Вчера, во попладневните часови во поле во атарот на с.Чегране се случил кривично правен настан во кој едно лице се здобило со тешки телесни повреди.

Имено, при меѓусебна расправија помеѓу двајца браќа, оштетениот го турнал осомничениот на земја и почнал да го удира во пределот на главата. Во еден момент осомничениот извадил џепно ноже и го пробол оштетениот во пределот на стомакот нанесувајќи му тешка телесна повреда.

Надлежниот јавен обвинител ги презема неопходните мерки и активности за расветлување на настанот. Издадени се наредби за вештачење на ножот, на крв и урина од двете лица, како и на нивната облека. Во исто време издадена е и наредба за фотографирање и скицирање на местото на настанот.

По предлог на обвинителот на осомничениот му е одредена мерка краткотраен притвор во траење од 48 часа.

Поради сериозноста на повредите оштетениот е задржан на болничко лекување.