Основното јавно обвинителство Скопје поведе постапка за лицето кое остави експлозивна направа во Собранието на Република Македонија

Скопје, 26 Мај 2017

По прибирање на податоци и доказен материјал, Основното јавно обвинителство поведе постапка против едно лице поради постоење на основи на сомнение за сторени кривични дела Предизвикување општа опасност од член 288 и Недозволено изработување, држење и тргување со оружје или распрскувачки материи од член 396 од Кривичниот законик.

Ценејќи дека се исполнети законските основи, надлежен јавен обвинител до судија на предходна постапка при Основниот суд Скопје 1 Скопје достави барање за определување на мерката притвор за осомничениот. Предлогот на обвинитлството беше прифатен од судот кој со Решение на осомниченото лице му определи притвор во времетраење од триесет дена.

25 total views, no views today

Управата за финансиска полиција достави пет кривични пријави против поранешни градоначалници

Скопје, 15 Мај 2017

Основното јавно обвинителство за гонење на организиран криминал и корупција од страна на Управата за финансиска полиција прими пет кривични пријави против поранешни градочалници на општините Струга, Свети Николе, Дебар, Студеничани и Долнени, како и против едно физичко и едно правно лице.

Кривичните пријави се поднесени поради постоење на основи на сомнение за сторени кривични дела – Злоупотреба на службената положба и овластување од член 353 од Кривичниот законик и Злоупотреба на постапката за јавен повик, доделување на договор за јавнa набавкa или јавно-приватно партнерство од член 275-в од Кривичниот законик.

Кривичните пријави се проучуваат за донесување на понатамошна јавно обвинителска одлука по истите.

90 total views, no views today

Се разоткрива организиран криминал со перење пари

Скопје, 15 Мај 2017

Основното јавно обвинителство за гонење на организиран криминал и корупција оформи предмет против поранешен и актуелен директор на НЛБ Тутунска Банка, поранешен министер, адвокат, нотар и други лица, како и едно лице државјанин на Република Словенија за сторени кривични дела – Злоупотреба на службена положба и овластување од член 353 и Перење пари од член 273 од Кривичниот законик.

Постојат сомненија дека во периодот од 2006 до 2017 година биле преземани дејствија за основање на фирми, подигање на кредити и пренесување на парични средства во Словенија и во австриски фирми, а потоа дел од средствата се инвестирани во основање на нови фирми и купување на недвижен имот на подрачјето на град Битола. Со цел да утврди факти и да обезбеди докази, обвинителството во соработка со Министерството за внатрешни работи издаде наредби за анализа на финансиски трансакции и обезбедување на целокупниот доказен материјал од имотна, финансиска и управна природа.

1,034 total views, no views today

Основното јавно обвинителство – Скопје донесе Наредба за спроведување на истражна постапка за кривично дело Убиство во обид

Скопје, 10 Мај 2017

Основното јавно обвинителство – Скопје ја известува јавноста дека до овој момент, идентификувани се две лица инволвирани во нападот на пратеникот З.С. за време на настаните во Собранието на Република Македонија на 27.04.2017г.

Од досега прибавените докази, Основното јавно обвинителство – Скопје оцени дека постои основано сомнение дека овие две лица, заедно со други лица, кои во овој момент се неидентификувани, го извршиле кривичното дело Убиство од чл.123 ст.1 во врска со чл. 22 и во врска со чл.19 од Кривичниот законик.

 Надлежниот јавен обвинител донесе Наредба за спроведување на истражна постапка против двете лица за наведеното кривично дело. Истовремено, по оценка на Јавното обвинителство, против осомничените неопходно е да биде изречена мерка за нивно обезбедување, поради што јавниот обвинител до судија на претходна постапка поднесе Предлог за одредување на мерка притвор, бидејќи постојат сите законски основи за тоа.

Воедно, заради целосно расчистување на овој кривично-правен настан од страна на јавното обвинителство издадени се наредби за итно постапување на Министерството за внатрешни работи заради обезбедување на релевантна документација и податоци

64 total views, no views today

Основното јавно обвинителство – Гостивар изврши увид во кичевското с. Кленоец каде беше пронајдено починато бебе

Скопје, 10 Мај 2017

Надлежен јавен обвинител од Основното јавно обвинителство – Гостивар изврши увид во кичевското село Кленоец, каде што синоќа беше пронајдено починато бебе на 6-месечна возраст.

По наредба на јавниот обвинител, телото на бебето беше дадено на обдукција.

Првичните резултати од извршената обдукција укажуваат дека кај бебето, кое имало вродени срцеви аномалии, настанал застој на работата на срцето, што предизвикало белодробен едем и задушување. На телото не се пронајдени знаци кои укажуваат на насилна смрт.

25 total views, no views today

Основното јавно обвинителство – Скопје работи на расветлување на смртта на лекарка од Клиниката за нефрологија

Скопје, 10 Мај 2017

Основното јавно обвинителство – Скопје изврши увид во станбен објект на ул. „Елисие Поповски Марко“, спроти Клиничкиот центар во Скопје, каде беше пронајдено телото на 53-годишната Ј.М.С., вработена како лекарка на Клиниката за нефрологија во Скопје, и работи на утврдување на причините за нејзината смрт.

При увидот кај Ј.М.С. е забележан видлив убод со нож во пределот на вратот. Телото на починатата веднаш е дадено на обдукција, а од лице место се прибрани сите материјални траги и докази кои можат да помогнат во истрагата и истите се дадени на вештачење. По наредба на дежурен јавен обвинител ќе се врши ДНК анализа на трагите од крв пронајдени на лице место. Дополнително, јавниот обвинител нареди да се обезбедат и евентуални снимки од видео надзорот на околните објекти.

Во континуитет се сослушуваат лица кои би можеле да помогнат во расветлување на настанот.

41 total views, no views today

Реакција

Скопје, 09 Мај 2017

Јавното обвинителство истакнува дека во ниту еден момент не ја опструира истрагата и не ги попречува надлежните органи за документирањето на настаните во Собранието на Република Македонија. Напротив согласно законот, јавното обвинителство дава наредби за откривање на истите и ќе постапи секогаш по сите кривични пријави со кои се документирани потешки  кривични  дела.

Воедно, секој кривично правен настан е посебен и не може да се повлекуваат паралели при постапувањето.

Известуваме дека Основното јавно обвинителство Скопје досега има примено кривични пријави од Министерството за внатрешни работи само против сторители осомничени за насилно влегување во Собранието на РМ и  спречување на службени лица во вршење на својата функција.

До овој момент од Министерството за внатрешни работи не е поднесена документирана кривична пријава за ниту едно друго кривично дело. Потенцираме, Основното јавно обвинителство од Министерството за внатрешни работи нема добиено кривична пријава против конкретни лица за сторени кривични дела, во смисла на нанесување на лесни, тешки телесни повреди и други дејствија. Доколку Министерството за внатрешни работи поднесе  документирани пријави за  потешки кривични дела и за сторители на потешки кривични дела, спрема нив ќе следуваат сразмерни мерки.

Притоа, јавното обвинителство и самото презема дејствија за документирање на целиот кривично правен настан, иако со оглед на обемноста на бројот на претходно пријавени лица  и дејствијата кои треба да се преземаат, генерално, обвинителството работи во отежнати услови. Во врска со настанот во Собранието на Република Македонија, до овој момент јавното обвинителство има дадено десетици наредби за откривање на сторители на потешки кривични дела, но за нив Министерството за внатрешни работи нема прибрано докази, истите не се документирани, ниту обвинителството е известено за нивното постапување.

Од друга страна, повторувајќи  дека јавното обвинителство не ја опструира истрагата, појаснуваме на јавноста дека во откривањето на сторителите на кривичните дела, јавното обвинителство е лимитирано, пред се поради неусогласеноста на Законот за јавно обвинителство со Законот за кривична постапка што ги лимитира  можностите за улогата на јавното обвинителство во откривањето на криминалот. Оваа неусогласеност е по исклучива вина на Министерството за правда кое во последните пет години не постапува по поднесен предлог на јавното обвинителство  за измена на Законот за јавно обвинителство со кои би биле овозможени претпоставките за постапување на јавното обвинителство  во смисла и на откривачка улога.

25 total views, no views today

Поднесен обвинителен предлог против девет лица и соодветни мерки за обезбедување

Скопје, 08 Мај 2017

Основното јавно обвинителство – Скопје денеска поднесе Обвинителен предлог против девет лица учесници во нередите во Собранието на Република Македонија. Осомничените се товарат дека сториле кривично дело Учество во толпа што ќе спречи службено лице во вршење на службено дејствие од член 384 став 1 од Кривичниот законик.

За две од лицата за кои е поднесен Обвинителниот предлог, надлежен обвинител поднесе и Предлог за продолжување на мерката притвор.

За едно лице кое досега беше во притвор, јавниот обвинител кој постапува во предметот ценеше дека има простор за ублажување на предложената мерка , па поднесе предлог за определување на мерка Куќен притвор.

За едно лице на кое му беше определена мерка на обезбедување Куќен притвор, според обвинителството законските основи за нејзиното продолжување постојат, па оттука до надлежниот суд достави и предлог за продолжување на мерката Куќен притвор.

За едно лице согласно на оценката на Основното јавно обвинителство Скопје, не е побарано продолжување на мерката Притвор. За истото во сила остануваат веќе определените Мерки на претпазливост.

За четири лица кои досега се наоѓаа во притвор, според надлежниот обвинител, прибрани се релевантни докази и не постои опасност осомничените да попречат во постапката. Но обвинителството ценеше дека се уште има потреба од обезбедување на присуството на осомничените. Затоа, до судот е доставен предлог за определување на мерки на претпазливост за четворицата осомничени.

Основното јавно обвинителство – Скопје ја известува јавноста дека за три лица за кои  МВР  поднесе кривична пријава, донесе Решение за отфрлање на кривичната пријава. Имено, за две од нив била извршена погрешна идентификација, а за едно од лицата воопшто не е утврдено дека презело дејствија кои имаат елементи на сторено кривично дело кое се гони по службена должност.

Дополнително, Основното јавно обвинителство – Скопје во насока на информирање на јавноста и појаснување на текот на кривичната постапка, а особено поради бројните шпекулации изнесени во однос на правната квалификација, ја известува јавноста дека согласно законот, правната квалификација за сторено кривично дело ја дава јавниот обвинител кој при тоа се раководи од доказите што се прибрани до тој момент. Тоа значи дека доколку дополнително се пронајдат нови докази кои укажуваат дека определено лице извршило друго кривично дело, јавниот обвинител во текот на целата постапка може да изврши преквалификација или лицето да го гони  и за други кривични дела.

Основното јавно обвинителство Скопје продолжува непрекинато со прибирање на сите релевантни докази и сослушување на сите лица инволвирани во настанот, но при тоа исклучително внимавајќи на заштитата на човековите права и пресумпцијата на невиност, а особено поаѓајќи од фактот што во два случаи беше извршена погрешна идентификација на лица. Правната квалификација на сторено кривично дело мора да се заснова само врз основа на докази.

71 total views, 1 views today

Поведена постапка за уште две лица инволвирани во нередите во Собранието

Скопје, 07 Мај 2017

До Основното јавно обвинителство Скопје пристигнаа две кривични пријави поднесени од Министерството за внатрешни работи против две лица за сторено кривично дело Учество во толпа што ќе изврши кривично дело од член 385 од Кривичниот законик.

За едното лице, надлежен јавен обвинител по прибирање на доказите ја утврди дадената правна квалификација. Со оглед на обемната медицинска документација за здравствената состојба на осомничениот, јавниот обвинител кој постапува во предметот предложи до судија на предходна постапка од Основниот суд Скопје 1 Скопје определување на Мерки на претпазливост. Со Решение на судот, на лицето му се определени мерки за претпазливост  и тоа: Забрана за напуштање на живеалиште, Одземање на патна исправа, Забрана за приближување на место каде се одржува протест во растојание од 500 метри и Забрана за приближување на лицата кои евидираат како оштетени од овој настан.

За другото лице за кое е поднесена кривичната пријава, Основното јавно обвинителство Скопје ценејќи ги доказите, засега ја прифати правната квалификација за сторено кривично дело. Ценејќи дека постојат законски основи, надлежен обвинител до судија на предходна постапка достави предлог за определување на мерка  на обезбедување. Судот со Решение на осомничениот му определи мерка Куќен притвор со времетраење од 8 дена.

Активностите на Основното јавно обвинителство Скопје за расветлување на кривично правниот настан случен во Собранието на Република Македонија продолжуваат во континуитет.

48 total views, no views today

Увидот на местото каде е убиен Градоначалникот на Општина Боговиње е во тек

Скопје, 06 Мај 2017

Надлежен јавен обвинител од Основното јавно обвинителство – Тетово врши увид на местото каде околу 10.40 часот беше убиен Градоначалникот на Општина Боговиње.

Според првичните информации, осомничениот го паркирал своето возило во непосредна близина на Општина Боговиње и се упатил кон бурекџилницата од спротивната страна каде во тој момент седел градоначалникот на општината. По кратка расправија со градоначалникот, осомичениот испукал неколку куршуми со огнено оружје – пиштол кон него.

По настанот осомничениот, инаку поранешен вработен во Општина Боговиње, се упатил кон својот дом каде се обидел да си го одземе животот.

Градоначалникот, со возило е префрлен во Болницата во Тетово каде била констатирана смрт, додека осомничениот поради сериозноста на повредата е пренесен на КАРИЛ во Скопје и по наредба на јавен обвинител обезбеден.

Надлежниот обвинител до моментов издаде наредба за обдукција на телото на починатото лице, наредба за собирање на траги и доказен материјал од местото на настанот, како и наредби за криминалистичко – техничко вештачење.

За сите моменти од настанот што може да се споделат, јавноста ќе биде навремено информирана.

33 total views, no views today

Page 1 of 4312345...102030...Last »