28 годишен штипјанец извршил полов напад врз дете кое не наполнило 14 години и продолжено кривично дело обљуба врз немоќно лице

Скопје, 13 Март 2015

Основното јавно обвинителство Штип донесе Наредба за спроведување на истражна постапка против 28 годишен штипјанец за сторено кривично дело – Полов напад врз дете кое не наполнило 14 години и продолжено кривично дело Обљуба врз немоќно лице.

Имено, осомничениот од почетокот на 2015 година со претходно договарање за времето и местото на средбата, се среќавал со оштетеното момче (16) – лице со лесен ментален хендикеп. Средбите се одвивале во вечерните часови, во повеќе наврати, на различни локации и притоа искористувајќи го неговиот заостанат душевен развој, со намера да ги задоволи своите полови страсти, вршел полови дејствија.

Исто така, на ден 10.03.2015 година осомничениот, по претходно телефонско договарање на средба, се сретнал со 13 годишно дете пред фудбалско игралиште, каде во руинираните простории на соблекувалната, со намера да ги задоволи своите полови страсти извршил полови дејствија врз жртвата.

Надлежниот јавен обвинител, до Судијата на претходна постапка на Основен суд Штип достави Предлог за определување на мерка Притвор за осомничениот во траење од 30 дена. Судот го прифати предлогот на обвинителството и со Решение определи триесет дневен притвор.

264 total views, no views today

ВЕЛЕШКОТО ОБВИНИТЕЛСТВО ГОНИ ЕДНО ЛИЦЕ ЗА ПОЛОВ НАПАД ВРЗ МАЛОЛЕТНИК

Скопје, 11 Март 2015

Основното јавно обвинителство – Велес донесе Наредба за спроведување на истражна постапка против едно лице за сторено кривично дело – Полов напад врз дете кое не наполнило 14 години од чл.188 ст.1 од Кривичниот законик.

Осомничениот (47), инаку сосед на жртвата (12), на 09.03.2015 година во попладневните часови го повикал момчeто да го превезе со својот автомобил. Откако жртвата влегла во автомобилот, осомничениот ги заклучил вратите и почнал да врши полови дејствија на што момчето се спротивставило. По дадениот отпор, осoмничениот го вратил детето на 100- ина метри близу до куќата каде го оставил.

Со оглед на околностите под кои е сторено кривичното дело и видот и висината на запретената казна за истото, кои упатуваат на можноста од бегство на обвинетиот или продолжување со вршење на кривични дела од овој вид, надлежниот јавен обвинител, до Судијата на претходна постапка на Основен суд Велес достави Предлог за определување на притвор за осомничениот.

Судот го прифати предлогот на обвинителството и на осомничениот со Решение му е определен притвор во траење од триесет дена.

318 total views, no views today

СООПШТЕНИЕ

Скопје, 10 Март 2015

По последните случувања, континуираните објави на снимки, разговори, изјави од страна на повеќето политички партии, како и по нагласеното препукување кое преку медиумите се прави, а е во врска со кривично правни настани за кое надлежните јавни обвинителства веќе постапуваат, деновиве јавното обвинителство нагласено се повикува да даде конечен одговор. Исто така, се повикува на лична и колективна одговорност.

Сметајќи дека со ваквите напади, се нарушува независното работење на јавните обвинители како одговорни за гонење на сторителите на кривичните дела, ја информираме јавноста дека ниту Јавното обвинителство како институција, ниту било кој јавен обвинител нема да дозволат да бидат вклучени во интригите, ниту преку нив да се пресметуваат меѓусебно лицата инволвирани во случувањата, без разлика на причините и мотивите заради кои тоа се прави.

Повторуваме дека надлежните обвинителства и тоа Основното јавно обвинителство за гонење на организиран криминал и корупција и Основното јавно обвинителство – Скопје, веќе имаат отворено предмети по кои интензивно се постапува. Дел од овие предмети се отворени по кривична пријава поднесена од МВР, дел се отворени по пристигнати кривични пријави од други подносители, а пак дел од предметите се отворени од страна на јавното обвинителство по допрен глас.

Истражната постапка бара преземање на дејствија, внимание и посветеност. Прибирањето на доказите, податоците, релевантните факти е строго законски определен процес, кој за да успешно се финализира изискува неопходно време.

Надлежните обвинители во основните јавни обвинителства кои работат на предметите неможат да излезат со став или изјава пред конечно утврдување на сите фактички и правни прашања поврзани со дадените настани. За таа цел во дoсегашното постапување повикани се подносителите на кривичните пријави, дел од нив се сослушани, побарано е да се достават докази кои би укажувале на основаноста на сомнението за сторени кривични дела, како и во тек е преземање на други дејствија со цел да се соберат известувања и релевантни докази. За еден од осомничените веќе има и правосилна пресуда врз основа на спогодба.

По однос на објавените снимки и други материјали за кои се коментира дека наводно потекнуваат од примена на посебни истражни мерки, надлежните обвинителства издадоа наредби до надлежни органи за преземање мерки и дејствија со цел да се извршат проверки и се соберат известувања дали се работи за делови од истражни мерки или се други материјали, за тоа кој, кога и на кој начин ги објавил материјалите. До надлежните институции дадена е наредба да се отстранат снимките и да се спречат нивните натамошни објавувања. Исто така, се преземаат и активни дејствија за материјалите кои се однесуваат на наводно прислушкувани разговори, а кои се објавуваат од страна на СДСМ.

До расветлување на настаните, несериозно е надлежните обвинителства да даваат нецелосно проверени информации и на тој начин да ги подржуваат шпекулациите и да завземаат страна. Крајно е несериозно да се очекува за било кој предмет, а најмалку за предмети од ваков обем кои како што напомнавме изискуваат неопходно време, дека надлежните обвинители можат да излезат кон јавноста со конкретни информации.

Впрочем јавното обвинителство секогаш истакнува дека јавните обвинители по секоја поднесена кривична пријава, сознание за сторено кривично дело, по проверка на основаноста на сомнението за истите, целосно и независно преземаат дејствија во рамки на своите законски овластувања.

Да потсетиме, дури и кога ќе се расветли вистината, адресата на која се испраќаат со докази поткрепените обвиненија е судот, како инстанца која решава по нив.

Во интерес на вистината која се утврдува, во интерес на независната истрага ослободена од било какви влијанија и притисоци, во интерес на реализирање на целта на постоењето на јавнообвинителската работа, јавното обвинителство неможе и несмее да излезе со паушални наводи, со непроверени информации и со делумно откриени факти.

Токму затоа, неприфатливо е за јавните обвинители како поединци кои работат самостојно, ниту за Jавното обвинителство како инстиуција, нејзиниот авторитет и поставеност да биде неаргументирано и од лични приватни интереси прозвана и повикана на одговорност поради почитување на Кривичниот Законик, Законот за кривична постапка и Законот за јавно обвинителство која токму како независна, самостојна, тајна и правична ја определува нашата работа.

395 total views, no views today

СООПШТЕНИЕ

Скопје, 06 Март 2015

Основното јавно обвинителство Скопје ја известува јавноста дека кривичните пријави поднесени од СДСМ, Зоран Заев, Радмила Шеќеринска, Стево Пендаровски, Оливер Спасовски, Тито Петковски и Андреј Жерновски, се земени во работа.

Притоа се повикани подносителите на кривичните пријави, дел од нив се сослушани пред јавниот обвинител и во тек е преземањето и на други дејствија со цел да се соберат известувања и релевантни докази за одлучување по кривичните пријави.

Воедно, по однос на објавените снимки и други материјали за кои се коментира дека наводно потекнуваат од примена на посебни истражни мерки, јавното обвинителство известува дека се издадени наредби до надлежни органи за преземање мерки и дејствија со цел да се извршат проверки за да се соберат известувања за тоа кој, кога и на кој начин ги објавил материјалите, нивното потекло, како и сите други правно релевантни податоци.

359 total views, no views today

Основното јавно обвинителство Прилеп донесе Наредба за спроведување на истражна постапка против едно лице за продолжено кривично дело – Полов напад врз дете.

Скопје, 25 Февруари 2015

По поднесена кривична пријава од МВР ПС Прилеп, надлежниот јавен обвинител утврди постоење на основано сомнение, па започна истражна постапка против осомничениот. Имено, осомничениот во временскиот период од месец јуни до месец август 2014 година во повеќе наврати извршил полови дејствија спрема дете во неговиот дом.

Сметајќи дека се исполнети законските основи, надлежниот Јавен обвинител до Судија на претходна постапка при Основниот суд Прилеп поднесе и предлог за определување на мерка притвор.

 

331 total views, no views today

Поведена постапка против три лица вработени во Здравствен дом Охрид

Скопје, 18 Февруари 2015

Основното јавно обвинителство Охрид донесе Наредба за спроведување на истражна постапка против три лица за сторено продолжено кривично дело – Проневера во службата.  По пријава од Финансиската полиција, надлежниот обвинител утврди постоење на основано сомнение, па започна истражна постапка против осомничените.

Осомничените во периодот од 2010 до 2014 година подигале готови средства уплатени на име на партиципација од страна на пациентите. Со тоа, го оштетиле Буџетот на ЈЗУ Здравствен дом Охрид  за 7.565.302 денари.

Сметајќи дека се исполнети законските основи, надлежниот обвинител до судија на предходна постапка од Основниот суд Охрид поднесе и предлог за определување на мерката Притвор за двајца од осомничените, а за еден од осомничените мерка куќен притвор.

317 total views, no views today

СО ЗАТВОРСКА КАЗНА ОД СЕДУМНАЕСЕТ ГОДИНИ ПОТВРДЕНО ОБВИНЕНИЕ НА ЈАВНОТО ОБВИНИТЕЛСТВО

Скопје, 17 Февруари 2015

Казната е досудена по поднесено обвинение на Основното јавно обвинителство Скопје, против едно лице за сторено кривично дело Полов напад врз малолетник кој не наполнил 14 години.

 Обвинителството постапувајќи по поднесена  кривична пријава од Министерството за внатрешни работи, по прибирање на сите докази и факти во предметот, против осуденото лице поднесе Обвинителен акт и тоа за квалификаторен облик на ова кривично дело, бидејќи надлежниот јавниот обвинител оцени дека во конкретниот случај настапила тешка последица, а самото дело е извршено на особено суров и понижувачки начин.

 Настанот за кои се гонеше обвинетиот се случувал во периодот од 01.06.2011 година до 01.06.2012 година, кога обвинетиот во повеќе наврати извршил обљуба врз оштетената-дете.  Искористувајќи ги приликите на тринаесет годишното дете оставено без родителска грижа, ја земал од училиште, ја однел во близина на рид во една скопска населба, каде присилно имал сексуален однос со неа, а потоа употребувајќи сила и закана за нејзиниот живот и животот на нејзините блиски ја присилувал во континуитет на сексуални односи со тепање, давење, горење со цигари. При тоа обвинетиот  нанел телесни повреди на телото на детето, која состојба резултирала со силен трауматски ефект врз детето, што довело до особено намалено расположение, чувство на несигурност и загрозеност, емоционална нестабилност, исцрпување на енергетските капацитети кај детето и суицидност.

 Во текот на постапката пред јавниот обвинител, со оглед дека се работи за дете жртва на кривично дело, применети се посебни мерки на процесна заштита и исказот кој детето го дало пред јавниот обвинител е визуелно тонски снимен. Ова е од особено значење за  избегнување на секундарна виктимизација на детето, па во оваа смисла на главната расправа детето не е повикано повторно да дава исказ, со цел да се избегне изложување на детето на повторен стрес и виктимизација, туку исказот кој е визуелно тонски снимен е искористен како доказ во постапката.

 Основниот суд Скопје 1 Скопје, по завршување на главната расправа донесе осудителна пресуда со која обвинетиот го осуди на 17 години затвор.

 

261 total views, no views today

Основното јавно обвинителство – Скопје ќе го испитува случајот на починатото девојче од Велес

Скопје, 10 Февруари 2015

Основното јавно обвинителство – Скопје, по допрен глас, оформи предмет за случајот со починатото девојче Т.Д. од Велес, за кој вчера известија медиумите.

Назначен е надлежен јавен обвинител, кој ќе го разгледа предметот и ќе започне постапка за утврдување на фактите и на евентуалната одговорност за смртта.

300 total views, no views today

Наредена ДНК анализа на телата на починатите во пожарот во фабриката „Балкан Гасови “ – Богданци

Скопје, 06 Февруари 2015

Основното јавно обвинителство – Гевгелија издаде наредба да се изврши обдукција на телата на три починати лица во вчерашниот пожар во фабриката ДПУТ „Балкан Гасови “ ДОО Богданци.

На телата ќе се врши и ДНК анализа за да се утврди идентитетот на починатите.

Обдукцијата на починатите е извршена уште вчера попладне во ЈЗУ Општа болница Гевгелија, но телата не се предадени на семејствата, бидејќи се чека исходот од ДНК анализата која треба да заврши за 3 до 7 дена.

Во вчерашниот пожар во фабриката ДПУТ „Балкан Гасови “ ДОО Богданци, три лица го загубија животот, додека две се повредени. Причинета е и материјална штета, а во околината на фабриката биле опожарени повеќе возила.

Во текот на увидот на надлежен обвинител е констатирано дека фабриката каде што избувнал пожарот се состоела од повеќе простории. Просторијата каде што се пронајдени починатите лица е просторијата каде што се вршело полнење на мали плински боци. Во просторијата каде што се вршела изработка на плинските боци пред полнење, пак, работеле преживеаните лица.

Во разговор со надлежниот обвинител, управителите на фирмата известиле дека во овие простории имало складирано над 1000 пакети со мали плински боци кои биле спремни за извоз наредниот ден. Освен ова, во дворното место се наоѓале и две цистерни кои во моментот биле полни со пропан бутан гас и една празна цистерна.

Увидот на надлежниот обвинител вчера во фабриката за плински боци траеше цели 12 часа. По негово барање, на лице место беше повикана и увидна екипа од МВР Скопје, составена од вешти лица од областа на хемијата и физиката, заради прибирање докази од местото со цел утврдување на причините за настанување на пожарот во оваа фабрика. Покрај тоа, кон увидот се приклучија и екипи од СВР Струмица и ПС Гевгелија.

Извршен е разговор и со единствениот очевидец на настанот, кој единствено можел да потврди дека пожарот започнал од просторијата за полнење на плинските боци.

Надлежниот јавен обвинител издаде Наредби за правење скица од местото на настанот, фотографирање, видео снимка, како и за подигање на остатоците од куќиштето од компјутерската опрема која била поврзана со видео надзорот од целата фабрика. Секторот за комјутерски криминал и дигитална форензика на МВР ќе треба да изврши вештачење на податоците од хард дискот за да се утврдат причините за настанување на пожарот од видео снимките.

Ќе се проверува и целокупната документација за заштита и безбедност при работа, исправноста на функционирањето на машините, како и почитувањето на сите прописи за работа на овој вид дејност.

По добивање на сите потребни анализи, вештачења, записници од надлежните органи, надлежното обвинителство ќе одлучи за понатамошниот тек на постапката.

400 total views, no views today

Истрага за обид за убиство во Желино

Скопје, 04 Февруари 2015

Основното јавно обвинителство – Тетово до Основниот суд во Тетово поднесе барање за спроведување истрага против едно лице, под сомнение дека сторило кривично дело – Убиство (во обид).

Пријавениот се сомничи дека пред кафетерија во с. Желино на 02.02.2015 година со умисла се обидел да лиши од живот едно лице, а ги довел во опасност животите на уште две лица кои во тоа време излегувале од кафетеријата.

Тој пукал од огнено оружје – пиштол, марка Бровинг со калибар 7,65 мм, кој што го поседувал со дозвола од СВР-Тетово. Притоа, не успеал да го погоди лицето кое имал намера да го лиши од живот, но повредил две други лица, нанесувајќи им прострелни рани во нозете.

Постапувајќи по барањето на надлежниот јавен обвинител, судијата на претходна постапка во Основниот суд – Тетово на осомничениот му определи мрка притвор во траење од 30 дена.

387 total views, no views today

Page 51 of 62« First...102030...4950515253...60...Last »