Основното јавно обвинителство Битола издаде наредба за спроведување истражна постапка против едно лице за кривично дело Неовластено производство и пуштање во промет на наркотични дроги, психотропни супстанции и прекурсори,  од чл. 215 ст.1 од КЗ.

Осомничениот во неговиот дом  во с. Трново, неовластено заради продажба држел 8 пластични паковки од лек „Омепразол”, како и вкупно 78 најлонски паковки со вкупна нето маса од 51,48 грама наркотична дрога кокаин, која ја нудел на продажба на лица нарко зависници од Битола.

Надлежниот обвинител ценеше дека во конкретниот случај постојат околности кои укажуваат дека постои опасност од бегство како и околности дека осомничениот ќе го повтори делото, па затоа до Основниот суд Битола достави и предлог за определување на мерка притвор за осомниченото лице. Предлогот беше прифатен од судот кој со Решение на осомничениот му определи мерка притвор во времетраење од 30 дена.