Основното јавно обвинителство – Кочани предложи мерка – Притвор за жената која го уби сопругот во с. Спанчево

Скопје, 19 Септември 2014

Основното јавно обвинителство – Кочани донесе Наредба за спроведување истражна постапка против едно лице, поради постоење на основано сомнение дека е сторено кривично дело – Убиство. Воедно, до судијата на предходна постапка во Основниот суд Кочани, обвинителството поднесе Предлог за определување на мерка – Притвор, сметајќи дека се исполнети условите од Законот за кривична постапка.

Осомничената на ден 17 септември 2014 година со умисла, на свиреп начин, го лишила од живот нејзиниот брачен другар. Во извршување на кривичното дело осомничената употребила метална шипка со која на оштетениот му нанела тешки телесни повреди, по што со раце го задушила и лишила од живот.

Надлежното обвинителство ја продолжува истражната постапка во насока на утврдување на сите факти, докази и околности во кривичниот настан, по што ќе донесе соодветна одлука.

 

ЈАВНО ОБВИНИТЕЛСТВО НА РЕПУБЛИКА МАКЕДОНИЈА

170 total views, no views today

Основното јавно обвинителство – Велес поведе постапка против четири лица за сторени кривични дела – Противправно лишување од слобода и Разбојништво

Скопје, 18 Септември 2014

Основното јавно обвинителство – Велес постапувајќи по кривична пријава поднесена од СВР Велес, донесе Наредба за спроведување на истрага против четири лица, осомничени за кривични дела Противправно лишување од слобода и Разбојништво.

Имено на ден 16.09.2014 година, осомничените со употреба на опасно орудие – срп, коса и вила, сериозно заканувајќи се дека ќе го нападнат животот и телото, им ја одзеле слободата на движење на четири лица – сите државјани на Сирија. Осомничените потоа од оштетените одзеле подвижни предмети – пари и мобилни телефони со намера истите противправно да ги присвојат.

Надлежниот јавен обвинител, ценејќи дека се исполнети условите од Законот за кривична постапка, до судијата на предходна постапка поднесе Предлог за определување на мерка – Притвор против осомничените.

ЈАВНО ОБВИНИТЕЛСТВО НА РЕПУБЛИКА МАКЕДОНИЈА

170 total views, no views today

Основното јавно обвинителство – Скопје продолжува со истрагата против осомничените за кражба во банка

Скопје, 18 Септември 2014

На ден 13.09.2014 година, од страна на  Министерството за внатрешни работи – СВР Скопје, Организациони единици за криминалистички работи, Единицата за економски и компјутерски криминал, до Основното јавно обвинителство – Скопје поднесена е кривична пријава против три лица за сторено кривично дело – Злоупотреба на службената положба и овластување.

Прочитај повеќе…

188 total views, 1 views today

Основното јавно обвинителство – Скопје предложи мерки на претпазливост за осомничениот за сообраќајната несреќа на автопатот Велес – Скопје

Скопје, 17 Септември 2014

Основното јавно обвинителство Скопје превзема активности во предметот за сообраќајната несреќа која се случи на автопатот Велес – Скопје, кога управувач на патничко возило возејќи во спротивна насока предизвика сообраќајна несреќа.

Обвинителството до надлежниот Основен суд Скопје 1 – Скопје предложи определување мерки на претпазливост. По предлогот, судот ги определи мерките за претпазливост: одземање на пасошот на осомничениот и друга исправа за поминување на државната граница, обврска на осомниченото лице да се јавува еднаш неделно во судот и забрана за напуштање на престојувалиштето.

Јавното обвинителство продолжува со предистражната постапка во која ќе се соберат сите релевантни докази за настанатата сообраќајна несреќа, по што ќе биде донесена јавно обвинителска одлука.

ЈАВНО ОБВИНИТЕЛСТВО НА РЕПУБЛИКА МАКЕДОНИЈА

199 total views, 3 views today

Oсновното јавно обвинителство – Штип ја истражува сообраќајната несреќа на патот Штип – Кочани, во која едно лице го загуби животот

Скопје, 17 Септември 2014

Надлежното Oсновно јавно обвинителство – Штип изврши увид на лице место за сообраќајната несреќа што се случи утрово на патот Штип – Кочани, во која едно лице го загуби животот.

Од засега неутврдени причини, возачот на моторното возило Форд Фиеста, поминал во спротивната коловозна лента и директно удрил во автобус на претпијатието Актива инжињеринг од Штип, кој во моментот не превезувал патници. Возачот на патничкото возило починал на лице место.

Надлежниот обвинител донесе Наредба за обдукција на починатиот, со цел утврдување на фактите во предметот.

 

ЈАВНО ОБВИНИТЕЛСТВО НА РЕПУБЛИКА МАКЕДОНИЈА

156 total views, no views today

Основното јавно обвинителство – Охрид поднесе Предлог за определување мерка – Притвор за лицето кое му нанесе тешки телесни повреди на чуварот на МЈП „Проаква“

Скопје, 15 Септември 2014

Надлежното Основно јавно обвинителство – Охрид донесе Наредба за спроведување истрага против едно лице за сторено кривично дело – Убиство во обид, од член 123 став 2 точка 1 во врска со член 19 став 1 од Кривичниот законик на Република Македонија.

Осомничениот на ден 14 септември 2014 година , без причина и повод, физички го нападнал чуварот на Meѓyoпштинcкoтo јaвнo пpeтпpиjaтиe „Проаква“ – Охрид, додека вршел службената должност, при што со неколку удари со тврд предмет – камен и употреба на нож му нанел тешки телесни повреди.

Основното јавно обвинителство – Охрид, сметајќи дека се исполнети условите од Законот за кривична постапка, односно дека постои опасност од бегство и од повторување на стореното дело, до судијата на предходна постапка поднесе и Предлог за определување на мерка – Притвор.

Постапката на надлежниот обвинител продолжува во насока на утврдување на сите релевантни факти и околности во извршеното кривично дело.

ЈАВНО ОБВИНИТЕЛСТВО НА РЕПУБЛИКА МАКЕДОНИЈА

190 total views, 1 views today

Основното јавно обвинителство – Гевгелија поднесе Предлог за определување на мерка – Притвор против странски државјанин за сторено кривично дело – Фалсификување исправа

Скопје, 15 Септември 2014

На ден 14.09.2014 година во Основното јавно обвинителство Гевгелија, од страна на Министерството за внатрешни работи поднесена е кривична пријава против едно лице, државјанин на Република Србија, за сторено кривично дело – Фалсификување исправа по чл.378 ст.3вв ст.1 од Кривичниот законик на Република Македонија.

Имено, осомничениот управувал возило со бугарски регистарски ознаки, и истото имало фалсификуван идентификациски број и лажна сообраќајна дозвола.

По увидот во кривичната пријава и доказите кон неа, ценејќи дека постојат околности што укажуваат на опасност од бегство, поради тоа што се работи за државјанин на друга држава, надлежниот обвинител до Основниот суд во Гевгелија поднесе Предлог за определување мерка – Притвор против осомничениот.

По поднесениот предлог, Основниот суд во Гевгелија донесе Решение со кое на осомничениот му е определен притвор во траење од осум дена.

 

ЈАВНО ОБВИНИТЕЛСТВО НА РЕПУБЛИКА МАКЕДОНИЈА

142 total views, 1 views today

Завршен увид од Основното јавно обвинителство – Радовиш за инцидентот во кој е употребен службен пиштол

Скопје, 15 Септември 2014

Основното јавно обвинителство – Радовиш изврши увид на лице место во кривично правниот настан што се случи овој викенд во Радовиш во кој полициски службеник при извршување на службена должност рани едно лице. Надлежниот обвинител ги обезбеди сите траги и докази врз основа на кои во наредните денови Основното јавно обвинителство – Радовиш ќе донесе соодветна јавнообвинителска одлука.

 

ЈАВНО ОБВИНИТЕЛСТВО НА РЕПУБЛИКА МАКЕДОНИЈА

158 total views, 1 views today

Основното јавно обвинителство – Гостивар спроведе активности за сторено кривично дело Тешка кражба

Скопје, 15 Септември 2014

Основното јавно обвинителство -Гостивар донесе Наредба за спроведување на истрага против две лица на возраст од 18 години за сторено кривично дело – Тешка кражба.

По поднесената кривична пријава на ден 7 септември годинава од страна на Полициската станица – Гостивар, Основното јавно обвинителство -Гостивар утврди дека осомничените од куќата на оштетениот во с.Чајле одзеле поголема количина на злато и златен накит.

Против двете лица надлежниот јавен обвинител поднесе и Предлог за изрекување на мерка -Притвор, по што судијата за претходна постапка на Основниот суд во Гостивар донесе Решение со кое е определен краткотраен притвор до 48 часа.

ЈАВНО ОБВИНИТЕЛСТВО НА РЕПУБЛИКА МАКЕДОНИЈА

137 total views, 1 views today

Основното јавно обвинителство – Скопје поведе постапка против едно лице за лажно претставување

Скопје, 12 Септември 2014

По поднесената кривична пријава од страна на Министерството за внатрешни работи, Основното јавно обвинителство – Скопје до надлежниот суд поднесе Предлог за определување мерка – Притвор против едно лице кое, со намера за себе да прибави корист, лажно се преставувало како инспектор од Управата за јавни приходи и побарало да му бидат исплатени парични средства во износ од 3.000,00 денари во текот на месец август и 6.000,00 денари во текот на месец септември 2014 година. За стореното осомничениот се гони за сторено кривично дело – Лажно претставување.

Судијата на предходна постапка од Основниот суд Скопје донесе Решение со кое на осомничениот му определи мерка – Притвор во времетраење од 8 дена.

ЈАВНО ОБВИНИТЕЛСТВО НА РЕПУБЛИКА МАКЕДОНИЈА

176 total views, 1 views today

Page 46 of 49« First...102030...4445464748...Last »