СООПШТЕНИЈА

Соопштение

Скопје, 20 Јуни 2017

Основното јавно обвинителство за гонење на организиран криминал и корупција ја известува јавноста дека во постапувањето по предистражниот предмет оформен во врска со настаните во Собранието на Република  Македонија од 27-ми април 2017 година, започна со повикување на граѓани заради прибирање на потребни известувања.

Во наредните денови тимот на јавни обвинители кој постапува по овој предмет во континуитет ќе повикува лица заради прибирање на потребни известувања, а ќе презема и други дејствија на прибавување на писмени известувања, докази и нивно проучување.

Обвинителството појаснува дека постапката по овој предмет е предистражна, што значи дека се прибираат докази заради оцена дали во настанот кој се истражува има дејствија и обележја на кривични дела и кои се нивните извршители, по што ќе се донесе јавнообвинителска одлука дали има основано сомневање за отворање на истрага.

Во секоја фаза од кривичната постапка, па така и во предистражната каде спецификата е посебно во тоа што се уште не се издиференцирани својствата на лицата кои се учесници во одреден настан, јавното обвинителство води сметка за почитување на личноста и пресумцијата на невиност на секое лице.

Лицата кои се повикани и кои ќе бидат повикувани во оваа фаза од постапката, се повикуваат според законските правила за повикување и испитување на сведоци за да како граѓани на барање на јавниот обвинител дадат известувања коишто им се познати за одреден настан.

Обвинителството го разбира зголемениот медиумски интерес, но почитувајќи ги напред кажаните законски и етички норми, не може да даде податоци за повиканите лица во смисла на тоа дали истите се носители на јавни или други функции, работни места и слично.

Ќе бидат повикани сите лица без оглед на нивниот личен, општествен статус или положба,единствено само врз основа на еден критериум – дали за лицата има докази од кои произлегува дека истите би можеле во оваа оваа фаза од постапката да дадат известувања за утврдување на околностите поврзани со конкретниот настан.

За натамошниот тек на постапката, јавноста континуирано ќе биде известувана.

45 total views, 1 views today

Поднесено обвинение против лице кое фалсификувало исправи

Скопје, 19 Јуни 2017

Основното јавно обвинителство - Скопје поднесе обвинение против едно лице за сторени кривични дека  – Фалсификување исправа од член 378 и – Изработување и набавување на оружја и средства наменети за извршување на кривично дело од член 395 од Кривичниот законик.

Лицето се товари дека со умисла извршило повеќе временски поврзани дејствија што претставуваат повеќекратно остварување на исто дело – Фалсификување на исправа. Имено, во периодот од 2012 до 2017 година осомничениот изработувал разни јавни исправи со невистинита содржина и тоа, лични карти, возачки дозволи, свидетелства за завршено средно образование, судски решенија, пресуди, договори за купопродажба на моторно возило, медицинска документација и слично. Исправите ги изработувал на лажни обрасци, како да се издадени и заверени со печат и потпис од  државни и јавни  институции од државата.  Целта била фалсификуваните јавни исправи натаму да се користат од страна на наши државјани и  странци, како вистинити во правниот промет во Република Македонија и во странство.

По предлог од надлежен јавен обвинител, судечки судија од Основниот суд Скопје 1 - Скопје донесе Решение со кое на обвинетиот му ја продолжи мерката притвор.

 

26 total views, 2 views today

Основното јавно обвинителство Скопје побара притвор за лице кое фалсификувало исправи

Скопје, 12 Јуни 2017

По примена кривична пријава , Основното јавно обвинителство Скопје поведе постапка против едно лице за сторени кривични дека  – Фалсификување исправа од член 378 и – Изработување и набавување на оружја и средства наменети за извршување на кривично дело од член 395 од Кривичниот законик.

Осомничениот откако набавил предмети – соодветна опрема за кои знаел дека се наменети за извршување на кривично дело со умисла извршил повеќе временски поврзани дејствија што претставуваат повеќекратно остварување на исто дело – Фалсификување на исправа. Имено, во периодот од 2012 до 2017 година осомничениот изработувал разни јавни исправи со невистинита содржина и тоа, лични карти, возачки дозволи, свидетелства за завршено средно образование, судски решенија, пресуди, договори за купопродажба на моторно возило, медицинска документација и слично. Исправите ги изработувал на лажни обрасци, како да се издадени и заверени со печат и потпис од  државни и јавни  институции од државата.  Целта била фалсификуваните јавни исправи натаму да се користат од страна на наши државјани и  странци , како вистинити во правниот промет во Република Македонија и во странство.

Надлежен јавен обвинител од Основното  јавно обвинителство Скопје  до Основниот суд Скопје 1 Скопје достави предлог за определување на мерка притвор за осомничениот. Судот со Решение го потврди предлогот и на осомничениот му изрече мерка притвор во времетраење од осум дена.

38 total views, 3 views today

Page 1 of 14612345...102030...Last »

ИНТЕРВЈУА

ИНТЕРВЈУ НА ЈАВНИОТ ОБВИНИТЕЛ НА РЕПУБЛИКА МАКЕДОНИЈА ДАДЕНО ЗА „УТРИНСКИ ВЕСНИК“

Скопје, 07 Мај 2014

ИНТЕРВЈУ – ОБВИНИТЕЛСТВОТО ГИ ПРОВЕРУВА СИТЕ ФАКТИ ЗА МАКЕДОНСКА БАНКА

Државниот јавен обвинител Марко Зврлевски одговара за последните афери отворени пред изборите, за партиското финансирање на изборните кампањи, за ревизијата на проектот „Скопје 2014“ Прочитај повеќе…

375 total views, 1 views today

КОНКУРСИ