Обвинителен акт за возачот што ја предизвика сообраќајната незгода на регионалниот пат Скопје – Велес во која загина 19 годишно момче

Скопје, 05 Април 2017

Основното јавно обвинителство – Скопје денеска до Основниот суд Скопје 1 – Скопје поднесе обвинителен акт против Ј.Д. за сторено кривично дело – Тешки дела против безбедноста на луѓето и имотот во сообраќајот од чл. 300 ст.2 во врска со чл.297 ст.1 и во врска чл.12 ст.2 во врска ст.1 од Кривичниот законик.

Настанот се случи на 20 септември минатата година на регионалниот пат Скопје – Велес. Обвинетиот управувајќи патничко моторно возило марка „мерцедес” удри во 19 годишно момче кое по десетина дена почина.

Врз основа на наодите во извештаите по издадените наредби, од страна на надлежен јавен обвинител утврдено е дека обвинетиот не се придржувал кон прописите за учество во сообраќајот. Во моментот на незгодата бил со битно намалена пресметливост и тежок степен на пијанство. Возилото го управувал во насока од Велес кон Скопје​, со недозволена и неприлагодена брзина кон условите и состојбата на патот и притоа удрил во момчето кое се движело по десната коловозна лента во спротивната насока.

Во текот на истражната постапка поради непочитување на мерката – куќен притвор истата беше заменета со мерка – притвор, поради што надлежниот јавен обвинител со обвинителниот акт до Основниот суд Скопје 1 – Скопје достави и предлог за продолжување на мерка – притвор за обвинетиот.

742 total views, no views today

Основното јавно обвинителство – Тетово​ ​го расветлува обидот за убиство во с. Палатица

Скопје, 05 Април 2017

Вчера во попладневните часови, во дворот на Основното училиште „Фан Ноли” во с. Палатица – Општина Желино ученик во седмо одделение се здобил со прострелна рана и е во животна опасност.

Настанот се случил кога 17 годишник од Скопје со пријавен престој во с. Палатица истрелал куршум кон седмоодделенецот. Детето поради сериозноста на повредите е пренесено во Ургентниот центар во Скопје, врз него е извршен оперативен зафат и се наоѓа во животна опасност.

Во соработка со Центарот за социјални работи од Тетово, надлежен обвинител од Основното јавно обвинителство – Тетово до Судија за деца при Основниот суд во Тетово достави предлог мерки за обезбедување на сторителот на кривичното дело – Убиство од чл.123 ст.1 во врска со чл.19 од Кривичниот законик.

Основното јавно обвинителство – Тетово ги презема сите неопходни мерки и активности за расветлување на случајот.

ДОПОЛНУВАЊЕ :

По сослушување на осомничениот малолетник, поднесено е барање за поведување подготвителна постапка против него и согласно чл.117 ст.1 и 2 од Законот за правда на деца, а во врска со чл.165 ст.1 т.1 од Законот за кривична постапка, надлежниот обвинител од основното јавно обвинителство – Тетово до судијата за деца достави предлог за определување на мерка – Притвор.  Судијата постапувајќи по предлогот со решение на осомничениот му определи мерка – Притвор во траење од 30 дена. ​

516 total views, no views today

За еден месец Јавното обвинителство за гонење на организиран криминал и корупција разби четири нарко групи

Скопје, 31 Март 2017

Во координирана соработка со Секторот за криминалистички истраги – единица за недозволена трговија со дрога при Министерството за внатрешни работи, јавното обвинителство за гонење на организиран криминал и корупција разби уште една група што во изминатиот период се занимавала со препродажба на наркотици.

Постапувајќи по поднесената кривична пријава против две лица, надлежниот јавен обвинител денеска до судија на претходна постапка при Основниот суд Скопје 1 – Скопје поднесе предлог за определување на мерка притвор за осомничените. На лицата им се става на товар дека сториле кривично дело – Неовластено производство и пуштање во промет на наркотични дроги , психотропни супстанции и прекурсори од чл.215 ст.3 од Кривичниот законик.

Основите на сомнение произлегуваат од претходно прибавени докази дека осомничените во месец септември 2016 година неовластено, а заради продажба купиле и продале наркотична дрога – марихуана со тежина од 805 грама во близина на средното училиште ,,Никола Карев“ во населбата Карпош во Скопје​. Едното од лицата, денеска во раните утрински часови е запрено на граничниот премин Деве Баир при обид за излез од Република Македонија и истото е задржано и лишено од слобода.

531 total views, no views today

Основното јавно обвинителство – Тетово врши увид во фабрика во која се затруле над 200 лица

Скопје, 31 Март 2017

Јавен обвинител од Основното јавно обвинителство – Тетово, заедно со екипа од СВР Тетово и надлежни инспекциски служби врши увид во фирма лоцирана во слободната индустриска зона, во близина на тетовското село Сараќино.

Имено, утрово од страна на тетовската клиничка болница во СВР Тетово било пријавено дека во болницата се донесени над 200 затруени лица, вработени во фирмата. Според првичните сознанија лицата се затруле најверојатно од храната што ја консумирале околу еден часот по полноќ, додека два часа подоцна ги почувствувале првите симптоми, се жалеле на болки во стомакот, повраќање и вртоглавица.

Повеќето од затруените лица се задржани во тетовската, а дел се префрлени во гостиварската болница, за укажување  на соодветна лекарска помош.

533 total views, no views today

Наредена истрага против три лица за Неовластено производство и пуштање во промет на наркотични дроги

Скопје, 24 Март 2017

Основното јавно обвинителство за гонење на организиран криминал и корупција, постапувајќи по кривична пријава поднесена од страна на Одделот за сузбивање на организиран и сериозен криминал – единица за недозволена трговија при МВР, донесе Наредба за спроведување на истражна постапка против Ф.И. (50) , С.Ф. (50) и М.А. (47), поради постоење на основано сомнение дека сториле кривично дело – Неовластено производство и пуштање во промет наркотични дроги, психотропни супстанции и прекурсори по чл. 215 ст. 3 в.в. со ст. 1 од КЗ.

Истовремено, на 23.03.2017 година до судија на претходна постапка е поднесен и Предлог за определување на мерка притвор против трите лица.

Во периодот од 20.03.2017 до 23.03.2017 година С.Ф. од непознато лице купил наркотична дрога – марихуана, по што со Ф.И. се договорил истиот да посредува на продажбата на истата. Ф.И. се договорил М.А. да ја купи наркотичната дрога и истата да ја размени за ПМВ марка БМВ. На 22.03.2017 година околу 19 часот Ф.И. во с.  Одри од С.Ф. ја презел наркотичната дрога марихуана за да ја однесе на купувачот М.А., но околу 20 часот од страна на полициски службеници на МВР на РМ на локалниот пат од правец на с.Одри спрема с.Џепчиште е запрено ПМВ марка Пежо 206 управувано од Ф.И. и по извршен преглед во возилото во делот кај патосницата од совозачкото седиште пронајдено е едно поголемо правоаголно пакување со проѕирна фолија во кое имало наркотична дрога марихуана со вкупна нето тежина од еден килограм.

Постапувајќи по Предогот за пределување на притвор од страна на Судија на претходна постапка при Основен суд Скопје 1 Скопје е донесено Решение за определување мерка притвор против тројцата обвинети.

585 total views, no views today

Основното јавно обвинителство – Гостивар трага по напаѓачите на британски државјанин

Скопје, 22 Март 2017

Во текот на вчерашниот ден на патот од одморалиштето Бунец кон Маврово британски велосипедист бил пресретнат и нападнат од три непознати лица.

Надлежен јавен обвинител од Основното јавно обвинителство – Гостивар зеде изјава од оштетениот и издаде низа наредби во насока на расветлување на настанот.

Според исказот на оштетениот, лицата го врзале и го внеле во возилото и во исто време му ги одзеле платежните картички што ги поседувал. Искористувајќи момент кога бил сам со еден од напаѓачите, британскиот државјанин се ослободил и на напаѓачот му задал неколку удари со нож што го имал во себе. Откако избегал во блиската шума, преку социјалните мрежи ги алармирал родителите и пријателите. Тие се обратиле до британската полиција која преку Британската амбасада во Скопје ја известила ПС Гостивар, по што веднаш била иницирана потрага по велосипедистот. Оштетениот е пронајден во близина на каменоломот Пелагонија денеска во раните утрински часови.

Основното јавно обвинителство – Гостивар координира интензивна потрага по напаѓачите.

524 total views, no views today

Поведена постапка против организирана криминална група заради продажба на наркотици

Скопје, 19 Март 2017

По напатствија од Основното јавно обвинителство за гонење на организиран криминал и корупција, во текот на вчерашниот ден Министерството за внатрешни работи започна оперативна акција против организирана криминална група. Групата подолго време се занимавала со продажба на разни видови наркотици на територијата на целата држава.

По поднесената кривична пријава против осум лица од Прилеп, Битола и Арачиново, надлежен јавен обвинител постапувајќи против шестмина осомничени до Судијата на претходна постапка достави Предлог за определување на мерка – Притвор за пет лица и мерка – Куќен притвор за еден од осомничените. Лицата се товарат дека сториле кривично дело – Неовластено производство и пуштање во промет на наркотични дроги, психотропни супстанции и прекурсори од член 215, а на еден од осомничените му се става на товар и дека сторил кривично дело – Перење пари и други приноси од казниво дело од член 273 од Кривичниот законик.

Во исто време надлежниот јавен обвинител од Основното јавно обвинителство за гонење на организиран криминал и корупција издаде наредби за вештачење на траги од наркотична дрога, вешачење на ДНК, како и на пронајдените количества на наркотичните супстанции.

Вештачењата се во тек. Двајца од осомничените не се достапни на органите на прогонот.

424 total views, no views today

Поведени постапки за изборни нерегуларности

Скопје, 16 Март 2017

Јавното обвинителство за гонење на организиран криминал и корупција отвори две истражни постапки поврзани со изборни нерегуларности за време на парламентарните избори и изборите за Претседател на Република Македонија одржани во април 2014 година и предвремените парламентарни избори одржани во декември 2016 година.

Во истражните постапки опфатени се повеќе лица, помеѓу кои и поранешни високи претставници на Министерството за внатрешни работи, на локална самоуправа и носители на високи функции во одредена политичка партија. Постои основано сомнение дека осомничените како организирани групи го сториле делото преку нудење, давање или ветување на подарок или друга корист за да придобијат лица со избирачко право. Влијанието над лицата од две изборни единици, имало за цел определен начин на вршење на избирачкото право.

568 total views, no views today

Сопругот осомничен за убиство на жена во Битола

Скопје, 14 Март 2017

Oсновното јавно обвинителство – Битола до судија на претходна постапка при Основен суд – Битола достави Предлог за определување на мерка – притвор против едно лице за сторено кривично дело Убиство од чл.123 ст.2 т.2 од Кривичниот законик.

Предлог е доставен поради постоење на основано сомнение дека осомничениот  на 13.03.2017 година,  поради претходно нарушените меѓусебни односи, во дневната соба од заедничкиот дом со вршење на семејно насилство ја лишил од живот оштетената – неговата сопруга Е.М.Д. од Битола.  Осомничениот со повеќе удари со тапо тврди средства – дрвени сукала ја удирал по главата оштетената нанесувајќи и повеќе повреди, од што настапил смртен исход.

Постапката по наведената кривична пријава е во тек.​

253 total views, 1 views today

Поведена постапка за злоупотреба на службена положба

Скопје, 14 Март 2017

Јавното обвинителство за гонење на организиран криминал и корупција донесе Наредба за спроведување на истражна постапка против едно службено лице носител на висока функција во општина Струмица, поради основано сомнение дека сторил кривично дело Злоупотреба на службената положба и овластување од член 353 став 5 во врска со став 1  од Кривичниот законик.

Осомничениот во 2010 година во исти ден повластувајќи исто правното лице од Струмица склучил четири посебни Договори со вкупна вредност од 1.029.549,оо денари за асфалтирање на една иста улица во населено место во општина Струмица, наместо да спроведе една транспарента постапка за јавна набавка со објава на оглас за доделување на договор, истовремено распишал и спровел четири одвоени постапки за прибирање на понуди без оглас и покрај законската забрана за делење на договор за јавна набавка на повеќе посебни договори со пониска вредност, со што ги изиграл одредбите  од Законот за јавни набавки на штета на Буџетот општината.

651 total views, 1 views today

Page 60 of 100« First...102030...5859606162...708090...Last »