Надлежниот јавен обвинител од Основното јавно обвинителство за гонење на организиран криминал и корупција по спроведена сеопсежна истрага, донесе Наредба за запирање на истражната постапка против осум македонски државјани. Лицата беа осомничени дека сториле кривично дело Злоупотреба на службената положба и овластување од чл.353 ст.5 во врска со 3 во врска со ст.1 од Кривичниот законик, а четворица од нив беа осомничени и за кривично дело Перење пари и други приноси од казниво дело од чл.273 ст.1 од Кривичниот законик.

Воедно, надлежниот обвинител врз основа на член 288 ст.1 од Законот за кривична постапка донесе Решение за отфрлање на кривичната пријава против две правни лица осомничени за Перење пари и други приноси од казниво дело од чл.273 ст.12 во врска со ст.1 од Кривичниот законик.

Решението за отфрлање на кривичната пријава и Наредбата за запирање на истражната постапка интегрално може да се преземат на следните линкови.

Решение за отфрлање на кривичната пријава
Наредба за запирање на истрага