Синоќа околу 20.10 часот на магистралниот пат Крива Паланка – Куманово кај с. Петралица се случи сообраќајна несреќа во која животот го загуби педесет и три годишен жител на с. Гиновци.

Јавен обвинител од Основното јавно обвинителство – Куманово излезе на увид на лице место. Издадени се наредби за обдукција, за земање на крв и урина од возачот на автобусот и за одземање на тахографска лента.

До несреќата дошло кога автобус со бугарски регистарски таблички кој редовно сообраќал на линијата Софија- Скопје- Софија, возејќи во правец кон Куманово удрил во пешакот кој се движел во истата коловозна лента и во ист правец како автобусот.

Возачот е задржан и во текот на денот ќе биде изведен пред судија на претходна постапка кој на предлог на јавниот обвинител ќе му одреди соодветни мерки, за што јавноста навремено ќе биде информирана.