Во Основниот кривичен суд Скопје ќе биде одржано првото рочиште за предметот „Чичек“, во кој Основното јавно обвинителство за гонење на организиран криминал и корупција достави Обвинителен акт против 20 лица. Од нив, деветнаесет лица се товарат дека сториле кривично дело – „Организирање на група и поттикнување на извршување на делата трговија со луѓе, трговија со дете и криумчарење на мигранти“ по чл. 418-в и кривично дело -“Криумчарење на мигранти“ по чл.418-б од Кривичниот законик, а едно лице е обвинето дека со умисла помогнало на организираната група во вршење на кривичното дело Криумчарење мигранти. Судењето со воведните зборови ќе започне во 11:00 часот.