СООПШТЕНИЕ

Скопје, 21 Ноември 2016

Ја известуваме јавноста дека продолжува работата на Комисија за следење на изборни нерегуларности која беше формирана од страна на Јавниот обвинител на Република Македонија во март 2016 година. Формирањето на Комисијата од Јавното обвинителство на Република Македонија  е во насока на заштита од криминални или други против законити дејствија и за следење на евентуални изборни нерегуларности што би биле сторени при организирањето и спроведувањето на изборите на 11 декември 2016 година.

Со Комисијата претседава јавен обвинител од Јавното обвинителство на Република Македонија, а членови на Комисијата се четворицата Виши јавни обвинители и Основниот јавен обвинител на Основното јавно обвинителство Скопје. Истите се задолжени  да го следат изборниот процес и притоа за сите настани  за кои ќе оценат дека даваат индиции за евентуално сторени изборни нерегуларности да даваат задолженија за итно постапување од страна на Основните јавни обвинителства.  Формирањето на Комисијата е дополнително преземена мерка, која се одвива паралелно со досегашниот начин на следење на изборните процеси преку воспоставување на посебни дежурства на јавни обвинители во обвинителствата, а која продолжува и за овој изборен процес.

Привремената Комисија за следење на изборни нерегуларности при Јавното обвинителство на Република Македонија денеска одржа работна средба во насока на зајакнување на активностите  поврзани со изборниот процес за претстојните избори.

Целта на средбата беше да се утврди начинот на меѓусебното комуницирање, а во насока на превенирање и постапување по противзаконити дејствија што евентуално би биле сторени при организирањето и спроведувањето на изборниот процес на 11 декември 2016 година.

Комисијата за следење на изборните нерегуларности ја известува и потсетува јавноста дека во функција е  електронската адреса izbori@jorm.gov.mk на која граѓанските организации, но и граѓаните воопшто, можат да пријавуваат секакви сомненија за сторени кривични дела поврзани со изборите.

Сите пријави испратени на izbori@jorm.gov.mk веднаш ќе бидат проследени до Комисијата, која предметите ќе ги упатува на итно постапување кај надлежен јавен обвинител.

Дополнително на ова, Комисијата на дневна основа ќе ги следи сите информации објавени во медиумите и при евентуални известувања за изборни нерегуларности ќе формира предмети и по допрен глас.

342 total views, no views today

Обвинителен предлог за несреќата во „Балкан гасови ДОО“ од Богданци

Скопје, 17 Ноември 2016

По комплетирањето на доказите за несреќата што се случи во февруари минатата година во Друштвото за производство, услуги и трговија „Балкан гасови ДОО“ во Богданци, Основното јавно обвинителство – Гевгелија денеска до Основниот суд во Гевгелија поднесе Обвинителен предлог против три физички лица и едно правно лице. Лицата се товарат дека сториле кривични дела – Тешки дела против општата сигурност од чл.292 ст.4 в.в. чл. 288 ст.1 од кои правното лице в.в. ст. 5 од истиот член и Повреда на правото од работен однос од чл.166 ст.1 и в.в. ст.2 од истиот член за правното лице од Кривичниот законик.

Имено, обвинетите Р.Д., Б.Д. и И.Д. како одговорни лица во четврто обвинетото правно лице во утринските часови на 5 февруари минатата година со пожар и експлозија предизвикале значителна опасност за животот и телото на луѓето при што три лица ги загубија своите животи, а едно лице се здоби со тешки телесни повреди. Починатите лица и оштетениот биле вработени во правното лице на работно место – ракувачи на постројки за полнење на технички гас.

Работодавачите согласно чл.31 од Законот за безбедност и здравје при работа се должни при самото вработување на сите вработени да им обезбедат соодветна обука за безбедност и здравје при работа со теоретско и практично оспособување, особено во случајов имајќи ја предвид специфичната дејност на правното лице. Обвинетите иако знаеле дека оштетените немаат поминато обука за безбедност при работа и работа со гасови и дека може да настапи штетна последица, дозволиле истите да извршуваат работни задачи – поправка на машините и машинска изработка и полнење со течен нафтен гас (ТНГ) на мали плински боци само врз основа на обучувањето што го спровел првообвинетиот. Во исто време, во име и за сметка на обвинетото правно лице, обвинетите не придржувајќи се кон одредбите на Законот за работни односи од чл.5 ст.1 т.1 и чл.13. ст.1 т.7 што се однесуваат на засновање на работен однос со еден од починатите наместо Договор за вработување склучиле Договор за дело со што му ги одзеле правата што му припаѓаат како работник.

Критичниот ден сега починатите заменувале скршена челична пружина на машината за полнење на боците, при што дел од капаците на садовите во кои бил сместен ТНГ биле отворени и придонеле за зголемено испарување на гасот во просторијата. Не познавајќи ги карактеристиките на гасот и неговото акумулирање како потежок од воздухот во долниот дел од просторијата, тие продолжиле со својата работа. Во еден момент дошло до кинење на спојот на армираното црево што се наоѓало во долниот дел од машината и испуштање на воздух од истото под притисок. Како резултат на тоа дошло до создавање на експлозивна смеса пропан – бутан гас. Неконтролираното движење на цревото и удирањето по околните метални површини предизвикало искрење при што настанал пожар и експлозија во просторијата од која како последица на здобиените изгореници починале три лица. Набргу пожарот се проширил и во другите делови на фабриката, односно во магацинскиот простор во кој имало околу 75 000 полни боци подготвени за продажба, при што едно лице се здобило со изгореници од 3 и 4 степен.

393 total views, no views today

Основното јавно обвинителство Скопје поведе постапка против две 14-годишни деца

Скопје, 11 Ноември 2016

На 6 ноември во еден часот по полноќ, на ул. Битпазарска, во близина на кафе барот „Стоп“ по настаната вербална расправија двете деца тешко телесно го повредиле  оштетениот 18-годишен К.С. Децата со умисла го нападнале оштетениот, го удирале со тупаници во пределот на главата и градниот кош, од кои удари оштетеното лице паднало на земја, здобивајќи тешка телесна повреда изразена во вид на контузии на главата со повреди на мозокот, крвавење и со наполнети бели дробови со течност. Од настанатите повреди животот му е доведен во опасност.

Надлежен јавен обвинител од Основното јавно обвинителство – Скопје поднесе Барање за поведување на подготвителна постапка против децата во судир со законот од 14 до 16 години до Судијата за деца при Основниот суд Скопје 1 Скопје поради  постоење на основано сомнение дека сториле дејствие што со закон е предвидено како кривично дело – Тешка телесна повреда од член 131 ст.3 во врска со став 1 од Кривичниот законик.  Извршено е испитување на сторителите од страна на судија за деца, издадени се Наредби за вештачење на траги пронајдени и фиксирани на местото на настанот и одземени се предмети кои можат да придонесат во натамошната постапка.

Јавниот обвинител поради сериозноста на стореното кривично дело, достави до судот Предлог за определување на мерката притвор за децата во судир со законот. Судот, решавајќи по предлогот, не го прифати, но изрече мерки на претпазливост и тоа, одземање на патните исправи на двете деца и обврска да не го напуштат местото на живеење.

Јавниот обвинител од Основното јавно обвинителство Скопје интензивно ќе продолжи со преземање на дејствија во насока на расветлување на настанот.

301 total views, no views today

Основното јавно обвинителство Скопје ја истражува сообраќајната несреќа во која загина деветнаесет годишно момче

Скопје, 10 Ноември 2016

Кривичната пријава за случената сообраќајната несреќа од 20 септември годинава, кога возач на патничко возило удри во сега починатото деветнаесет годишно момче Х.К. во Основното јавно обвинителство Скопје пристигна на 8 ноември.

Надлежен јавен обвинител веднаш започна со дејствија во насока на прибирање на податоци и утврдување на фактите.  Донесена е Наредба за спроведување на истражна постапка против едно лице за сторено кривично дело – Тешки дела против безбедноста на луѓето и имотот во сообраќајот од член 300 став 2 во врска со став 1 од Кривичниот законик, за кое е запретена затворска казна од најмалку 4 години. Побаран е извод од крим евиденција за осомниченото лице кое управувало со моторното возило, наредено е сообраќајно техничко вештачење и прибирање на потребни податоци. Надлежниот обвинител веднаш ги повика за давање исказ лице сведок на настанот и осомниченото лице.

Од досега преземените дејствија утврдено е дека во моментот на случувањето на сообраќајната несреќа осомниченото лице го управувало возилото со 2,43 грам промили алкохол во крвта и со неприлагодена брзина.

Ценејќи дека се исполнети законските основи, како и дека има потреба за непречено водење на истрагата, надлежниот обвинител до судот достави Предлог за определување на мерка – куќен притвор за осомниченото лице и Мерки на претпазливост – Одземање на возачка дозвола и Забрана за издавање нова возачка дозвола за осомниченото лице. Предложените мерки беа прифатени од судијата на претходна постапка со донесување на Решение од Основниот суд Скопје 1 Скопје.

420 total views, no views today

Основното јавно обвинителство за гонење на организиран криминал и корупција поведе постапка против четворица за промет со дрога

Скопје, 10 Ноември 2016

Основното јавно обвинителство за гонење на организиран криминал и корупција  донесе Наредба за спроведување на истражна постапка против четири лица за сторено кривично дело Неовластено производство и пуштање во промет на наркотични дроги, психотропни супстанции и прекурсори од член 215 став 3 во врска со став 1 од Кривичниот законик. Двајца од осомничените се македонски државјани, еден е државјанин на Албанија и еден е од Косово.

Кај осомничените лица се пронајдени над 100 килограми наркотична дрога марихуана, наменета за Турскиот нарко пазар.

Надлежниот јавен обвинител до судија на претходна постапка од Основниот суд Скопје 1 Скопје достави Предлог за определување на  мерката притвор за четирите лица. Предлогот со Решение на судот е прифатен и е изречен притвор од триесет дена за секој од осомничените.

 Истрагата за стореното дело продолжува со преземање на дејствија од страна на Основното јавно обвинителство за гонење на организиран криминал и корупција.

327 total views, no views today

Основното јавно обвинителство за гонење на организиран криминал и корупција гони пет лица за скимирање на платежни картички

Скопје, 08 Ноември 2016

Основното јавно обвинителство за гонење на организиран криминал и корупција донесе Наредба за спроведување на истражна постапка против пет македонски државјани од Битола и Прилеп. Осомничените се товарат дека сториле кривични дела „Перење пари и други приноси од казниво дело“ од чл.273, “Изработка и употреба на лажна платежна картичка” по чл.274-б и „Злосторничко здружување“ по чл. 394 од Кривичниот законик.

Имено, осомничените скимирале платежни картички на банкомати, односно вградувале апарати за читање на податоци што подоцна ги користеле за изработување на лажните платежни картички што биле употребувани во Република Македонија и во странство.

Надлежниот јавен обвинител од Основното јавно обвинителство за гонење на организиран криминал и корупција до судијата на претходна постапка од Основниот суд Скопје 1 – Скопје за четворица од осомничените достави Предлог за определување на мерка – Притвор, додека за едно лице предложи мерки на претпазливост – забрана за напуштање на живеалиштето, односно престојувалиштето, обврска на обвинетиот да се јавува повремено на определено службено лице или кај надлежен државен орган и привремено одземање на патна или друга исправа за преминување на државната граница, односно забрана за нејзино издавање.

481 total views, no views today

ДЕМАНТ

Скопје, 04 Ноември 2016

Во врска со објавениот текст на интернет страницата на Општина Центар, со наслов „ ВМРО ДПМНЕ преку судството ја почна одмаздата врз Жерновски“, во кој се објавуваат повеќе дезинформации, во интерес на вистината Основното јавно обвинителство – Скопје има должност да ја информира јавноста.

Јавните обвинителства, согласно законските одредби не поднесуваат кривични пријави – туку постапуваат по поднесени кривични пријави што ги доставуваат физички или правни лица.

Кривичната пријава за која се зборува во објавениот текст, во Основното јавно обвинителство – Скопје ја има поднесено правно лице против градоначалникот на општина Центар на 26 октомври 2016 година. Кривичната пријава се однесува на постапувањата на општина Центар по барање за утврдување на правен статус за бесправно изграден објект, која што нема допирни точки со друг случај што е експлоатиран во изминатите денови.

Во насока на утврдување на наводите од кривичната пријава, Основното јавно обвинителство – Скопје ги повика пријавителот и пријавениот да дадат изјава. Побарано е и доставување на материјали за проверка на наводите од Кривичната пријава.

412 total views, no views today

Се расветлува сообраќајната несреќа кај Кичево во која загинаa три лица

Скопје, 03 Ноември 2016

Основното јавно обвинителство – Кичево во вечерните часови вчера заврши со увидот на лице место за случената сообраќајна несреќа на магистралниот пат Гостивар – Кичево, во близина кај с.Букојчани.

До несреќата дошло околу 19 часот,  кога возило Форд ескорт удрило во трактор со приколка, без регистарски таблици, натоварен со поголемо количество дрва. Како последица на ударот тројцата патници на патничкото моторно возило, возачот З.З (1970), како и сопатниците Х.А (2000) и  А.В. (1997) сите од с.Колари ги загубиле своите животи на лице место. Лицето кое управувало со тракторот и уште едно лице патник, двајцата жители на с. Горно Страгомишта, се здобиле со телесни повреди.

Надлежен јавен обвинител презеде неопходни дејствија во насока на утврдување на причините за случената несреќа. Издадени се наредби за вршење на обдукција на телото на починатиот возач на патничкото возило и земена е крв за натамошна анализа од учесниците во сообраќајната несреќа. Дадени се наредби за технички преглед на возилата и за вршење на сообраќајно-техничко вештачење.

348 total views, no views today

Полицаец се гони заради примање поткуп

Скопје, 21 Октомври 2016

Основното јавно обвинителство – Скопје презема дејствија против службено лице полицаец кој на 19 октомври е фатен на лице место како прима поткуп од возач за сторен сообраќаен прекршок.

Полицаецот во ноќта меѓу 15 и 16 октомври вршел рутинска контрола на преглед на возила во Скопје, при што го сопрел возилото на оштетеното лице и му констатирал три сообраќајни прекршока. Полицаецот го известил возачот дека за сторените прекршоци му следи казна во висина од 1000 евра, но дека доколку му даде 3000 денари, нема да му биде напишана казната. Возачот изјавил дека во моментов нема пари, но е согласен да му даде поткуп на полицаецот. Се договориле паричните средства оштетениот да ги остави во една од блиските продавници, каде ќе каже дека тие се за полицаецот. При тоа, службеното лице му зело генералии на возачот и телефонски број на кој во следните денови неколку пати го контактирал.

Оштетениот го пријавил службеното лице и во организирана акција, на 19 октомври осомничениот е фатен на лице место како го зема поткупот.

Поради постоење на оперативни сознанија, извршен е претрес на приватното возило на осомничениот каде се најдени податоци за стотина граѓани, адреси и контакт телефони. Најдените докази укажуваат дека осомничениот на ист начин ги обработувал и преземал коруптивни дејствија кон поголем број на граѓани.

Со оглед дека постои основано сомнение за сторени кривични дела кон поголем број лица, надлежен јавен обвинител до судија на претходна постапка од Основниот суд Скопје 1 Скопје предложи изрекување на мерка – Притвор за осомниченото лице, кој предлог со Решение на судот беше потврден со изречена мерка од триесет дневен притвор.

Основното јавно обвинителство – Скопје во насока на расветлување на предметот, ќе презема дејствија за проверка на сите податоци најдени кај осомничениот со цел утврдување на фактичката состојба во предметот.

421 total views, no views today

Основното јавно обвинителство – Прилеп склучи спогодба со обвинет за обљуба врз немоќно лице за шест годишна казна затвор

Скопје, 14 Октомври 2016

По завршената истражна постапка против А.Ќ. од Прилеп обвинет за сторено кривично дело Обљуба врз немоќно лице од член 187 став 1 од Кривичниот законик, јавен обвинител од Основното јавно обвинителство – Прилеп склучи Предлог-спогодба со обвинетиот со која се спогодуваат обвинетиот да му биде изречена казна затвор во траење од шест години.

Судијата на претходна постапка ја прифати поднесената Предлог-спогодба и донесе пресуда со која на обвинетиот му ја изрече предложената казна затвор. Со истата пресуда до започнување со издржување на казната се продолжува определениот притвор против осудениот.

Настанот за кој е изречена Пресудата врз основа на спогодба се случи во јули годинава, кога осудениот злоупотребувајќи го заостанатиот душевен развој на оштетената извршил обљуба. Тој со неговото возило ја следел оштетената која се движела пеш и ѝ понудил да влезе во неговото возило. Откако бил одбиен, обвинетиот насилно ја внел во возилото, ја однел надвор од градот и го сторил кривичното дело. По настанот на сега осуденото лице му беше определена мерка притвор.​

407 total views, no views today

Page 20 of 56« First...10...1819202122...304050...Last »