СООПШТЕНИЕ

Скопје, 15 Октомври 2017

Комисијата за следење на евентуални изборни нерегуларности при Јавното обвинителство на Република Македонија ја известува јавноста дека будно ги следи сите случувања за време на изборниот процес и денеска за време на гласањето. Во сите јавни обвинителства во Република Македонија, покрај редовните дежурства, организирани се и дополнителни дежурства од јавни обвинители со цел приоритетно, итно да се постапува по предмети поврзани со изборниот процес.

До овој момент, во Основните јавни обвинителства има неколку пријави за изборни нерегуларности, за кои надлежните Основни јавни обвинителства преземаат дејствија во насока на утврдување на фактите за постоење на елементи на сторени кривични дела предвидени во  Глава 16 од Кривичниот законик – Кривични дела против изборите и гласањето.

Комисијата за следење на изборни нерегуларности продолжува да ја координира работата на јавните обвинителства во врска со откривање и гонење на сторители на кривични дела поврзани со изборите, за што во континуитет јавноста ќе биде известувана.

283 total views, no views today

Основното јавно обвинителство Охрид утврдува кривична одговорност за смртта на двегодишното дете од Охрид

Скопје, 10 Октомври 2017

Основното јавно обвинителство Охрид го доби Секциониот протокол од извршената судско медицинска експертиза на двегодишното дете кое почина во август годинава на детското одделение во Медицинскиот Центар Охрид. Патолошко хистолошката дијагноза и резултатите од токсилошките анализи укажуваат дека смртта кај детето настанала поради воспаление на двете белодробни крила, по што инфекцијата навлегувајќи во крвта предизвикала сепса.

Детето првпат беше примено на 25 август и по препишана терапија пуштено дома. Поради влошување на состојбата истото во два наврати било донесено во охридската болница, последниот пат без знаци на живот.

361 total views, no views today

Под истрага 24 лица за злоупотреба на Договори за закуп на земјоделско земјиште и исплата по Програмата за финансиска подршка во земјоделството​

Скопје, 05 Октомври 2017

Основното јавно обвинителство за гонење на организиран криминал и корупција во текот на денешниот ден спроведе координирана акција со МВР на РМ Оддел за сузбивање на организиран и сериозен криминал. Акцијата за сузбивање на кривични дела против службената должност и овластувања сторени на штета на Буџетот на Република Македонија е спроведена во повеќе населени места на подрачјето на Скопје, Тетово, Гевгелија и Валандово.

Надлежен јавен обвинител донесе Наредба за спроведување на истражна постапка против 24 лица поради постоење на основано сомнение дека сториле кривично дело Злоупотреба на службена положба и овластување по член 353 став 5 в.в. став 1 од Кривичниот законик. Со своето незаконско работење нанеле штета на Буџетот на Република Македонија во износ од околу 220.000 евра. Меѓу осомничените се 15 службени лица вработени во Министерството за земјоделство, шумарство и водостопанство и подрачните единици на ова министерство, а останатите осомничени се физички лица и одговорни лица во правни лица во приватна сопственост.

Основаното сомнение е дека во периодот од 2011 година до 2016 година осомничените службени лица ја искористиле својата службена положба или овластување и ги пречекориле границите на своите службени овластувања при склучување и раскинување на Договори за закуп на земјоделско земјиште. При преземањето на незаконитите дејствија биле помогнати од останатите осомничени лица. Во исто време, одобрувале исплата по Програмата за финансиска подршка во земјоделството – субвенции, на кој начин прибавиле корист за повеќе правни и физички лица на штета на Буџетот на Република Македонија.

Надлежниот јавен обвинител до Судијата за претходна постапка при Основниот суд Скопје 1 Скопје поднесе Предлог за определување на мерка притвор против седум осомничени лица.

За понатамошниот тек на истрагата, јавноста ќе биде навремено информирана.

334 total views, no views today

Консултативна средба со граѓански организации на привремената Комисија за следење на евентуални изборни нерегуларности

Скопје, 04 Октомври 2017

Привремената Комисија за следење на евентуални изборни нерегуларности на локалните избори 2017 година, што е формирана во рамките на Јавното обвинителство на Република Македонија, денеска одржа консултативна средба со граѓански организации.

На средбата беа поканети претставници на граѓанските организации кои го следат изборниот процес. Целта на средбата беше тие директно да се запознаат со начинот на работа на привремената комисија, како и да се приберат нивните првични согледувања за текот на изборниот процес.

Претседателот на Комисијата, јавниот обвинител Џељаљ Бајрами, уште еднаш упати апел до граѓанските организации кои сметаат дека во некоја постапка има индиции за сторено кривично дело поврзано со изборниот процес, да достават поднесок/пријава до Комисијата за следење на изборни нерегуларности и тоа на електронската адреса за таа намена – izbori@jorm.gov.mk

277 total views, no views today

Основното јавно обвинителство за гонење на организиран криминал и корупција пресече канал за неовластено производство и пуштање во промет наркотични дроги и организирано криумчарење мигранти

Скопје, 03 Октомври 2017

Во текот на денешниот ден, Основното јавно обвинителство за гонење на организиран криминал и корупција спроведе координирана акција со Министерството за внатрешни работи на подрачјето на Скопје, Велес и Тетово. Преземени се дејствија за процесуирање на поднесената кривична пријава од страна на МВР против шест лица поради постоење на основано сомнение дека сториле кривични дела Неовластено производство и пуштање во промет наркотични дроги, психотропни супстанци и прекурсори од чл.215 ст.3 в.в. ст.1 од Кривичниот законик, Криумчарење мигранти по член 418-б и Организирање на група и поттикнување на извршување на делата трговија со луѓе, трговија со малолетно лице и криумчарење на мигранти по чл.418-в од Кривичниот законик.

Организираната криминална група во периодот од април до септември годинава, вршела неовластено организирање, купување заради продажба и пренесување на 146 кг наркотична дрога марихуана, како и криумчарење мигранти низ територијата на Република Македонија од границата со Република Грција кон Република Србија.

Против сите шест лица надлежниот јавен обвинител донесе Наредба за спроведување истражна постапка и до Судијата на претходна постапка при Основниот суд Скопје 1 – Скопје поднесе Предлог за определување мерка притвор.

338 total views, no views today

Формирана привремена Комисија за следење на евентуални изборни нерегуларности на локалните избори

Скопје, 03 Октомври 2017

Јавното обвинителство на Република Македонија, во рамки на своите надлежности, а во насока на претстојното спроведување на локалните избори закажани за 15 октомври 2017 година, формираше привремена Комисија за следење на евентуални изборни нерегуларности.

2

Задача на комисијата е да го следи постапувањето по евентуални изборни нерегуларности поврзани со постоење на кривични дела од Глава 16 од Кривичниот законик – Кривични дела против изборите и гласањето, како и други кривични дела кои би биле сторени при организирањето и спроведувањето на изборите.

За претседател на Комисијата е определен Џељаљ Бајрами, јавен обвинител во Јавното обвинителство на Република Македонија. Членови на комисијата се:

- Наталија Тасевска, јавен обвинител во Вишото јавно обвинителство Скопје

- Димче Пажески, јавен обвинител на Вишото јавно обвинителство Битола

- Анита Поп Методиева, јавен обвинител во Вишото јавно обвинителство Штип

- Вјолца Елмази, јавен обвинител во Вишото јавно обвинителство Гостивар

- Наташа Гоџоска, јавен обвинител во Основното јавно обвинителство Скопје

Комисијата има за задача на дневна основа да ги следи сите настани од државата поврзани со процесот на организирањето и спроведувањето на локалните избори. За оние настани за кои ќе се оцени дека даваат индиции за евентуални сторени изборни нерегуларности, известувањата веднаш ќе се проследат до соодветното основно јавно обвинителство. Во исто време, ќе се дадат задолженија до Основните јавни обвинителства за итно постапување, односно да формираат предмет и да ги преземат сите  дејствија за утврдување на сите релевантни факти од кои зависи правилната примена на Кривичниот законик.

1Целта на Јавното обвинителство на Република Македонија е на овој начин да се потенцира борбата против кривичните дела поврзани со изборниот процес и да се даде поголем придонес кон сузбивањето и превенирањето на изборните нерегуларности.

Во таа насока, Јавното обвинителство на Република Македонија, преку Привремената комисија за следење на евентуални изборни нерегуларности ја повикува јавноста, граѓанските организации, други организации, политички партии, домашни и меѓународни институции и сите кои сметаат дека во некоја постапка има индиции за сторено кривично дело поврзано со изборниот процес, да достават поднесок/пријава до Комисијата за следење на изборни нерегуларности на електронската адреса izbori@jorm.gov.mk“, изјави денеска претседателот на Комисијата, јавниот обвинител Џељаљ Бајрами.

268 total views, 1 views today

Основното јавно обвинителство Скопје ја прошири истрагата за еден од осомничените за случувањата во Собранието на Република Македонија

Скопје, 29 Септември 2017

Во текот на вчерашниот ден Основното јавно обвинителство Скопје до судија на претходна постапка поднесе предлог за определување на мерката Притвор за осомничениот по сите основи и тоа: поради постоење на опасност од бегство, попречување на истрагата и можност за повторување на кривичното дело.

Предлогот е поднесен бидејќи од досега прибавените докази од страна на Основното јавно обвинителство – Скопје произлезе дека покрај за кривично дело Неовластено изработување, држење, посредување и тргување со оружје или распрскувачки материи од чл.396 од Кривичниот законик, постои основано сомнение дека осомничениот преземал дејства како водач на толпа во врска со случувањата во Собранието на Република Македонија од 27 април годинава.

Поради тоа, надлежниот јавен обвинител донесе наредба за спроведување на истражна постапка и за кривично дело Учество во толпа што ќе изврши кривично дело од чл.385 ст.3 од Кривичниот законик, за кое дело пропишана е казна затвор од една до 10 години.

266 total views, no views today

Поднесено обвинение за лицето кое пукаше во поранешен министер за здравство

Скопје, 28 Септември 2017

Основното јавно обвинителство – Скопје, по завршената истрага, поднесе Обвинителен акт против лицето Љ.С. кое на 01.06.2017 година пукаше во поранешен министер за здравство.

Лицето се товари за две кривични дела – Убиство од член 123 во врска со член 19  и Недозволено изработување, држење и тргување со оружје или распрскувачки материи од член 396 од Кривичниот законик.

Заедно со Обвинителниот акт, надлежниот јавен обвинител до судот поднесе и Предлог за продолжување на мерката – Притвор поради постоење на опасност од бегство на обвинетиот и опасност од извршување на обиденото кривично дело.

271 total views, no views today

Средба на В.Д. Јавниот обвинител на Република Македонија Спасоска со амбасадорката Гловер

Скопје, 28 Септември 2017

В.Д.  Јавен обвинител на Република Македонија Лилјана Спасоска денеска оствари средба со амбасадорката Одри Гловер, шеф на Мисијата на ОБСЕ/ОДИХР за набљудување на локалните избори во Република Македонија.

На средбата се разговараше за чекорите што ги презема Јавното обвинителство на Република Македонија во насока на заштита од криминални и други противзаконски дејствија поврзани со процесот на претстојните локални избори, особено од аспект на превентивно делување.

Амбасадорката Гловер ги презентираше и активностите на Мисијата на ОБСЕ/ОДИХР поврзани со претстојниот изборен процес.

22119887_10156140709289239_649435992_o

269 total views, no views today

Основното јавно обвинителство – Гостивар го расветлува нападот во Кичево

Скопје, 28 Септември 2017

Надлежен обвинител од Основното јавно обвинителство – Гостивар изврши увид во центарот на Кичево, на местото каде вчеравечер,​ се случи вооружен инцидент во кој се ранети три лица.

Според првичните сознанија до инцидентот дошло кога лицето А.А од зад грб испукало неколку куршуми од пиштол кон А.А и А.Д. При нападот со лесни телесни повреди во пределот на потколеница се здобил и случаен минувач. Поради сериозноста на повредите А.А и А.Д се пренесени на лекување во скопските клиники.

При увидот јавниот обвинител издаде наредби за собирање на траги од лице место, за вештачење, фотографирање и скицирање на местото на настанот.

Основното јавно обвинителство – Гостивар издаде Наредба за спроведување на истражна постапка за А.А. кој е осомничен дека ги извршил кривичните дела – Убиство во обид од чл.123 ст.3 во врска со чл.19 од Кривичниот законик и Недозволено изработување, држење и тргување со оружје или распрскувачки материи од чл.396 од Кривичниот законик.

Надлежен јавен обвинител до судија на претходна постапка при Основниот суд – Гостивар достави Предлог за определување на мерка – притвор за осомничениот.

282 total views, no views today

Page 22 of 69« First...10...2021222324...304050...Last »