Основното јавно обвинителство – Велес продолжува со сослушување на медицинскиот персонал од ЈЗУ Општа болница Гевгелија

Скопје, 26 Октомври 2015

По добивањето на информацијата дека во тек на закажан оперативен зафат за породување дошло до смрт на родилка и на новороденчето, Основното јавно обвинителство – Велес започна предистражна постапка. Надлежен јавен обвинител со цел утврдување на причините за смртта, до Институтот за судска медицина, криминалистика и медицинска деонтологија – Скопје, достави Наредба за судско-медицински преглед и обдукција на телата на починатите. Во исто време донесена е и Наредба за анализа на крв на лицата кои го сочинувале тимот што го вршел зафатот, поради добиеното сознание дека двајцата лекари – анестезиолози биле во алкохолизирана состојба.

Добиени се извештаите од судско-медицински преглед и обдукцијата. Во тек се дополнителни анализи и испитувања што треба да ги утврдат причините што довеле до смртта.

Анализата на примероците на крв извршена од страна на Министерството за внатрешни работи покажа 1,23 промили, односно 1,75 промили алкохол во крвта на лекарите анестезиолози. Кај лекарите – гинеколози не е констатирано присуство на алкохол во крвта.

Од страна на Основното јавно обвинителство – Велес во насока на утврдување на причините за овој немил настан што ја разбранува јавноста, се преземени и други дејствија. Прибавена е целокупната медицинска документација што се однесува како на оперативниот зафат, така и на прегледите на родилката што претходеле на зафатот и резултатите од извршените претходни испитувања. Во текот на изминатите два дена се сослушани поголем дел од медицинскиот персонал кој го извршувал оперативниот зафат.

Денес продолжува сослушувањето на останатите лица од медицинскиот персонал.​

360 total views, no views today

Поднесен Предлог за определување на мерки на претпазливост за возачот на камионот

Скопје, 25 Октомври 2015

По добиената кривична пријава против возачот на камионот кој вчера удри во 11 годишно девојче, во момент кога тоа се обидувало да ја премине улицата, денес надлежниот јавен обвинител до судија на претходна постапка поднесе Предлог за определување на мерки за претпазливост – забрана за напуштање на живеалиштето, односно престојувалиштето, обврска на обвинетиот да се јавува повремено на определено службено лице или кај надлежен државен орган, привремено одземање на патна или друга исправа за преминување на државната граница, односно забрана за нејзино издавање и забрана за преземање на определени работни активности кои се поврзани со кривичното дело од чл. 146 ст.1 точка 1,2,3 и 7 од Законот за кривична постапка. Судијата на претходна постапка го уважи предлогот на јавниот обвинител и со Решение ги определи предложените мерки за претпазливост. Возачот се товари за сторено кривично дело – Тешки дела против безбедноста на луѓето и имотот во сообраќајот согласно чл.300 ст.4 вв чл.297 ст.3 од Кривичниот законик. Прочитај повеќе…

319 total views, no views today

Основното јавно обвинителство – Битола гони шеесетгодишен маж за полов напад врз три деца кои не наполниле 14 години

Скопје, 22 Октомври 2015

Постапувајќи по поднесената кривична пријава од Министерството за внатрешни работи – СВР Битола, Основното јавно обвинителство – Битола донесе Наредба за спроведување истражна постапка за едно лице, шеесетгодишен битолчанец, кој сторил три продолжени кривични дела -Полов напад врз дете кое не наполнило 14 години од чл. 188 ст.1 в.в. чл.45 од КЗ.

Осомничениот во временскиот период од  5 до 10 овој месец, извршил полови дејствија врз три деца кои не наполниле 14 години на начин што за паричен надоместок ги терал на блудни дејствија.

Надлежниот јавен обвинител кој ценеше дека се исполнети законските основи до судијата на претходна постапка на Основниот суд во Битола, поднесе Предлог за определување мерка – Притвор на осомничениот , кој предлог беше прифатен и со Решение е определена мерка Притвор против осомничениот во трање со 30 дена.

268 total views, no views today

Основното јавно обвинителство Гостивар го истражува убиството во с. Врапчиште

Скопје, 20 Октомври 2015

Настанот се случил на 19.10.2015 година во вечерните часови кога осомничениот роден 1966 год од с.Врапчиште, Гостиварско, нанесувајќи и удар со секира во вратот ја убил својата сопруга родена 1971 година. Убиството го извршил во спалната соба од семејната куќа во с.Врапчиште. Според првичните информации, сторителот и жртвата подолго време биле во лоши брачни односи, од која заедница имаат две полнолетни деца.

По стореното, осомничениот самиот се пријавил во полициска станица Гостивар.

На местото на настанот извршен е увид од страна на јавен обвинител и крим.техника. Јавниот обвинител издаде Наредба за вршење обдукција. Истрагата продолжува во насока на расветлување на настанот.

332 total views, no views today

Регионална конференција на јавните обвинители од Македонија, Босна и Херцеговина, Бугарија, Црна Гора, Србија и Албанија

Скопје, 16 Октомври 2015

Улогата на јавниот обвинител во второстепената постапка во мешани кривично правни системи беше тема на која дискутираа јавните обвинители од Македонија, Босна и Херцеговина, Бугарија, Црна Гора, Србија и Албанија на Регионалната конференција што се одржа во Скопје на 15 и 16 октомври.

Во организација на Здружението на јавните обвинители во Република Македонија и Јавното обвинителство на Република Македонија, а со финансиска поддршка на Мисијата на ОБСЕ во Скопје – Отсек за владеење на правото, конференцијата имаше за цел унапредување на кривичната постапка во делот на поголема гаранција и заштита на правата на поединецот во жалбената постапка, која како коректив важи за основен механизам за владеење на правото.

Меѓународниот настан го отворија г. Марко Зврлевски, Јавен обвинител на Република Македонија и Амбасадорката Мариане Берец, Заменик шеф на Mисијата на ОБСЕ во Скопје. Присутните ги поздрави и г-ѓа Спасенка Андонова, претседател на Здружението на јавните обвинители на Република Македонија.

IMG_7585

Прочитај повеќе…

737 total views, no views today

Проширена истрагата за кумановското „Диво Насеље“ за уште седум лица

Скопје, 15 Октомври 2015

Врз основа на анализа од досега прибавените докази од истрагата во врска со настаните од 9 и 10 мај годинава во кумановската населба Диво Насеље, надлежниот обвинител од Основното јавно обвинителство за гонење на организиран криминал и корупција, издаде Наредба за спроведување на истражна постапка за уште седум македонски државјани.

Осомничените, кои се теретат за сторени кривични дела „Терористичка организација” од чл. 394 – а и „Тероризам” од чл. 394 -б, се изведуваат пред Судија на претходна постапка. Надлежниот јавен обвинител до Судијата на претходна постапка достави Предлог за определување на мерка – Притвор.

355 total views, no views today

СООПШТЕНИЕ

Скопје, 14 Октомври 2015

Јавното обвинителство ја известува јавноста дека во тек на вчерашниот ден, по барање на поголем број на јавни обвинители беше одржан заеднички колегиум на јавните обвинителства на кој присуствуваа раководителите на Вишите и Основните јавни обвинителства од државата.

Барањето за одржување на заеднички состанок произлезе по револтираноста која се јави меѓу редовите на јавното обвинителство и тоа поради постоечката состојба во која работат јавните обвинителства, како и последните случувања кои се последица на донесувањето на новиот Закон за јавно обвинителство за гонење на кривични дела поврзани и кои произлегуваат од содржината на незаконското следење на комуникациите.

На средбата присутните констатираа дека состојбата во која работат обвинителствата е исклучително незадоволителна, особено по однос на кадровската екипираност. Новиот Закон за кривична постапка ги зголеми надлежностите на јавното обвинителство, но техничката опременост и вработените останаа скоро на исто ниво. Особено незадоволителна е состојбата во Основните јавни обвинителства Скопје, Гостивар, Куманово, Кочани и Крива Паланка.

Незадоволството на јавните обвинители е дотолку поголема, што и по доставеното барање до надлежните институции за зголемување на бројот на јавни обвинители и јавно обвинителските службеници за 30 проценти, досега не е одговорено. Дополнително, состојбата со недоволната кадровска екипираност се влошува со најавениот и можен одлив на јавните обвинители во новото специјално обвинителство, а особено земајќи ги во предвид законските одредби со кои нови јавни обвинители мора да се бираат од редот на завршените кандидати од Академијата за судии и јавни обвинители, што на годишно ниво не е задоволителна бројка.

Воедно, на состанокот стана збор и за новиот Закон за јавно обвинителство за гонење на кривични дела поврзани и кои произлегуваат од содржината на незаконското следење на комуникациите според кои специјалната обвинителка достави финансов план со кои предвидува издвојување на огромни суми за плати и надоместоци, за кус период , што укажува на високи примања на вработените од тоа обвинителство кои се значително поголеми од примањата на постојниот кадар во обвинителствата.

Говорејќи за несразмерните плати и надоместоци, го посочија барањето и потребата за коригирање на примањата на јавните обвинители, , кои постапуваат по тешки предмети, каде задолжително треба да се предвидат и надоместоци за ризик, страв и доверливост адекватни на оние предвидени за специјалното обвинителство. Ова беше поткрепено со соодветни податоци за карактерот на високо ризичните предмети во областа на меѓународниот организиран криминал и тероризам.

Присутните побараа да се достави Барање до Советот на Јавните Обвинители, со кое ќе се инсистира на одговор за начинот на кој е составена предлог листата за избор на јавните обвинители во специјалното обвинителство, дали и каде имало објавено оглас и каде се пријавувале заинтересираните кандидати и дали листата е составено според објективни критериуми и кои се тие. Ова особено што за јавните обвинители, предлог листата изразува лични афинитети и субјективни согледувања за квалитетот на предложените кандидати.

Присутните јавни обвинители изразија незадоволство од донесувањето на Закон за јавно обвинителство за гонење на кривични дела поврзани и кои произлегуваат од содржината на незаконското следење на комуникациите оценувајќи дека на тој начин се става неосновано под сомневање нивното стручно и објективно постапување и во илјадници други предмети, а исто така го оценија новиот Закон како неуставен и повикаа на поднесување Иницијатива за оценување на неговата уставност и законитост пред Уставниот суд на Република Македонија.

Тргнувајќи од поставените барања и забелешките дадени на заедничката средба, едногласно беа донесени следните заклучоци:

- Да се предложи донесување на Измени и дополнувања на Законот за Јавно обвинителство со кои ќе се овозможи избор на нови јавни обвинители покрај кандидатите од Академијата за обука на судии и јавни обвинители.

- Да се предложат измени и дополнувања на Законот за плати на јавни обвинители во насока на надоместоци за јавните обвинители во смисла на надоместоци за ризик, страв и доверливост.

- Да се предложат измени и дополнувања на законот за јавно обвинителска служба според кои ќе се овозможат соодветни плати и надоместоци.

- Јавните обвинители инсистираат сите предложени Измени да се донесат во итна постапка.

534 total views, no views today

Основното јавно обвинителство за гонење на организиран криминал и корупција постапува против 12 лица приведени во денешната акција

Скопје, 08 Октомври 2015

Донесена е Наредба за спроведување на истражна постапка против 12 лица, приведени во полициската акција која во текот на ноќта и утринава се спроведуваше во повеќе градови во земјава.

Едно од осомничените лица се гони за сторени кривични дела Злосторничко здружување и Злоупотреба на службената положба и овлaстување кој ги сторил вршејќи висока функција во Основниот суд Куманово. Останатите единаесетмина се гонат за сторени кривични дела Злосторничко здружување, Лихварство, Изнуда и Криумчарење мигранти.

Ценејќи дека се исполнети законските основи, надлежниот обвинител предложи до Судијата на предходна постапка од Основниот суд Скопје 1 Скопје за сите дванаесетмина да се определи мерка Притвор.

Истрагата во обвинителство продолжува.

404 total views, no views today

Основното јавно обвинителство Велес поднесе обвининие за сообраќајната несреќа кај Наплатната станица Градско

Скопје, 02 Октомври 2015

Основното јавно обвинителство – Велес ја заврши истражната постапка за трагичната сообраќајна незгода што се случи во мај годинава и до Основниот суд во Велес поднесе Обвинителен предлог против едно лице за сторено кривично дело – Тешки дела против безбедноста на луѓето и имотот во сообраќајот со смртни последици.

Истрагата и сообраќајното вештачење покажале дека обвинетиот критичниот ден (26.05.2015 година) околу 18.45 часот се движел со својот патнички автомобил марка Мазда 3 во правец од Гевгелија кон Скопје со брзина од околу 109,77 км на час. Брзината на движење на автомобилот не била приспособена на атмосферските и другите сообраќајни услови, поради што не бил во можност навремено да реагира и да го сопре возилото пред секоја пречка што во услови на влажен коловоз и силен одблесок на сонцето може да се испречи. Во еден момент, обвинетиот налетал со автомобилот на сигурносен триаголник поставен на коловозната лента по која се движел, го турнал и продолжил да се движи.

На автопатот претходно веќе се случила сообраќајна незгода помеѓу две товарни моторни возила Мерцедес Атего и Мерцедес Кесонудирајќи и тој не можејќи да го запре возилото удрил со предниот десен дел од автомобилот во задниот лев дел од товарното возило Мерцедес Атего оштетувајќи го истото и продолжил да се движи, притоа го завртел својот автомобил и сопрел попречно на средината од коловозната лента по која се движел. На самото место на несреќата, од силината на ударот, починале неговите сопатници – сопругата (34) која седела на совозачкото место и синот (4) кој седел во седиште за дете зад седиштето на совозачот .

397 total views, no views today

Основното јавно обвинителство Скопје даде позитивно мислење за повторување на постапката, по барање на обвинетиот Хаџиски

Скопје, 25 Септември 2015

Барањето за повторување на постапката обвинетиот го има доставено во надлежниот Основен суд Скопје 1 Скопје, од каде на ден 21.09.2015 е доставено  Барање за мислење во надлежното Основно јавно обвинителство Скопје.

Обвинителот кој постапува во предметот,  на 22. 09. 2015 година достави позитивно мислење по барањето, односно се согласи со предлогот за повторување на постапката, ценејќи дека се исполнети законските основи и дека обвинетиот има право на судење во негово присуство.

Воедно, сметајќи дека има основа да се верува дека обвинетиот ќе се даде во бегство, обвинителството предложи до судот определување на мерката притвор. Од страна на судот предлогот беше прифатен, па со Решение е определен притвор на обвинетиот во времетраење од 30 дена.

344 total views, no views today

Page 43 of 62« First...102030...4142434445...5060...Last »