Едно лице во Штип под истрага за неовластено производство и продажба на марихуана

Скопје, 02 Ноември 2018

Основното јавно обвинителство Штип донесе Наредба за спроведување истражна постапка против едно лице за сторено кривично дело Неовластено производство и пуштање во промет наркотични дроги, психотропни супстанции и прекурсори од чл.215 ст.1 од Кривичниот законик.

При претрес во домот на осомничениот биле пронајдени околу три килограми наркотична дрога – марихуана, која неовластено ја произведувал и продавал.

Ценејќи дека се исполнети законските основи, надлежниот јавен обвинител до судија на претходна постапка од Основниот суд во Штип достави Предлог за определување мерка притвор за осомниченото лице.

24 total views, no views today

Притвор за двајца учесници во вооружената престрелка во Куманово

Скопје, 02 Ноември 2018

Надлежен јавен обвинител од Основното јавно обвинителство Куманово донесе Наредба за спроведување истражна постапка против две лица од деветмината кои се гонат за вооружената престрелка во Куманово во која животот го загуби едно лице.

Двајцата осомничени се гонат за сторено кривично дело Убиство од член 123 став 1 и за кривично дело Недозволено изработување, држење и тргување со оружје или распрскувачки материи од член 396 став 1 од Кривичниот законик. Јавниот обвинител ценеше дека за обезбедување на присуство на двајцата осомничени, како и заради натамошно обезбедување на непречен тек на постапката има потреба од определување на мерка притвор. Затоа до судија на претходна постапка во Основниот суд Куманово достави предлог  кој со Решение  е прифатен од страна на судот и на двајцата осомничени е определен притвор во времетраење од 30 дена.

Останатите седум осомничени јавниот обвинител ги гони за сторено кривично дело Насилство од член 386 став 3 во врска со став 1 од Кривичниот законик.

Како што веќе информиравме, престрелката која се случи на 31 октомври 2018 година на улицата Тоде Мендол во Куманово, беше последица на нарушени меѓучовечки односи меѓу две семејства. По употреба на огнено и ладно оружје , едно лице го загуби животот, а друго се здоби со убодни рани од нож. Во престрелката учествуваа девет лица, но се преземаат дејствија за утврдување на евентуално учество и на други, засега непознати лица.

Истражната постапка продолжува со прибирање на материјални и вербални докази за целосно расчистување на кривично правниот настан.

27 total views, no views today

Отворен предмет по допрен глас за работење на приватна болница

Скопје, 01 Ноември 2018

Основното јавно обвинителство за гонење на организиран криминал и корупција отвори предмет по допрен глас во врска со евентуални незаконитости во работењето на една приватна болница од Скопје. Предметот е отворен по следење на написите во медиумите за извршени лекарски интервенции на срце и крвни садови во една приватна болница согласно кои приватната болница злоупотребила склучен Договор за кардиоваскуларни работи со Фондот за здравствено осигурување.

Имено, постојат постојат индиции дека дел од наплатените интервенции се фиктивно извршени од страна на болницата, како и дека за ист пациент и за ист вид интервенција се вршени по неколку наплати од Фондот.

Надлежен јавен обвинител ги презема сите неопходни дејствија во насока на утврдување на фактите во предметот.

76 total views, no views today

По предлог на Oсновното јавно обвинителство Тетово, определен 30-дневен притвор за неовластено производство и пуштање во промет на дрога

Скопје, 01 Ноември 2018

Основното јавно обвинителство Тетово донесе Наредба за спроведување истражна постапка против едно лице за сторено кривично дело – Неовластено производство и пуштање во промет наркотични дроги, психотропни супстанции и прекурсори од чл.215 ст.1 од Кривичниот законик.

По предлог од надлежниот јавен обвинител, судија на претходна постапка од Основниот суд во Тетово на осомничениот му определи мерка притвор во траење од 30 дена.

За потсетување, по издадена судска наредба, а во присуство на надлежниот јавен обвинител пред два дена беше извршен претрес на објекти во сопственост на осомничениот.

При претресот на домот и помошните простории во една од собите на кат беа пронајдени 992 грама наркотична дрога марихуана, околу 13 литри засега непозната течност, дигитална вага, дрвена дробилка, шприцеви и други предмети и материи. При претресот на другиот објект, пак, беше пронајдено поголемо количество (околу 40 килограми) наркотична дрога-марихуана спакувана во над 70 полиетиленски ќеси со различна големина, како и ќеса со семки од растителна материја.

По Наредба на јавен обвинител извршена е фото и видео документација на пронајдените предмети при претресот, предметите беа подигнати и испратени на вештачење.

26 total views, no views today

Поднесено обвинение за неовластено производство и пуштање во промет наркотични дроги, психотропни супстанции и прекурсори

Скопје, 01 Ноември 2018

Основното јавно обвинителство Скопје до Основниот суд Скопје 1 Скопје достави Обвинителен акт против едно лице за сторено кривично дело – Неовластено производство и пуштање во промет наркотични дроги, психотропни супстанции и прекурсори од чл.215 ст.1 во врска со чл.45 од Кривичниот законик.

Осомничената се товари дека во текот на 2017 и 2018 година, со умисла извршила временски поврзани дејствија кои претставуваат повеќекратно остварување на исто дело. Притоа, искористувајќи ист траен однос, исти прилики и околности, неовластено кај себе држела, преработувала и продавала наркотична дрога марихуана и хашиш смола. Прочитај повеќе…

68 total views, no views today

Се истражува вооружената престрелка во која почина едно лице

Скопје, 01 Ноември 2018

Надлежен јавен обвинител од Основното јавно обвинителство Куманово, заедно со увидни екипи од Министерството за внатрешни работи, извршија увид на лице место во Куманово каде вчера попладнето се случи вооружена престрелка меѓу две семејства.

Престрелката била ескалација на меѓусебните недоразбирања  и  повеќемесечно нетрпение меѓу две семејства. Нивните меѓусебни расправии, како и претходна тепачка со телесни повреди била веќе предмет на постапување на органите на прогонот. Синоќа околу 18.30 часот, припадници на едно од семејствата се движеле по улицата Тоде Мендол во близина на маркетот „Арди“ во Куманово. Во тој момент биле пресретнати од припадници на второто семејство по што започнала физичка пресметка меѓу нив. Во инцидентот било употребено огнено и ладно оружје, а како последица на тоа едно лице се здобило со животно-загрозувачки повреди и починало, а на друго лице му била нанесена убодна рана од нож.

Во тек на увидот, по наредба на  јавен обвинител обезбедени се трагите од лице место и пронајденото ладно оружје и испуканите чаури. Претстои нивно вештачење кое ќе даде потребни податоци и докази за натамошниот тек на кривичната постапка. Издадена е и Наредба за вршење обдукција на починатото лице.

Во моментов деветмина учесници во вооружената престрелка се лишени од слобода. Постои сомнение дека во кривично правниот настан учествувале уште неколку лица.  Во насока на утврдување на фактите во предметот, јавниот обвинител во континуитет презема дејствија.

28 total views, 1 views today

Извршен претрес во дом и други простории во Тетово по барање на јавен обвинител

Скопје, 31 Октомври 2018

Во текот на вчерашниот ден по издадена судска наредба, а во присуство на надлежниот јавен обвинител е извршен претрес на објекти сопственост на осомничениот. При претресот на домот и помошните простории во една од собите на кат пронајдено е еден килограм наркотична дрога марихуана, 13 литри засега непозната течност, дигитална вага, дрвена дробилка, шприцеви и други предмети, а при претресот на другиот објект пронајдено е поголемо количество (околу 45 килограми) на наркотична дрога-марихуана спакувана во полиетиленски вреќи која била набавена од НН лице од Република Албанија. По Наредба на јавен обвинител извршена е фото и видео документација на пронајдените предмети при претресот, предметите се подигнати и испратени на вештачење.

Осомниченото лице е лишено од слобода и задржано во Полициска станица- Тетово и во текот на денешниот ден ќе биде изведено пред Судија на претходна постапка при Основниот суд – Тетово.

32 total views, no views today

Основното јавно обвинителство – Прилеп гони едно лице за Неовластено производство и пуштање во промет на наркотични дроги, психотропни супстанции и прекурсори

Скопје, 31 Октомври 2018

Основното јавно обвинителство – Прилеп по поднесена кривична пријава започна постапка против едно лице од Прилеп. На осомничениот му се става на товар дека сторил кривично дело – Неовластено производство и пуштање во промет на наркотични дроги, психотропни супстанции и прекурсори од чл.215 од Кривичниот законик.

Осомничениот неовластено заради продажба во својот дом држел 43,85 грама наркотична дрога марихуана и 4,29 грама семки од наркотична дрога марихуана, кои при извршен претрес од страна на полициските службеници биле пронајдени и одземени.

Надлежниот јавен обвинител до Судијата на претходна постапка при Основниот суд – Прилеп поднесе предлог за определување на мерка притвор за осомничениот.

28 total views, no views today

Притвор од 30 дена за осомничените за Полов напад врз дете

Скопје, 30 Октомври 2018

Надлежен јавен обвинител од Основното јавно обвинителство Гостивар поднесе предлог до судија на претходна постапка во Основниот суд Гостивар, за определување мерка притвор за  осомничените за кои постои сомнение дека во повеќе наврати извршиле кривично дело Полов напад врз дете кое не наполнило 14 години од член  188 став 1 во врска со член 45 од Кривичниот законик.

Притворот на осомничените е побаран согласно член 165 од Законот за кривична постапка,  а поради постоење опасност од бегство, дека ќе влијаат на сведоци, како и дека постојат можности да го повторат кривичното дело. Судот со Решение го прифати предлогот на обвинителството и на осомничените им определи притвор во времетраење од 30 дена.

Како што известивме, во предметот се преземаат дејствија за утврдување на фактите и прибирање на доказен материјал против лица кои злоупотребувале дете на возраст од 13 години. Постојат сомненија дека во вршењето на кривичното дело учествувале повеќе лица, од кои за двајца осомничени  веќе постои централен распис за нивно пронаоѓање. Во меѓувреме обвинителството во соработка со Министерството за внатрешни работи го утврдува идентитетот и на други лица кои биле инволвирани во настанот.

23 total views, no views today

Соопштение

Скопје, 29 Октомври 2018

Во врска со објавите во дел од медиумите за денешното рочиште во судскиот процес против 12 лица за Несовесно работење во службата во случајот со лекувањето на Тамара Димовска, а во кои се наведува ставот на одбраната дека рочиштето се одлага по вина на обвинителството, јавното обвинителство ја информира јавноста дека единствена причина за одлагањето е ненамерен технички пропуст од страна на овластениот преведувач на дел од документите.

Имено, преведувачот на дел од документите ставил печат на овластен преведувач од српски, наместо од хрватски јазик. Треба да се нагласи дека се работи за лице кое е овластено за превод од двата јазици.

Во интерес на ефикасност на постапката, надлежниот јавен обвинител понуди уште на самото рочиште да достави решение за овластувањето на преведувачот да преведува и од хрватски јазик, но сепак расправата беше одложена.

Јавното обвинителство нагласува дека се залага за ефикасно и ефективно спроведување на оваа постапка без одложување.

16 total views, no views today

Page 2 of 6812345...102030...Last »