На ден 30.05.2016 година околу 01,00 часот случена е сообраќајна незгода на мостот на Градската река во близина на магацините на Центропромет во Прилеп во која учесник е ПМВ марка „Опел Астра“ управувано од лицето Р.У.

Возилото се движело во правец од ул.„Леце Котески“ кон ул.„Александар Македонски“ и кога стигнало до мостот удрило во десната метална ограда која поради налетот од возилото се оштетила и возилото паднало во реката.

Во незгодата тешко е повреден возачот кој е префрлен на интензивна нега во болницата во Прилеп, додека неговата сопруга, родена 1981 година од с.Боротино, која седела на совозачкото седиште починала.

Јавен обвинител од Основното јавно обвинителство – Прилеп изврши увид на местото на настанот, при што издаде наредба за обдукција, како и наредба за вонреден технички преглед врз возилото.