Основното јавно обвинителство – Велес презема дејствија за расчистување на тројното убиство во Кавадарци

Скопје, 10 Ноември 2014

На лице место на настанот увид изврши надлежниот обвинител од Основното јавно обвинителство Велес, со што ја започна истражната постапка против едно лице за сторено кривично дело – Убиство. Првичните сознанија утврдија дека сторителот на делото од живот ги лишил сестрата и родителите на поранешната сопруга.

Јавниот обвинител издаде Наредба за обдукција на трите тела и за потребните вештачења со цел утврдување на доказите во предметот. Истрагата продолжува.

280 total views, 2 views today

Основното јавно обвинителство – Тетово донесе Наредба за спроведување на истражна постапка против едно лице за сторено кривично дело – Неовластено производство и пуштање во промет наркотични дроги, психотропни супстанции и прекурсори

Скопје, 10 Ноември 2014

При претрес во живеалиштето на осомничениот, закупен стан, пронајден е направен систем за производство на наркотична дрога во дрвен шкаф – ормар, со вграден систем за загревање и вентилација. Во внатрешниот дел се пронајдени неколку саксии од наркотичната дрога канабис. Во станот се пронајдени и неколку кеси на семе за расад на наркотичната дрога, како и кесе со наркотична дрога марихуана.

Надлежниот обвинител донесе наредба за спроведување на истрага против осомничениот за сторено кривично дело – Неовластено производство и пуштање во промет наркотични дроги, психотропни супстанции и прекурсори. Сметајќи дека се исполнети законските основи, обвинителот поднесе и Предлог за определување на мерка – Притвор против осомничениот, кој беше прифатен од страна на судијата на предходна постапка во Основниот суд Тетово. Со Решение на судот, на осомничениот му е определена мерка – Притвор во времетраење од 30 дена.

308 total views, 1 views today

СООПШТЕНИЕ по повод протестот на група граѓани пред зградата на Јавното Обвинителство

Скопје, 06 Ноември 2014

Јавното обвинителство на Република Македонија ја известува јавноста дека денес, во периодот од 14.30 до 15.00 часот, група граѓани протестираа при што го блокираа влезот на зградата на Јавното обвинителство. За причините за протестот како и за неговото одржување во Јавното обвинителство не пристигна никаква информација, ниту пак од страна на граѓаните кои протестираа беше побарана средба со надлежните лица од обвинителството.

Во времетраење на протестот, граѓаните целосно го блокираа влезот и излезот од објектот, при што го запреа слободното движење на вработените и на другите граѓани. При тоа, група на јавни обвинители кои се враќаа на своите работни места од работа на терен, беа вербално нападнати и беа буткани за да се спречи пристапот во работните простории.

Јавното обвинителство на Република Македонија најостро го изразува својот револт кон ваквиот начин на однесување, сметајќи дека попречувањето на редовната работа на Јавното обвинителство е на штета на сите граѓани во државата.

Потенцираме, дека Јавното обвинителство на Република Македонија постапува согласно своите надлежности и законски овластувања. Отворени сме за соработка и одговори за сите прашања или дилеми на јавноста или оделни групи. Оттука, за нас е недозволиво без предходна комуникација и без аргументи  да се попречуваат јавните обвинители во вршењето на нивната работа.

Истакнуваме, дека во постапувањето по предметите, јавните обвинители се водат само по законските одредби. Обвинителството со полна сериозност приоѓа кон сите случаи на криминал, без оглед од кого и спрема кого се сторени. Откривањето и прогонот на сторителите, како и пронаоѓањето и обезбедувањето на доказите е процес за кој е потребно време.

312 total views, 1 views today

СООПШТЕНИЕ по повод натписите во медиумите во врска со барањата до обвинителството да издаде Наредба за обдукција и ДНК анализа

Скопје, 03 Ноември 2014

Јавното обвинителство на Република Македонија ја известува јавноста дека согласно постоечката норматива, јавното обвинителство има надлежност за кривични дела кои се сторени на територија на Република Македонија, како и за сторители на кривични дела кои сториле кривично дело во странство но, во моментот се наоѓаат на територија на Република Македонија, како и за странец кој надвор од територијата на Република Македонија ќе стори спрема неа или спрема нејзин државјанин кривично дело ако се затече на територија на Република Македонија или биде екстрадиран.

Тргнувајќи од тука, во случајот на починатото лице кое е најдено во водите на Егејското море, надлежно за постапување е Јавното обвинителството на Република Грција.

Според неофицијалните сознанија со кои располагаме, извршена е обдукција над телото на починатата од надлежните органи во Република Грција.

Јавното обвинителство не располага со сознанија за причината на смртта, но доколку е утврдено дека смртта настапила како последица на сторено кривично дело, тогаш постапката за евентуално гонење на сторител за извршено кривично дело ќе треба да се спроведува во Република Грција.

Јавното обвинителство на Република Македонија кога не поведува постапка нема надлежност ниту овластување да дава Наредби за ДНК анализа или за реобдукција.

Посмртните останки по пристигнување во Република Македонија ќе бидат предадени на семејството, по што сметаме дека не постои пречка по барање на семејството на починатата, надлежна институција да изврши ДНК анализа или реобдукција.

321 total views, 1 views today

Основното јавно обвинителство -Скопје презема дејствија за откривање на сторителите на детонациите во Владата на Република Македонија

Скопје, 29 Октомври 2014

Во синоќешните часови, околу 22 часот и 20 минути, во зградата на Владата на Република Македонија од страна на непознат сторител детонирани се два проектили.

Надлежниот јавен обвинител излезе на местото на настанот и изврши увид. Во моментот се преземаат дејствија за откривање на сторителите.

Секое наведување на непоткрепени детали би претставувало шпекулација. Во интерес на истрагата, во моментот, Јавното обвинителство на Република Македонија не може да сподели поопсежни информации.

357 total views, 1 views today

Основното јавно обвинителство – Гостивар донесе Наредба за спроведување на истражна постапка против осомниченото лице од Дебар

Скопје, 24 Октомври 2014

Во врска со кривичната пријава од ПС – Дебар и одредување на мерка – Краткотраен притвор, за што Јавното обвинителство на Република Македонија информираше вчера, надлежниот јавен обвинител од Основното јавно обвинителство – Гостивар денес, донесе Наредба за спроведување на истражна постапка против осомниченото лице од Дебар, поради основано сомнение дека сторило кривично дело – Полов напад врз дете кое не наполнило 14 години од чл.188 ст.1 од Кривичниот законик.

Постои основано сомнение дека осомничениот на неутврден датум, овој месец, по запознавање и создавање на љубовна врска со 12 годишната оштетена, во повеќе наврати извршил полово дејствие врз неа.

328 total views, 1 views today

Основното јавно обвинителство – Гостивар предложи краткотраен притвор против едно лице осомничено за полов напад врз малолетник кој не наполнил 14 години

Скопје, 23 Октомври 2014

Делото го пријавил вујкото на малолетното девојче во Центарот за социјални работи, по што веднаш е започната истрагата од страна на надлежните органи. Поднесена e и кривична пријава од ПС – Дебар, против едно лице кое е осомничено дека сторило кривично дело – Полов напад врз дете кое не наполнило 14 години. Основното јавно обвинителство – Гостивар ги започна потребните активности за да се утврдат доказите и фактите во предметот.

Осомничениот е лишен од слобода и е извршен разговор во присуство на бранител.

Сметајќи дека се исполнети законските основи, надлежниот јавен обвинител предложи Краткотраен притвор за осомничениот до судијата на предходна постапка од Основниот суд – Гостивар.

Во основното јавно обвинителство продолжуваат истражните дејствија.

336 total views, 1 views today

Основното јавно обвинителство за гонење на организиран криминал и корупција спроведува истрага против девет осомничени лица

Скопје, 21 Октомври 2014

Повеќемесечната претходна постапка што се спроведуваше од месец февруари до денес, утрово резултираше со наредба од надлежниот јавен обвинител за гонење на организиран криминал и корупција за спроведување на истрага против девет осомничени лица. Осомничените се товарат за кривични дела – Злоупотреба на службена положба и овластување по чл.353 ст.5 , а во врска со ст.1  и Перење пари и други приноси според чл. 273 ст.1  од Кривичниот законик на Република Македонија.

Надлежниот јавен обвинител за гонење на организиран криминал и корупција до судијата на предходна постапка од Кривичниот суд – Скопје поднесе Предлог за определување на мерка за обезбедување. Во Основното јавно обвинителство за гонење на организиран криминал и корупција во тек е истрагата против деветтемина осомничени.

371 total views, 1 views today

Основното јавно обвинителство Скопје води истрага против три лица за лишување од слобода и тешка телесна повреда на едно лице

Скопје, 16 Октомври 2014
Основното јавно обвинителство Скопје започна истрага против три лица кои се товарат дека противправно лишиле од  слобода едно лице и му нанеле тешка телесна повреда.
Сметајќи дека се исполнети законските основи, надлежниот јавен обвинител до судијата на предходна постапка од Основниот суд Скопје 1 Скопје поднесе Предлог за определување на мерки на претпазливост против осомничените.
Судијата на предходна постапка донесе Решение со кое  на осомничените им се забранува напуштање на живеалиштата, имаат обврска да се јавуваат  во суд, одземени им се патните исправи и забрането им е приближување  и одржување секаков вид на контакти со оштетеното лице.
Истрагата во надлежното обвинителство против тројцата осомничени е во тек.

279 total views, no views today

Основното јавно обвинителство Скопје поднесе Обвинителен акт против две лица за сторено кривично дело – Убиство

Скопје, 08 Октомври 2014
Убиството за кое е поднесен Обвинителниот акт против две лица беше извршено на 21 март годинава, кога обвинетите  лишија од живот малолетно лице – девојче на возраст од три години.
По завршувањето на истрагата и прибирањето на сите докази, Основното јавно обвинителство Скопје го поднесе обвинението според кое ги товари сторителите за квалифициран облик на кривично дело – Убиство од член 123 ст.2  во врска со член 22 од Кривичниот Законик.
Двајцата обвинети во својот дом,  повеќе пати го удирале малолетното лице со тупаници, клоци и кабел по целото тело со што му нанеле поголем број на повреди. Од повредите настапил трауматски шок кој довел до престанок на важно-виталните органи, по што настапила смрт кај жртвата.

374 total views, no views today

Page 54 of 59« First...102030...5253545556...Last »