Јавниот обвинител на Република Македонија г. Марко Зврлевски денеска во Тирана оствари средба со Главниот обвинител на Албанија г. Адриатик Лала, на која стана збор за проширување на натамошната соработка, имајќи ги предвид предизвиците со кои се соочуваат обвинителствата во борбата против организираниот криминал и корупцијата.

На средбата, одржана по покана на албанскиот колега, г. Зврлевски се сретна и со г. Коле Хусенај, шеф на обвинителството во Корча и г-ѓа Ирма Балли, јавен обвинител од Вишото јавно обвинителство во Корча.