Основното јавно обвинителство Велес ја расветлува тешката железничка несреќа

Скопје, 24 Април 2015

На ден 23.04.2015 година околу 22.30 часот на железничката пруга Велес – Скопје на околу 2 км по железничката станица Рајко Жинзифов поточно помеѓу оваа станица и стојалиштето Пчиња,  дојдено е до тешка железничка несреќа.

Имено, според зборовите на машиновозачот на патничкиот експресен воз бр.334 кој сообраќа на релација Гевгелија-Белград движејќи се во правец кон Скопје по изминувањето на железничката станица Рајко Жинзифов на околу 50-100 м пред возот, забележале поголема група, која броела повеќе десетици лица, како стои или оди по пругата. Во тој момент истиот презел дејствие на интензивно сопирање на возот и вклучил звучен сигнал при што дел од лицата кои се наоѓале на пругата избегале, додека пак  дел од нив останале и поради неможноста на толку кусо растојание возот да сопре, удрил во истите при што дел од нив се прегазени. На растојание од околу 100-150 м од ударот возот запрел и веќе е онеспособен за натамошно движење поради оштетувањата настанати од несреќата.

Од страна на Основниот јавен обвинител во Велес заедно со увидна екипа на СВР Велес и медицински лица од Амбулантата за Брза помош во Велес е излезено на лице место и е извршен увид, при што е констатирано дека на пругата се усмртени 14 лица. Повредени лица не се затекнати на местото на настанот. Од првичните сознанија добиени од групата од околу 10-ина лица кои од непристапниот околен шумски терен се приближиле до пругата при вршењето на увидот, добиени се сознанија дека се работи за мигранти од Сомалија и од Авганистан кои се движеле по пругата во група и во моментот кога го слушнале звучниот сигнал тие успеале да го избегнат ударот на возот скокајќи од пругата во околниот простор.

Основното јавно обвинителство Велес продолжува со истрагата за настанатата железничка несреќа.

 

243 total views, 2 views today

Основното јавно обвинителство Штип гони четири лица за Оштетување или уништување на добра под привремена заштита или културно наследство или природни реткости

Скопје, 23 Април 2015

Четворицата осомничени, од кои двајца државјани на Република Србија, во ноќта помеѓу 18/19.04.2015 година, како соизвршители вршеле недозволени истражувачки работи на верскиот објект – „Хусамедин пашина џамија“ – „Свети Илија“, прогласен за културно наследство.

Тие со употреба на сила и подесен алат влегле во верскиот објект и извршиле археолошки ископувања со отстранување на камените плочи и копање на дупка. Осомничените биле  откриени на лице место и при тоа лишени од слобода.

Надлежниот обвинител од Основното јавно обвинителство Штип донесе Наредба за спроведување на истрага против двајцата осомничени за сторено кривично дело – Оштетување или уништување на добра под привремена заштита или културно наследство или природни реткости.

Воедно, сметајќи дека се исполнети законските основи, обвинителот поднесе Предлог за определување на мерка Притвор. Предлогот беше прифатен од страна на судијата на предходна постапка кој донесе Решение со определување на Притвор за осомничените во траење од по триесет дена.

237 total views, 1 views today

Јавниот обвинител на Република Македонија оствари протоколарна средба со кинескиот амбасадор

Скопје, 23 Април 2015

Денес, Јавниот обвинител на Република Македонија г. Марко Зврлевски имаше средба со амбасадорот на Народна Република Кина, неговата екселенција г. Вен Џеншун.

image-392faa5947d47b07b9db8a34f6bd56348ac77646728a3d46fbf9875ecc2fb551-V

На средбата стана збор за поставеноста на јавните обвинителства во Република Македонија и Народна Република Кина и можното воспоставување на идна соработка меѓу обвинителствата.

291 total views, 1 views today

Второосомничениот за убиството во угостителскиот објект „Баркод“ во Тетово е лишен од слобода

Скопје, 22 Април 2015

Осомничениот, утринава, самиот се пријавил во Полициската станица Кисела Вода во Скопје, носејќи го со себе и оружјето со кое истакнал дека е извршено убиството. По приведувањето, осомничениот ќе ја издржува мерката Притвор согласно веќе донесеното Решение од страна на Основниот суд – Тетово.

Имено, Основното јавно обвинителство -Тетово за осомничениот за извршеното убиство достави Предлог за определување на мерка – Притвор во надлежниот суд. Судијата на предходна постапка донесе Решение и определи притвор во времетраење од триесет дена. Поради тоа што осомничениот претходно беше недостапен за органите на прогонот , мерката ќе се извршува од денес.

218 total views, 1 views today

Основното јавно обвинителство – Скопје постигна спогодба за двајца осомничени од предметот „Јустиција“

Скопје, 22 Април 2015

Надлежниот обвинител од Основното јавно обвинителство – Скопје постигна спогодба со двајца осомничени во предметот „Јустиција“. Денеска спогодбата е верификувана и од страна на Основниот суд Скопје 1 – Скопје, кој согласно договореното со Пресуда на осомничените им изрече условна казна затвор, односно казна затвор од една година која нема да се изврши доколку во рок од три години лицата не сторат кривично дело.

 Двајцата осудени лица се поранешни судии, сега во пензија.

 

171 total views, no views today

Потпишана Спогодба за соработка меѓу Јавното обвинителство на Република Бугарија и Јавното обвинителство на Република Македонија

Скопје, 20 Април 2015

Capture

Јавниот обвинител на Република Македонија г.  Марко Зврлевски ,  денес беше домаќин на својот бугарски колега г. Сотир Цацаров – Главен обвинител на Република Бугарија. Двајцата обвинители на средбата  ја истакнаа важноста на развојот на меѓусебната соработка и партнерство за прашањата од заеднички интерес, како и важноста од квалитативно унапредување и усовршување на носителите на јавнообвинителската функција .

Со цел да ги зајакнат контактите меѓу јавните обвинители на Република Македонија и Република Бугарија, како и соработката во сите области од дејноста на обвинителството, обвинителите потпишаа Спогодба за соработка меѓу Јавното обвинителство на Република Бугарија и Јавното обвинителство на Република Македонија.

Прочитај повеќе…

285 total views, no views today

Основното јавно обвинителство – Тетово гони две лица за убиството во угостителски објект во Тетово

Скопје, 16 Април 2015

По доставената кривична пријава од страна на СВР -Тетово, вчера Основното јавно обвинителство – Тетово донесе Наредба за спроведување на истражна постапка против двајца осомничени  за кривично дело – Убиство.

 На 10 овој месец околу 22:00 часот во угостителскиот објект „Баркод“ кој се наоѓа на улицата  ЈНА во Тетово, како резултат на претходна расправија дошло до вооружен инцидент во кој едно лице го загубило животот. Жртвата 22 годишен жител на с. Порој, седел со пријателите во објектот кога влегле осомничените и го повикале надвор физички да се пресметаат.  Со оглед на тоа што сега починатото лице  не одговорило на повикот, осомничените се вратиле до масата на која седела жртвата и почнале да пукаат. Момчето возвратило на нападот испукувајќи неколку куршуми кон осомничените.  Како резултат на повредите во градниот кош, стомакот и надлактицата, момчето починало на пат кон Клиничка болница – Скопје.  Воедно,  шест лица се здобиле со телесни повреди од огнено оружје меѓу кои и еден од осомничените и  три лица со телесни повреди од скршените стакла на објектот.

 Надлежниот јавен обвинител до судијата на претходна постапка при Основниот суд во Тетово, поднесе Предлог за определување на мерка – Притвор против осомничените. Судијата на претходна постапка го прифати предлогот од надлежниот обвинител и на двајцата осомничени им определи со Решение  Притвор во траење од 30 дена. Еден од осомничените  во моментов  е недостапен на органите на прогонот и мерката притвор ќе започне по неговото лишување од слобода.

 

187 total views, 1 views today

ПОДНЕСЕНО ОБВИНЕНИЕ ЗА УБИСТВОТО НА ДЕТСКАТА КЛИНИКА

Скопје, 08 Април 2015

Основното јавно обвинителство Скопје по утврдување на основаноста на сомнението, поднесе обвинение против едно лице за кривично дело – Убиство од член 123 став 2 точка 7 (Убиство на бремено лице).

Лицето е обвинето бидејќи на 09.01.2015 год. околу 19,00 час, во кругот на комплекс Клиники „Мајка Тереза“ во Скопје, во потпокривната просторија на Клиниката за детски болести на седмиот кат, со умисла ја лишил од живот оштетената, сега покојна. Обвинетиот знаел дека жртвата е бремена. Тој делото го извршил по претходна вербална расправија, по што со употреба на сила ја турнал сега починатата на подот. Жртвата при падот удирајќи со главата на подот, се здобила со повреда која не била животно загрозувачка. Користејќи ја состојбата во која оштетената, поради повредата, не можела да дава отпор, обвинетиот со едната рака ја фатил за вратот и почнал да ја стега, а со другата рака во исто време и ги затнал носот и устата, давејќи ја се додека не престанала да покажува знаци на живот. Како резултат на насилното задушување кај оштетената настапила смрт.

229 total views, no views today

Основното јавно обвинителство -Тетово донесе Наредба за спроведување на истражна постапка против едно лице за сторено кривично дело Убиство

Скопје, 03 Април 2015

По поднесената кривична пријава од страна на Министерството за внатрешни работи на Република Македонија – СВР Тетово, надлежниот јавен обвинител од Основното јавно обвинителство -Тетово донесе Наредба за спроведување на истражна постапка против едно лице за сторено кривично дело Убиство во обид .

Имено, на 31.03. 2015 година во вечерните часови осомничениот со умисла се обидел да го лиши од живот оштетениот, доведувајќи во опасност  уште едно лице.

Пo  намерно предизвикана собраќајна незгода во која учествувале таткото на осомничениот, оштетениот и зетот на оштетениот, таткото на осомничениот се дал во бегство и го повикал својот син. По пристигнувањето на местото на настанот, осомничениот со пиштол марка „Бул шероке М5/ 45 ” за кој  има дозвола за поседување од непосредна близина испукал неколку куршуми кон возилото на оштетениот со намера да го лиши од живот оштетениот и неговиот сопатник, со што сторил кривично дело Убиство по чл.123 ст.2, т.3 вв со чл.19 од Кривичниот законик.

Надлежниот јавен обвинител до судијата на претходна постапка од Основниот суд – Тетово поднесе Предлог за определување на мерка – Притвор во траење од 30 дена. Судијата на претходна постапка  уважувајќи го предлогот донесе Решение со кое е определена предложената мерка.

На настанот му претходеле влошени меѓусебни односи помеѓу оштетениот и таткото на осомничениот.​

 

203 total views, 1 views today

Европската Комисија цени дека работата на јавните обвинители може да ја ценат само надлежните основни судови

Скопје, 30 Март 2015

Јавното обвинителство на Република Македонија достави покана до Европската Комисија за испраќање на меѓународни експерти кои би биле во тек со предметите кои ги води обвинителството, а произлезени од последните актуелни случувања.

Иако јавното обвинителство има капацитети и единствена законска недлежност за водење на истражна постапка, сепак ја поканивме Европската Комисија преку свои претставници, а во интерес на јавноста и заради намалување на сомнежите за објективноста во постапувањето, да сведочи за транспарентноста и објективноста во работата на јавните обвинители.

До Јавното обвинителство на Република Македонија пристигна одговор од Европската комисија во кој ни се заблагодаруваат за поканата и позитивно јa оценуваат нашата заложба.

Во одговорот сме известени дека Европската Комисија во моментов нема да врши надворешната експертиза во содржината на  било која поединечна  кривична постапка. Притоа во дописот е истакнато дека сметаат дека единствено надлежно тело да ја цени објективноста или транспарентноста на активностите на јавните обвинители е судот од прва инстанца ( и во случај на жалба апелациониот суд).

Јавното обвинителство повторно ја искажува својата отвореност и покана за меѓународни експерти од ЕУ. Ценејќи ги домашните закони и европските стандарди, а во насока на намалување на сомневањата во јавноста, јавното обвинителство и натаму ќе продолжи со транспарентноста и подготвеноста за соработка со сите релевантни фактори.

 

286 total views, 1 views today

Page 41 of 53« First...102030...3940414243...50...Last »