Соопштенија

Поведена истрага за недозволена трговија со марихуана во Ресен

Јавен обвинител од Основното јавно обвинителство Битола, постапувајќи по поднесена кривична пријава, донесе Наредба за спроведување истражна постапка против жител на селото Селце, осомничен дека сторил кривично дело – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик.

На 22 март во Ресен осомничениот бил затекнат со 745 грама наркотична дрога – марихуана, кои претходно неовластено ги набавил од непознато лице и ги држел со намера да ги препродава.

Надлежниот јавен обвинител до Основниот суд во Битола поднесе Предлог за определување мерка притвор за осомниченото лице, оценувајќи дека се исполнети законските основи – опасност од бегство, можност за влијание врз постапката и можност да го повтори делото. Судијата на претходна постапка го прифати предлогот и на осомничениот му определи притвор во траење од 30 дена.