СООПШТЕНИЕ

Скопје, 03 Февруари 2015

Основното јавно обвинителство за гонење на организиран криминал и корупција, согласно своите овластувања ќе изврши проверки во врска со фактите и околностите под кои материјалите од средбата помеѓу Претседателот на Владата на Република Македонија Никола Груевски и лидерот на Социјалдемократскиот сојуз на Македонија Зоран Заев, дошле до медиумите.

Јавното обвинителство на Република Македонија цени дека е неопходно да нагласи дека објавувањето на материјали кои што може да станат предмет на натамошната кривична постапка е забрането и казниво со Закон.

Затоа, предупредуваме веднаш да запре објавувањето и емитувањето на ваквите материјали.

Основното јавно обвинителство за гонење на организиран криминал и корупција упати Барање до МВР на РМ да стапи во контакт со мрежата на која што беше објавен материјалот за негово отстранување како и отстранување на сите слични материјали кои би се појавиле во иднина.

705 total views, no views today

Кумановец под истрага за полов напад врз малолетник

Скопје, 03 Февруари 2015

Основното јавно обвинителство – Куманово нареди спроведување на истрага против едно лице поради постоење основано сомение дека сторил кривично дело – Полов напад врз малолетник кој не наполнил 14 години.

Според кривичната пријава доставена до надлежното обвинителство, во текот на април 2014 година осомничениот го повикал оштетеното дете во својот дом, каде што извршил обљуба.

Надлежниот обвинител, ценејќи дека постојат околности кои укажуваат на опaсност од бегство на осомничениот, да влијае врз сведоците во постапката кои сеуште не се сослушани, како и опасност да го повтори делото, предложи да му се изрече мерка притвор.

Судија во претходна постапка, постапувајќи по предлогот на Обвинителството, на осомничениот му изрече мерка – Притвор во траење од 30 дена.

437 total views, no views today

Истрага за две полнолетни лица и малолетник за сторено кривично дело – Разбојништво врз сириски државјанин

Скопје, 03 Февруари 2015

Основното јавно обвинителство – Куманово нареди спроведување на Истражна постапка против две полнолетни лица и еден малолетник поради постоење основано сомнение дека извршиле кривично дело – Разбојништво.

Имено, на 29.01.2015 година, на Автобуската станица во Куманово тие со употреба на сила му одзеле мобилен телефон и 300 евра на сириски државјанин, по што веднаш побегнале.

За двете полнолетни лица осомничени во овој случај, надлежниот јавен обвинител изготви предлог за определување на мерка притвор. Судијата нa претходна постапка во Основниот суд – Куманово за двајцата определи мерка притвор во траење од 30 дена.

За осомничениот малолетник, пак, исто така е предложена мерка притвор, со образложение дека доколку биде на слобода нема да биде достапен на државните органи, а може и да влијае врз оштетениот во текот на постапката.

Судијата за деца во Основниот суд – Куманово, постапувајќи по предлогот на надлежниот обвинител, ги повика родителите на детето, како и осомничениот малолетник за тој во присуство на бранител-адвокат да даде своја одбрана.

455 total views, no views today

Поднесено обвинение за двојното убиство во Вевчани

Скопје, 02 Февруари 2015

Основното јавно обвинителство – Струга поднесе обвинителен акт против едно лице поради постоење основано сомнение дека сторил кривично дело – Убиство со умисла на две лица во с. Вевчани, на 13.08.2014 година, а се обидел да лиши од живот уште две лица.

Спроведената истражна постапка утврдила дека обвинетиот, поминувајќи покрај летната тераса на кафе барот „Пјаца“ во Вевчани на критичниот ден, започнал најпрвин вербална расправија со оштетените. По половина час се вратил, држејќи во рацете метална шипка и огнено оружје – пиштол марка „Црвена застава“ калибар 7,65 мм.

Веднаш ги нападнал присутните на масата, најпрвин замавнувајќи со шипката, а потоа и отворајќи оган од огненото оружје. Од здобиените повреди кај две лица настапил смртен исход. На уште две повредите им биле санирани во Општата болница во Струга.

430 total views, no views today

Основното јавно обвинителство Скопје прими кривична пријава од Минстерството за внатрешни работи против едно лице за кривично дело – Производство и дистрибуција на детска порнографија

Скопје, 31 Јануари 2015

До Основното јавно обвинителство Скопје од страна на Министерството за внатрешни работи е поднесена кривична пријава против лицето ГВ за кривично дело – Производство и дистрибуција на детска порнографија од член 193 а став 3 во врска со став 2 од Кривичниот Законик.

Надлежниот обвинител ги презема законските активности и мерки постапувајќи по кривичната пријава.

453 total views, no views today

Основното јавно обвинителство за гонење на организиран криминал и корупција поведе постапка против четири лица за Шпионажа и Насилство спрема претставници на највисоките државни органи

Скопје, 31 Јануари 2015

Министерството за внатрешни работи до Основното јавно обвинителство за гонење на органзиран криминал и корупција поднесе кривична пријава против четири лица за повеќе кривични дела.

Надлежниот обвинител против осомничените лица донесе Наредба за спроведување на истражна постапка и тоа за осомничениот ЗВ за кривични дела Шпионажа по чл. 316 од Кривичниот Законик и кривично дело Насилство спрема преставници на највисоките државни органи по чл. 311 во врска со чл. 24 од КЗ, за осомничената СВ  за сторено кривично дело Шпионажа по чл. 316 вв со чл. 24 од КЗ, за осомничениот БП за кривично дело Насилство спрема преставници на највисоките државни органи по чл. 311 во врска со чл. 24 од КЗ и за осомничениот ЗЗ за кривично дело Насилство спрема преставници на највисоките државни органи по чл. 311 во врска со чл. 19 од Кривичниот Законик.

Сметајќи дека се исполнети законските основи, Основното јавно обвинитеоство за гонење на организиран криминал и корупција до надлежниот Судија на претходна постапка поднесе Предлог за определување на мерки за обезбедување присуство на лицата и за непречено водење на кривичната постапка – Притвор, и тоа  спрема осомничените ЗВ, СВ и БП.

Со оглед на сите околности на кривично правниот настан и фактот што кривичното дело останало во обид за осомничениот ЗЗ не е поднесен Предлог за определување на мерката Притвор, туку Предлог за определување на мерка на претпазливост и тоа обврска на осомничениот да се јавува повремено на определено службено лице односно кај надлежен државен орган и привремено одземање на патна или друга исправа за преминување на државна граница.

701 total views, no views today

Основното јавно обвинителство за гонење на организиран криминал и корупција поднесе жалба на Одлуката за условен отпуст за Томислав Кежаровски

Скопје, 30 Јануари 2015

Основното јавно обвинителство за гонење на организиран криминал и корупција денеска поднесе жалба на Одлуката за условен отпуст на осуденото лице Томислав Кежаровски.

Во законски предвидениот рок, надлежниот јавен обвинител ја разгледа Одлуката за условен отпуст донесена од страна на Основниот суд Скопје 1.

Сметајќи дека со одлуката погрешно е утврдена фактичката состојба во случајот и дека осуденото лице не ги исполнува услови за условен отпуст, надлежниот јавен обвинител поднесе жалба на одлуката.

454 total views, no views today

Основното јавно обвинителство Скопје поведе постапка против три лица за сторено кривично дело – Даночно затајување

Скопје, 28 Јануари 2015

Осомничените се товарат за сторено даночно затајување во периодот 2007 – 2012 година, во својство на сопственици, овластени потписници и управители на четири правни лица – градежни фирми. Имено, во кривичната пријава поднесена од Финансиската полиција се наведува дека по претходен договор и во заедница изготвувале фиктивни завршни сметки и презентирале невистинити податоци пред надлежните органи со што го оштетиле Буџетот на Република Македонија во значителен износ по основ на даночно затајување.

 Основното јавно обвинителство Скопје, поради основано сомнение за стореното кривично дело донесе Наредба за спроведување истрага против тројцата осомничени и даде насоки за прибирање податоци, како и наредба за вршење на потребното економско – финансиско вештачење од страна на Бирото за вештачење. Извршено е сослушување на едно од лицата, додека останатите двајца осомничени во моментов се недостапни на органите на прогонот.

Сметајќи дека се исполнети законските основи, надлежниот јавен обвинител до судија на претходна постапка од Основниот суд Скопје поднесе предлог за определување на мерка Притвор. По предлогот на обвинителството судот донесе Решение со кое на осомничениот му е определен притвор во времетраење од 30 дена.

439 total views, no views today

Малолетникот осомничен за Силување во ВП домот Тетово во постапка и за Убиство во обид

Скопје, 27 Јануари 2015

Основното јавно обвинителство во Велес поднесе барање до Судијата за малолетници во Основниот суд – Велес за поведување подготвителна постапка спрема едно дете, штитеник на Воспитно-поправниот дом Тетово, за сторено кривично дело – Убиство (во обид).

На 25 јануари малолетникот побарал да биде однесен на лекарски преглед кај домскиот лекар заради главоболка. Во лекарската соба тој најпрвин со дрзок и висок тон се обратил кон лекарот, потоа ја турнал масата меѓу нив и се обидел да го удри, во што го спречиле двајца надзорници. Подоцна, од трпезаријата 16-годишникот зел два ножа и повторно влегол во лекарската соба со вербални закани кон лекарот дека ќе го убие, а притоа повторно го спречиле присутните надзорници.

Инаку, детето за кое станува збор, во текот на издржувањето на воспитната мерка, се јавува како сторител на повеќе кривични дела, меѓу кои и кривичното дело Силување спрема друго дете – штитеник на домот. За непријавување на ова дело Обвинителството поведе постапка и против заповедникот на Воспитно-поправниот дом.

Надлежното обвинителство, по последниот случај, до Судијата за малолетници во Основниот суд во Велес достави и предлог за определување мерка притвор за малолетникот.

450 total views, no views today

Основното јавно обвинителство Скопје поведе постапка против едно лице – поранешен висок функционер, за недозволиво држење на огнено оружје

Скопје, 24 Јануари 2015

Надлежен обвинител од Основното јавно обвинителство Скопје донесе Наредба за спроведување на истражна постапка против осомничено лице , кое се товари за сторено кривично дело – Недозволено изработување, држење и тргување со оружје или распрскувачки материи.

Сметајќи дека се исполнети законските основи, Јавниот обвинител до судија на предходна постапка од Основен суд Скопје поднесе Предлог за определување на мерката Притвор против осомничениот.

Прифаќајки го предлогот, со Решение судијата на предходна постапка на осомничениот му определи мерка притвор во времетраење на 30 дена.

391 total views, no views today

Page 78 of 88« First...102030...7677787980...Last »