Основното јавно обвинителство за гонење на организиран криминал и корупција поведе постапка против четири лица за Шпионажа и Насилство спрема претставници на највисоките државни органи

Скопје, 31 Јануари 2015

Министерството за внатрешни работи до Основното јавно обвинителство за гонење на органзиран криминал и корупција поднесе кривична пријава против четири лица за повеќе кривични дела.

Надлежниот обвинител против осомничените лица донесе Наредба за спроведување на истражна постапка и тоа за осомничениот ЗВ за кривични дела Шпионажа по чл. 316 од Кривичниот Законик и кривично дело Насилство спрема преставници на највисоките државни органи по чл. 311 во врска со чл. 24 од КЗ, за осомничената СВ  за сторено кривично дело Шпионажа по чл. 316 вв со чл. 24 од КЗ, за осомничениот БП за кривично дело Насилство спрема преставници на највисоките државни органи по чл. 311 во врска со чл. 24 од КЗ и за осомничениот ЗЗ за кривично дело Насилство спрема преставници на највисоките државни органи по чл. 311 во врска со чл. 19 од Кривичниот Законик.

Сметајќи дека се исполнети законските основи, Основното јавно обвинитеоство за гонење на организиран криминал и корупција до надлежниот Судија на претходна постапка поднесе Предлог за определување на мерки за обезбедување присуство на лицата и за непречено водење на кривичната постапка – Притвор, и тоа  спрема осомничените ЗВ, СВ и БП.

Со оглед на сите околности на кривично правниот настан и фактот што кривичното дело останало во обид за осомничениот ЗЗ не е поднесен Предлог за определување на мерката Притвор, туку Предлог за определување на мерка на претпазливост и тоа обврска на осомничениот да се јавува повремено на определено службено лице односно кај надлежен државен орган и привремено одземање на патна или друга исправа за преминување на државна граница.

614 total views, no views today

Основното јавно обвинителство за гонење на организиран криминал и корупција поднесе жалба на Одлуката за условен отпуст за Томислав Кежаровски

Скопје, 30 Јануари 2015

Основното јавно обвинителство за гонење на организиран криминал и корупција денеска поднесе жалба на Одлуката за условен отпуст на осуденото лице Томислав Кежаровски.

Во законски предвидениот рок, надлежниот јавен обвинител ја разгледа Одлуката за условен отпуст донесена од страна на Основниот суд Скопје 1.

Сметајќи дека со одлуката погрешно е утврдена фактичката состојба во случајот и дека осуденото лице не ги исполнува услови за условен отпуст, надлежниот јавен обвинител поднесе жалба на одлуката.

409 total views, no views today

Основното јавно обвинителство Скопје поведе постапка против три лица за сторено кривично дело – Даночно затајување

Скопје, 28 Јануари 2015

Осомничените се товарат за сторено даночно затајување во периодот 2007 – 2012 година, во својство на сопственици, овластени потписници и управители на четири правни лица – градежни фирми. Имено, во кривичната пријава поднесена од Финансиската полиција се наведува дека по претходен договор и во заедница изготвувале фиктивни завршни сметки и презентирале невистинити податоци пред надлежните органи со што го оштетиле Буџетот на Република Македонија во значителен износ по основ на даночно затајување.

 Основното јавно обвинителство Скопје, поради основано сомнение за стореното кривично дело донесе Наредба за спроведување истрага против тројцата осомничени и даде насоки за прибирање податоци, како и наредба за вршење на потребното економско – финансиско вештачење од страна на Бирото за вештачење. Извршено е сослушување на едно од лицата, додека останатите двајца осомничени во моментов се недостапни на органите на прогонот.

Сметајќи дека се исполнети законските основи, надлежниот јавен обвинител до судија на претходна постапка од Основниот суд Скопје поднесе предлог за определување на мерка Притвор. По предлогот на обвинителството судот донесе Решение со кое на осомничениот му е определен притвор во времетраење од 30 дена.

417 total views, no views today

Малолетникот осомничен за Силување во ВП домот Тетово во постапка и за Убиство во обид

Скопје, 27 Јануари 2015

Основното јавно обвинителство во Велес поднесе барање до Судијата за малолетници во Основниот суд – Велес за поведување подготвителна постапка спрема едно дете, штитеник на Воспитно-поправниот дом Тетово, за сторено кривично дело – Убиство (во обид).

На 25 јануари малолетникот побарал да биде однесен на лекарски преглед кај домскиот лекар заради главоболка. Во лекарската соба тој најпрвин со дрзок и висок тон се обратил кон лекарот, потоа ја турнал масата меѓу нив и се обидел да го удри, во што го спречиле двајца надзорници. Подоцна, од трпезаријата 16-годишникот зел два ножа и повторно влегол во лекарската соба со вербални закани кон лекарот дека ќе го убие, а притоа повторно го спречиле присутните надзорници.

Инаку, детето за кое станува збор, во текот на издржувањето на воспитната мерка, се јавува како сторител на повеќе кривични дела, меѓу кои и кривичното дело Силување спрема друго дете – штитеник на домот. За непријавување на ова дело Обвинителството поведе постапка и против заповедникот на Воспитно-поправниот дом.

Надлежното обвинителство, по последниот случај, до Судијата за малолетници во Основниот суд во Велес достави и предлог за определување мерка притвор за малолетникот.

400 total views, no views today

Основното јавно обвинителство Скопје поведе постапка против едно лице – поранешен висок функционер, за недозволиво држење на огнено оружје

Скопје, 24 Јануари 2015

Надлежен обвинител од Основното јавно обвинителство Скопје донесе Наредба за спроведување на истражна постапка против осомничено лице , кое се товари за сторено кривично дело – Недозволено изработување, држење и тргување со оружје или распрскувачки материи.

Сметајќи дека се исполнети законските основи, Јавниот обвинител до судија на предходна постапка од Основен суд Скопје поднесе Предлог за определување на мерката Притвор против осомничениот.

Прифаќајки го предлогот, со Решение судијата на предходна постапка на осомничениот му определи мерка притвор во времетраење на 30 дена.

371 total views, no views today

Основното јавно обвинителство Скопје постапува против две лица осомничени за примање поткуп

Скопје, 24 Јануари 2015
Постапувајќи по пријава на граѓанин, надлежниот обвинител донесе Наредба за спроведување на истражна постапка против две лица за сторено кривично дело – Примање поткуп.
Имено , осомничените од оштетеното лице барале определeн износ на финансиски средства за да биде извршена конкретна медицинска интервенција.
Против осомничените се води редовна постапка, односно по наоѓање на јавниот обвинител не постојат околности за поднесување на предлог за определување на мерка притвор или мерки за претпазливост.
Во тек на вчерашниот ден е извршено сослушување на двајцата осомничени и на оштетеното лице – подносител на кривичната пријава. Основното јавно обвинителство Скопје продолжува со преземање на потребните мерки за расветлување на случајот.

333 total views, no views today

Поднесено обвинение против службено лице од Воспитно-поправниот дом Тетово – одделение во Велес

Скопје, 24 Јануари 2015
Основното јавно обвинителство во Велес поднесе Обвинителен предлог против раководителот на Секторот за обезбедување – заповедник во Воспитно – поправниот дом Тетово – одделение во Велес, за сторено кривично дело Несовесно вршење на службата.
Обвинетиот се товари дека во својство на службено лице, откако добил известување за сторено кривично дело Силување на малолетник од страна на други штитеници во домот, истото не го пријавил до надлежните органи, со што несовесно постапил и сторил кривично дело.
Надлежниот обвинител презеде поголем број истражни дејствија по наводите за сторено силување во овој Воспитно-поправен дом, при што беа испитани повеќе лица вработени во домот, а по Наредба на надлежниот јавен обвинител извршено е и невропсихијатриско вештачење на оштетеното дете.
Што се однесува, пак, до децата кои го сториле кривичното дело Силување, Основното јавно обвинителсво во Велес веќе има поднесено барање за поведување на подготвителна постапка пред Судијата за малолетници во Основниот суд Велес и истата е во тек.

358 total views, no views today

Основното јавно обвинителство Гостивар спроведува истрага за починатото лице најдено крај пат кон Гостивар

Скопје, 23 Јануари 2015
Јавен обвинител од Основното јавно обвинителство Гостивар изврши увид на лице место кај пронајдениот машки труп, на споредниот пат Тетово – Гостивар.
Починатото лице било пронајдено на десетина метри од паркирано патничко моторно возило со тетовски регситарски таблички. Станува збор за жител на гостиварско село, роден 1958 година.
Јавниот обвинител донесе Наредба за спроведување на истражна постапка и даде  насоки за прибирање на доказите од местото на настанот. Воедно дадена е наредба за вршење обдукција за да се утврдат причините за настапување на смртта. Од увидот на лице место извесно е дека на телото на починатиот има две прострелни рани.

336 total views, no views today

Поднесено обвинение за семејно насилство во Неготино

Скопје, 21 Јануари 2015

Основното јавно обвинителство – Кавадарци поднесе обвинителен акт против едно лице на возраст од 18 години во Неготино поради постоење на основано сомнение дека извршило кривично дело Загрозување на сигурноста на неговите родители.

Имено, обвинетиот на 19 јануари се довел во состојба на раздразнетост и вознемиреност со користење на метадон, по што извадил нож со сечиво од 20 сантиметри и на сопствените мајка и татко, со кои живеел заедно, им се заканил дека ќе ги убие.

Обвинетиот подолг период вршел семејно насилство врз своите родители и бил долгогодишен зависник од наркотични средства. Извесен период во 2013 година престојувал и на Клиниката за психијатрија во Скопје, а од стручниот тим на Центарот за социјални работи бил оценет како опасна личност, на кој е потребно да му се изрече мерка Задолжително лекување на алкохоличари и наркомани.

Заради сите овие причини, надлежното обвинителство му предложи на Основниот суд во Неготино за обвинетиот да определи и мерка притвор, а побара и да се изврши претрес во неговиот дом поради основано сомнение дека крие психотропни супстанции кои ги употребува и ги продава.

309 total views, no views today

Основното јавно обвинителство за гонење на организиран криминал и корупција поднесе Жалба на Решението за условниот отпуст на Вранишковски

Скопје, 19 Јануари 2015

На 12 јануари 2015 година Основното јавно обвинителство за гонење на организиран криминал и корупција го прими Решението на Основниот суд Скопје со кое судот одлучи да го уважи предлогот на Директорот  на КПУ Идризово за условен отпуст на осудениот Вранишковски.

Таквото решение беше предмет на  целосна анализа на околностите и оцена во надлежното обвинителство и при тоа се утврди дека истотото е законито. Со ваквата своја оцена ја запозна и македонската јавност, но истовремено не се откажа од правото на Жалба.

Обвинителството смета дека треба да се преиспитаат околностите за условен отпуст на осуденото лице, како и дали ќе се постигнат целите на условниот отпуст . Истовремено обвинителството ги ценеше околностите кон овој кривично правен предмет и вообичаената досегашна пракса за должината на отпустот.

Воедно смета дека се променети околностите кои укажуваат дека осудениот може во иднина да врши кривични дела и со тоа нема да ја оправда довербата која му е дадена со условниот отпуст, па затоа во законскиот рок се поднесе жалба против решението на судот, а која жалба ќе се цени во повисокиот суд.

416 total views, no views today

Page 61 of 70« First...102030...5960616263...70...Last »