Основното јавно обвинителство – Скопје постигна спогодба за двајца осомничени од предметот „Јустиција“

Скопје, 22 Април 2015

Надлежниот обвинител од Основното јавно обвинителство – Скопје постигна спогодба со двајца осомничени во предметот „Јустиција“. Денеска спогодбата е верификувана и од страна на Основниот суд Скопје 1 – Скопје, кој согласно договореното со Пресуда на осомничените им изрече условна казна затвор, односно казна затвор од една година која нема да се изврши доколку во рок од три години лицата не сторат кривично дело.

 Двајцата осудени лица се поранешни судии, сега во пензија.

 

72 total views, no views today

Потпишана Спогодба за соработка меѓу Јавното обвинителство на Република Бугарија и Јавното обвинителство на Република Македонија

Скопје, 20 Април 2015

Capture

Јавниот обвинител на Република Македонија г.  Марко Зврлевски ,  денес беше домаќин на својот бугарски колега г. Сотир Цацаров – Главен обвинител на Република Бугарија. Двајцата обвинители на средбата  ја истакнаа важноста на развојот на меѓусебната соработка и партнерство за прашањата од заеднички интерес, како и важноста од квалитативно унапредување и усовршување на носителите на јавнообвинителската функција .

Со цел да ги зајакнат контактите меѓу јавните обвинители на Република Македонија и Република Бугарија, како и соработката во сите области од дејноста на обвинителството, обвинителите потпишаа Спогодба за соработка меѓу Јавното обвинителство на Република Бугарија и Јавното обвинителство на Република Македонија.

Прочитај повеќе…

86 total views, no views today

Основното јавно обвинителство – Тетово гони две лица за убиството во угостителски објект во Тетово

Скопје, 16 Април 2015

По доставената кривична пријава од страна на СВР -Тетово, вчера Основното јавно обвинителство – Тетово донесе Наредба за спроведување на истражна постапка против двајца осомничени  за кривично дело – Убиство.

 На 10 овој месец околу 22:00 часот во угостителскиот објект „Баркод“ кој се наоѓа на улицата  ЈНА во Тетово, како резултат на претходна расправија дошло до вооружен инцидент во кој едно лице го загубило животот. Жртвата 22 годишен жител на с. Порој, седел со пријателите во објектот кога влегле осомничените и го повикале надвор физички да се пресметаат.  Со оглед на тоа што сега починатото лице  не одговорило на повикот, осомничените се вратиле до масата на која седела жртвата и почнале да пукаат. Момчето возвратило на нападот испукувајќи неколку куршуми кон осомничените.  Како резултат на повредите во градниот кош, стомакот и надлактицата, момчето починало на пат кон Клиничка болница – Скопје.  Воедно,  шест лица се здобиле со телесни повреди од огнено оружје меѓу кои и еден од осомничените и  три лица со телесни повреди од скршените стакла на објектот.

 Надлежниот јавен обвинител до судијата на претходна постапка при Основниот суд во Тетово, поднесе Предлог за определување на мерка – Притвор против осомничените. Судијата на претходна постапка го прифати предлогот од надлежниот обвинител и на двајцата осомничени им определи со Решение  Притвор во траење од 30 дена. Еден од осомничените  во моментов  е недостапен на органите на прогонот и мерката притвор ќе започне по неговото лишување од слобода.

 

69 total views, no views today

ПОДНЕСЕНО ОБВИНЕНИЕ ЗА УБИСТВОТО НА ДЕТСКАТА КЛИНИКА

Скопје, 08 Април 2015

Основното јавно обвинителство Скопје по утврдување на основаноста на сомнението, поднесе обвинение против едно лице за кривично дело – Убиство од член 123 став 2 точка 7 (Убиство на бремено лице).

Лицето е обвинето бидејќи на 09.01.2015 год. околу 19,00 час, во кругот на комплекс Клиники „Мајка Тереза“ во Скопје, во потпокривната просторија на Клиниката за детски болести на седмиот кат, со умисла ја лишил од живот оштетената, сега покојна. Обвинетиот знаел дека жртвата е бремена. Тој делото го извршил по претходна вербална расправија, по што со употреба на сила ја турнал сега починатата на подот. Жртвата при падот удирајќи со главата на подот, се здобила со повреда која не била животно загрозувачка. Користејќи ја состојбата во која оштетената, поради повредата, не можела да дава отпор, обвинетиот со едната рака ја фатил за вратот и почнал да ја стега, а со другата рака во исто време и ги затнал носот и устата, давејќи ја се додека не престанала да покажува знаци на живот. Како резултат на насилното задушување кај оштетената настапила смрт.

62 total views, no views today

Основното јавно обвинителство -Тетово донесе Наредба за спроведување на истражна постапка против едно лице за сторено кривично дело Убиство

Скопје, 03 Април 2015

По поднесената кривична пријава од страна на Министерството за внатрешни работи на Република Македонија – СВР Тетово, надлежниот јавен обвинител од Основното јавно обвинителство -Тетово донесе Наредба за спроведување на истражна постапка против едно лице за сторено кривично дело Убиство во обид .

Имено, на 31.03. 2015 година во вечерните часови осомничениот со умисла се обидел да го лиши од живот оштетениот, доведувајќи во опасност  уште едно лице.

Пo  намерно предизвикана собраќајна незгода во која учествувале таткото на осомничениот, оштетениот и зетот на оштетениот, таткото на осомничениот се дал во бегство и го повикал својот син. По пристигнувањето на местото на настанот, осомничениот со пиштол марка „Бул шероке М5/ 45 ” за кој  има дозвола за поседување од непосредна близина испукал неколку куршуми кон возилото на оштетениот со намера да го лиши од живот оштетениот и неговиот сопатник, со што сторил кривично дело Убиство по чл.123 ст.2, т.3 вв со чл.19 од Кривичниот законик.

Надлежниот јавен обвинител до судијата на претходна постапка од Основниот суд – Тетово поднесе Предлог за определување на мерка – Притвор во траење од 30 дена. Судијата на претходна постапка  уважувајќи го предлогот донесе Решение со кое е определена предложената мерка.

На настанот му претходеле влошени меѓусебни односи помеѓу оштетениот и таткото на осомничениот.​

 

61 total views, no views today

Европската Комисија цени дека работата на јавните обвинители може да ја ценат само надлежните основни судови

Скопје, 30 Март 2015

Јавното обвинителство на Република Македонија достави покана до Европската Комисија за испраќање на меѓународни експерти кои би биле во тек со предметите кои ги води обвинителството, а произлезени од последните актуелни случувања.

Иако јавното обвинителство има капацитети и единствена законска недлежност за водење на истражна постапка, сепак ја поканивме Европската Комисија преку свои претставници, а во интерес на јавноста и заради намалување на сомнежите за објективноста во постапувањето, да сведочи за транспарентноста и објективноста во работата на јавните обвинители.

До Јавното обвинителство на Република Македонија пристигна одговор од Европската комисија во кој ни се заблагодаруваат за поканата и позитивно јa оценуваат нашата заложба.

Во одговорот сме известени дека Европската Комисија во моментов нема да врши надворешната експертиза во содржината на  било која поединечна  кривична постапка. Притоа во дописот е истакнато дека сметаат дека единствено надлежно тело да ја цени објективноста или транспарентноста на активностите на јавните обвинители е судот од прва инстанца ( и во случај на жалба апелациониот суд).

Јавното обвинителство повторно ја искажува својата отвореност и покана за меѓународни експерти од ЕУ. Ценејќи ги домашните закони и европските стандарди, а во насока на намалување на сомневањата во јавноста, јавното обвинителство и натаму ќе продолжи со транспарентноста и подготвеноста за соработка со сите релевантни фактори.

 

90 total views, no views today

СООПШТЕНИЕ

Скопје, 26 Март 2015

Основното јавно обвинителство Скопје ја известува јавноста дека предметите по јавно објавените наводи од наводно прислушкуваните разговори по службена должност и досега поднесените кривични пријави од СДСМ, се распоредени на 17 јавни обвинители од ова обвинителство.

Сите пријави се дадени во работа. По дел од истите досега се преземени определени дејствија, а во тек е преземањето и на други активности согласно Законот за кривична постапка, Кривичниот законик и внатрешните правила за работење на јавното обвинителство.

Напомнуваме дека, како и по сите други кривични пријави и настани без оглед на тоа кој е подносител и кој е пријавен, надлежните јавни обвинители на ист начин постапуваат и по наведените предмети.

84 total views, no views today

Основното јавно обвинителство Гевгелија гони три лица за сторени кривични дела Тешка кражба и Тешка кражба во обид

Скопје, 18 Март 2015

Припадници на така наречената група Проспера се гонат од страна на Основното јавно обвинителство за две кривични дела – Тешка кражба и Тешка кражба во обид. Кривичната пријава беше поднесена од Министерството за внатрешни работи НК-КР Гевгелија.

Осомничените на ден 17.03.2015 година по претходен договор, со намера противправно присвојување на туѓи подвижни предмети од поголема вредност – пари и злато, извршиле кривично дело – Тешка кражба. Имено, употребувајќи подесен обработен клуч за сигурносни врати од марката „Проспера“ од кинеско производство, во временскиот период од 07,30 до 11,15 влегле во стан во самиот центар на Гевгелија. Откако не пронашле вредни предмети, заминале на друга адреса во стан во кој, пред две седмици, на ист начин била извршена кражба. Осомничените биле забележани од страна на сведок и се дале во бегство со автомобил, сопственост на еден од осомничените. На излезот од Гевгелија биле запрени од полициска контрола. При тоа, осомничените со намера да се ослободат од доказите, го фрлиле клучот, кој е пронајден и испратен на вештачење.

Осомничените лица се специјални повратници на ист вид кривични дела, осудувани и за истите веќе се водат постапки за ист вид кривични дела сторени на ист начин.

Оваа група подолго време врши организирани кражби во повеќе градови на територијата на Република Македонија. Во тек се постапки за утврдување на идентитетот на сторителите на кривичните дела извршени на ист начин, односно дали се работи за истите сторители или за поголема група на извршители на овој вид на кривични дела.

Постапувајќи во предметот, надлежниот јавен обвинител утврди дека постојат околности кои укажуваат на опасност од бегство на осомничените доколку бидат пуштени да се бранат од слобода, па до Судијата на претходна постапка при Основниот суд – Гевгелија поднесе Предлог за определување мерка Притвор во траење од 8 дена.

104 total views, no views today

СООПШТЕНИЕ

Скопје, 13 Март 2015

Јавното обвинителство е единствен и самостоен државен орган кој ги гони сторителите на кривични дела и на други со закон утврдени казниви дела. Јавните обвинители функцијата ја вршат законито, непристрасно и објективно. Во рамки на своите надлежности, а во име на општеството се грижат за ефикасност на кривичноправниот систем.

Во своето постапување јавното обвинителство доследно ги почитува законите на Република Македонија,  ги почитува и заштитува слободите и правата на човекот и граѓанинот и правата на другите правни субјекти инволвирани во постапките.

Ценејќи дека отвореноста во постапувањето е фундамент на демократијата, јавното обвинителство посветува должно внимание на транспарентноста. При тоа континуирано обезбедува информации за текот на предметите во фазите на постапувањето кога со откривање на информациите не може да се наруши натамошниот тек на кривичната постапката.

Повторуваме дека јавното обвинителство има капацитет да се справи со сите предмети, но во насока на нашата транспарентност, како и со цел оневозможување на шпекулациите за работењето на јавните обвинители во предметите поврзани со актуелните случувања, Јавното обвинителство на Република Македонија достави официјална покана до органите на Европската Унија за испраќање на меѓународни експерти кои би биле во тек со работата на јавните обвинители по актуелните предмети.

Ваквата одлука е одраз на цврстиот став дека јавните обвинители доследно постапуваат согласно законите и дека јавноста нема причина за сомневање за нивното постапување. Овозможувањето меѓународни експерти да бидат во тек со работата по предметите е само поради целосна транспарентност при работењето и отстранување на евентуалните сомнежи во објективноста на нашето постапување.

Воедно веруваме дека ќе придонесеме кон градење на довербата во независното и самостојно постапување на јавното обвинителство.

85 total views, no views today

28 годишен штипјанец извршил полов напад врз дете кое не наполнило 14 години и продолжено кривично дело обљуба врз немоќно лице

Скопје, 13 Март 2015

Основното јавно обвинителство Штип донесе Наредба за спроведување на истражна постапка против 28 годишен штипјанец за сторено кривично дело – Полов напад врз дете кое не наполнило 14 години и продолжено кривично дело Обљуба врз немоќно лице.

Имено, осомничениот од почетокот на 2015 година со претходно договарање за времето и местото на средбата, се среќавал со оштетеното момче (16) – лице со лесен ментален хендикеп. Средбите се одвивале во вечерните часови, во повеќе наврати, на различни локации и притоа искористувајќи го неговиот заостанат душевен развој, со намера да ги задоволи своите полови страсти, вршел полови дејствија.

Исто така, на ден 10.03.2015 година осомничениот, по претходно телефонско договарање на средба, се сретнал со 13 годишно дете пред фудбалско игралиште, каде во руинираните простории на соблекувалната, со намера да ги задоволи своите полови страсти извршил полови дејствија врз жртвата.

Надлежниот јавен обвинител, до Судијата на претходна постапка на Основен суд Штип достави Предлог за определување на мерка Притвор за осомничениот во траење од 30 дена. Судот го прифати предлогот на обвинителството и со Решение определи триесет дневен притвор.

100 total views, no views today

Page 30 of 42« First...1020...2829303132...40...Last »