Надлежен обвинител од Основното јавно обвинителство Гостивар изврши увид на лице место во месноста викана Старо Чајле, во близина на с. Чегране, каде беше пронајден машки труп. Имено, вчера во 17.00 часот од случаен минувач е пронајдено починато лице во водите на реката Вардар.

Првичните сознанија укажуваат дека починатото лице, родено 1929 година, предходно било пријавено како исчезнато.

Надлежен обвинител издаде Наредба за вршење на обдукција со цел утврдување на причините за настанатата смрт.

Истрагата е во тек.