Основното јавно обвинителство Гостивар поднесе Обвинителен предлог протв 40-годишен жител на Форино кој се товари дека сторил кривично дело – Загрозување со опасно орудие при тепачка или караница, предвидено во член 133 од Кривичниот законик.

На 27.10.2021 година, на регионалниот пат Чегране-Форино, обвинетиот при караница посегнал по опасно орудие со кое може телото тешко да го повреди или здравјето тешко да го наруши. Тој го забележал оштетениот паркиран покрај патот и излезен од своето возило „Порше кајен“ со скопски регистарски ознаки, па го запрел својот автомобил „Тојота“ со гостиварски ознаки веднаш до него. Започнал да го пцуе и да го навредува, а потоа од јакната извадил нож со кој замавнал кон оштетениот. Оштетеното лице веднаш влегло во својот автомобил и го напуштило местото, а настанот го пријавило во полициска станица.​