Петмина од Битола се обвинети за непочитување на Одлуката за забрана и посебен режим за движење на територијата на Република Северна Македонија, бидејќи за време на полицискиот час се движеле без дозвола на различни локации.

Заради стореното, Основното јавно обвинителство Битола поднесе предлози за издавање казнени налози со кои се опфатени вкупно 5 лица за кривично дело – Непостапување според здравствените прописи за време на епидемија од член 206 став 1 од Кривичниот законик. Со казнените налози за нив се предложени парични казни од по 100 дневни глоби со висина на една дневна глоба од 20 евра во денарска противвредност.