Обвинителството во  Ресен поднесе Предлог за издавање казнен налог против три лица од Ресен за сторено кривично дело – Непостапување според здравствени прописи за време на епидемија од член 206 став 1 од Кривичниот законик.

Обвинетите на 17.04.2020 година, вo 18:10 часот, во Ресен, за време на пандемија прогласена од страна на Светската здравствена организација поради опасна заразна болест COVID-19 поради што и е утврдено постоење на вонредна состојба на територијата на Република Северна Македонија сметано од 18.03.2020 година, не постапиле според прописите и наредбите со кои се определуваат мерки за нејзино сузбивање или спречување односно Одлуката за дополнување на Одлуката за забрана и посебен режим на движење на територијата на Република Северна Македонија, објавена во „Службен весник на РСМ“ бр.100/2020. Тие, иако со одлуката се забранува движење на населението на територијата на Република Северна Македонија, од 17 април 2020 година (петок) од 16:00 часот, до 21 април 2020 година (вторник) до 5:00 часот,  биле затекнати од полициски службеници од ОВР Ресен, како се движат пеш без притоа да поседуваат дозвола за движење

Јавниот обвинител на Основниот суд Ресен му предложи на секој од обвинетите да му изрече парична казна во висина од 100 дневни глоби при што вредноста на една дневна глоба да се определи во висина од по 20 евра во денарска противредност.​