основниот суд Скопје 1 -Скопје надлежниот јавен обвинител поднесе Предлог за определување на мерка – Притвор. Судијата со Решение на лицето му определи мерки на претпазливост и тоа: забрана за напуштање на живеалиштето, односно престојувалиштето, обврска да се јавува повремено на определено службено лице или кај надлежен државен орган и привремено одземање на патна или друга исправа за преминување на државната граница, односно забрана за нејзино издавање.

На ваквата одлука Основното јавно обвинителство – Скопје поднесе жалба.​

199 total views, no views today

Започната истражна постапка против царински службеник

Скопје, 10 Октомври 2016

Основното јавно обвинителство – Скопје во соработка со СВР Скопје – Одделение за економски криминал започна истражна постапка против едно лице, вработено на неопределено време како цариник во царинската испостава „Блаце“.

Осомничениот се товари дека на 08.10.2016 година во 06:50 часот на царинската испостава „Блаце“ побарал подарок од едно оштетено лице за да не изврши службени дејствија што морал да ги изврши согласно царинските прописи.

По претходен телефонски договор, двајцата оствариле средба во кафуле во еден трговски центар во Скопје и оштетениот му ги исплатил парите, при што осомничениот е фатен на лице место од овластени службени лица на МВР.
Осомничениот се товари дека сторил кривично дело Поткуп од член 357 ст.1 од Кривичниот законик за кое дело предвидена е казна затвор од 4 до 10 години.

До судија на претходна постапка, надлежниот јавен обвинител поднесе Предлог за определување на мерка притвор за осомничениот, но судијата со Решение определи мерка – куќен притвор. На ваквата одлука Основното јавно обвинителство – Скопје поднесе жалба.

217 total views, no views today

Притвор за четири лица осомничени за обид за грабеж на бензинска пумпа во Гостивар

Скопје, 10 Октомври 2016

Основното јавно обвинителство – Гостивар донесе Наредба за спроведување на истражна постапка против три лица од Гостивар и едно од Тетово, осомничени за сторено кривично дело Разбојништво од чл.237 ст.4 во врска со ст.1 во врска со чл.19 од Кривичниот законик.

Осомничените се товарат дека со употреба на сила и закана дека непосредно ќе нападнат врз животот и телото на друг, се обиделе да ја ограбат бензинската пумпа на „Макпетрол”, лоцирана на ул. „Илинденска” во Гостивар.

Во намерата да ја ограбат бензинската пумпа ги спречиле двајца вработени, од кои едниот  заработил удари со пендрек во главата од осомничените.

Основното јавно обвинителство – Гостивар против осомничените поднесе предлог за определување на мерка притвор. Судија на претходна постапка од Основниот суд во Гостивар го уважи предлогот и на сите четворица осомничени им одреди мерка притвор во траење од по 30 дена, сметано од денот на нивното лишување од слобода.​

194 total views, 1 views today

Жител на крушевско Алданци осомничен за братоубиство

Скопје, 10 Октомври 2016

Надлежен обвинител од Основното јавно обвинителство – Прилеп до судија на претходна постапка поднесе барање за определување на мерка притвор за едно лице од с. Алданци, Крушево, за кое постои основано сомнение дека сторил кривични дела – Убиство и Убиство во обид.

Осомничениот се товари дека со умисла на свиреп начин го лишил од живот неговиот брат, напаѓајќи го најпрвин со секира со дрвена рачка во нивната семејна куќа, а потоа продолжил да го удира во пределот на главата со метална водоводна поцинкувана цевка додека не го усмртил.

По извршеното убиство, осомничениот се упатил кон куќа во непосредна близина  каде што со истата метална водоводна цевка се обидел да лиши од живот едно 14-годишно дете, но притоа бил спречен од соседите кои го фатиле. Детето со телесни повреди е пренесено во болницата во Прилеп каде му е укажана лекарска помош и се наоѓа надвор од животна опасност.

Судијата на претходна постапка го прифати предлогот од надлежниот јавен обвинител и на осомничениот му определи притвор во траење од 30 дена.

176 total views, no views today

Основното јавно обвинителство за гонење на организиран криминал и корупција поднесе обвинителен акт против шест лица обвинети во предметот познат во јавноста како „Еразмус”

Скопје, 07 Октомври 2016

По сеопфатно спроведената истражна постапка и прибрани докази во предметот, надлежниот јавен обвинител од Основното јавно обвинителство за гонење на организиран криминал и корупција денеска до Основниот суд Скопје 1 – Скопје поднесе Обвинителен акт против шест лица осомничени во предметот „Еразмус“.

Обвинителството ги товари обвинетите врз основа на докази што го потврдуваат основаното сомневање дека во повеќе наврати во подолг временски период, односно во текот на 2015 и 2016 година како лица вработени на Економскиот факултет при Универзитетот „Св. Кирил и Методиј“ – Скопје, искористувајќи ја својата положба сториле кривични дела. Обвинетите Б.Ш и С.Р се товарат за сторено кривично дело – Примање поткуп од чл.357 ст.1, лицето Д.Ј. се обвинува дека сторило кривично дело – Примање поткуп од чл.357 ст.1 и Примање награда за противзаконито влијание од чл.359 ст.2 од Кривичниот законик. Обвинетите Љ.Ј. и С.Д. се товарат за сторено кривично дело – Злоупотреба на службената положба и овластување од чл.353 ст.1 од Кривичниот законик. Со обвинителниот акт се обвинува и лицето Д.Д. за сторени три кривични дела- Давање поткуп од чл.358 ст.1 од Кривичниот законик.

Основното јавно обвинителство за гонење на организиран криминал и корупција ја запре истражната постапка за лицето Т.Ф. ценејќи дека нема докази кои потврдуваат дека осомничениот го сторил кривичното дело.

232 total views, no views today

Соопштение

Скопје, 06 Октомври 2016

Основното јавно обвинителство – Скопје, по обезбедена наредба од судија на претходна постапка од надлежниот суд, преку припадници на МВР вршеше претреси на повеќе локации, вклучувајќи и еден Универзитет, а со цел прибирање на релевантна документација, податоци и други предмети, кои ќе се користат како докази во кривична постапка.

Имено, до Државниот просветен инспекторат беа поднесени 20-тина претставки од студенти на Универзитетот, кои потекнуваат од Република Турција. Реакции имало и од Амбасадата на Република Турција во Скопје, а во врска со студирањето на одделни факултети за кои Универзитетот нема добиено акредитација или дозвола за работа од Министерството за образование и наука.

Во претресите извршени во координација со Министерството за внатрешни работи, од просториите на Универзитетот и приватни објекти на лица вработени во него одземени се компјутери, компјутерски податоци и друга многубројна релевантна документација.

Првичните сознанија на Обвинителството упатуваат на тоа дека на Универзитетот биле запишувани поголем број студенти на факултети за дентална медицина, козметологија и физиотерапија. Со проверка е утврдено дека оваа високообразовна институција не поседува дозвола за работа за Факултет за дентална медицина, додека за Факултет за козметологија и физиотерапија нема ниту дозвола, ниту акредитација.

За студентите кои биле запишувани да студираат на овие факултети во факултетската документација се водела паралелна евиденција – покрај онаа за коресподенција со студентите, друга за отчет пред државните институции.

Основното јавно обвинителство – Скопје продолжува со преземање на дејствијата со цел расветлување на овој предмет, каде постојат основи на сомневање дека преку злоупотреба на службена положба и измама е вршен финансиски криминал. Со цел да не се попречи работењето на Универзитетот и правото на студирање на студентите запишани на оние факултети за кои Универзитетот поседува акредитација и дозвола за работа, Обвинителството уште денеска, по преземени неопходни дејствија, ќе ја врати компјутерската опрема во оваа високообразовна институција.

Основното јавно обвинителство – Скопје со индигнација ги отфрла сите обвинувања и шпекулации за политички мотиви на своето постапување изнесени од лица кои се предмет на истрагата.

218 total views, no views today

Средба на Јавниот обвинител на Република Македонија со шефот на Делегацијата на ЕУ во Скопје

Скопје, 28 Септември 2016

IMG_20160928_153914Јавниот обвинител на Република Македонија, г-динот Марко Зврлевски попладнево оствари средба со шефот на Делегацијата на Европската унија во земјава, амбасадорот Самуел Жбогар.

На средбата од протоколарен карактер се разговараше за поставеноста и функционирањето на Јавното обвинителство, како орган надлежен за спречување и борба против криминалот.

176 total views, no views today

Билатерална средба меѓу главните обвинители на Македонија и Албанија

Скопје, 27 Септември 2016

14393332_1253400488023545_469395113_o
Јавниот обвинител на Република Македонија г. Марко Зврлевски денеска во Тирана оствари средба со Главниот обвинител на Албанија г. Адриатик Лала, на која стана збор за проширување на натамошната соработка, имајќи ги предвид предизвиците со кои се соочуваат обвинителствата во борбата против организираниот криминал и корупцијата. Прочитај повеќе…

202 total views, no views today

Основното јавно обвинителство – Куманово изврши увид на лице место за лицето најдено со прострелна рана во Куманово

Скопје, 26 Септември 2016

Утринава на булевар „Октомвриска Револуција“ во Куманово, во една од станбените згради пронајдено е тело на маж со прострелна рана во главата.

Веднаш на лице место е излезен јавен обвинител од Основното јавно обвинителство – Куманово кој раководи со увидот вршен од страна на екипи на СВР и обдуценти. Дадени се потребни наредби со цел утврдување на фактите и расветлување на настанот.

191 total views, no views today

Page 11 of 46« First...910111213...203040...Last »